مشتريات الهنا يا حبيبتي تتهنوا بيهم الف هنا وشفا علي قلوبكم فيرن مش مقاطعة دي شركة افكو الامارتية دي عندنا في فيصل ب١٦٠ ج بصي قطعيها مكعبات وشيليها في علبة في التلاجة هتقعد كتييير عندك طبق البيض عندنا ب ١٥٠
ازيك يا ديدا عامله ايه انا بقالى فتره متابعتكيش كنت بتجوز بقه عقبال م تفرحى ب بنوتك بعد التخرج ان شاء الله ❤❤ رجعت تانى اتابع فيديوهاتك اللى بستفيد منها جداً وهزهقك لايكات وتعليقات بحبك ف الله ❤😊
المشتريات ماشاء الله ربنا يباركلك والصورة الجديده حلوة جدا بس الصوره التانيه كانت ماشيه مع الاسم فريده هانم اسم والله كله شموخ وعظمة ربنا يصلح مابين ايديك
معلومات مهمة ومفيدة فى المطبخ 😍 ------------- 🥣 لو الحله سخنت على النار ما تحطيش السمنه او الزيت على طول هيتحرقوا حطى البصل الى هتستعمليه هياخد الحراره وبعدين حطى الماده الدهنيه 🥣 اى حاجه على النار عاوزين تزودوها ميه لازم الميه تكون سخنه جدا 🥣 قبل ماتحطوا الكاكاو للكيك انخليه علشان مايعملش تكتلات 🥣 لو بتعملى الكيك بالسمنه اضربى السمنه مع السكر وبعدين ضيفى بيضه بيضه 🥣 لو بتعملى الكيك بالزيت اضربى السكر مع البيض الاول وبعدين ضيفى الزيت 🥣 وانتى بتطبخى او بتعملى رز استخدمى سمنه على زيت 🥣 الخولنجان بيطرى انسجة اللحوم بكل انواعها استخدميه فى التتبيله بيسرع السوا جدا وبيساعد على امتصاص التتبيله ( ملحوظة الخلونجان نوع من انواع النباتات مشابه نبات الجنزبيل ) 🥣 ورق الزهر من عند العطار اطحنوه واستخدموه فى التتبيلات تحفه 🥣 كتير من المطاعم بتتبل المشويات بخليط من الخولنجان وورق الزهر والزعتر والروز مارى 🥣 محلول النقع بنحط لمون ماينفعش خل 🥣 الخل بيخلى الفراخ تشد بيفرتك الفراخ لكن بتشد 🥣 استبدلوا الخل بالليمون فى غسيل الفراخ لان الخل بيثبت الزفاره ما بيضيعهاش وفى تنضيف الممبار كمان بلاش خل حطوا ملح وليمون وقشر الليمون 🥣 الخل ممكن نضيفه للكبده للبطاطس معلقه منه على الكيك وفى الشاورمه اظن كده انتهت اسطورة الخل 🥣 انا بستعمله كمان فى التنضيف وفى القضاء على النمل وبحط شويه على البريل 🥣 اعملى ازازه بخاخ حطى فيها بريل على شوية خل وكملى شوية ميه هيوفر جدا فى البريل او النوع الى بتستعمليه 🥣 قبل ماتحطى اللبن فى الحله على النار حطى معلقتين ميه لا يمكن يلزق ابدا 🥣 اللحمه الضانى لو هتشويها التتبيل قبل الشوى على طول لو هتسلقيها ضيفى نص معلقة خل بتساعد على سواها بسرعه وكمان بتضيع الطعم شويه والريحه للناس الى مش بتحب ريحتها 🥣 لو خزنتى الكرنب ورق بعد ماتحشيه اسقيه بشوربه ساقعه علشان مايجلدش 🥣 ورق اللورا بيساعد على تفتيح لون انسجة الفراخ وانتى بتسلقيها 🥣 لو عندك توم ناشف وفصوصه صغيره انقعيه فى شوية ميه وبعدين قشريه هيبقى سهل 🥣 لو بتقطعى خضره او اى حاجه خضرا ورقيه حطى على لوح التقطيع رشة ملح علشان ما تتطايرش منك 🥣 فى اكلات ماينفعش نغطى الحله واحنا بنسويها زى العدس والبصاره والويكه والرز بلبن والمهلبيه والمربات 🥣 فى اكلات ماينفعش نغطى الحله بعد مانسويها مش واحنا بنسويها بس زى الملوخيه والسبانخ ده وهما لسه سخنين طبعا. ♦️ملحوظة ( الخلونجان نوع من انواع النباتات مشابه لنبات الجنزبيل ) لو عجبتك النصايح دي نوروني وشرفوني ف قناتي بالاشتراك حبايب قلبي واخواتي 😍😍😍
هقولك على شوية تركات للمحشي كل اللى هياكلوا من إيدك هيقوللك عملتية إزاي وهتبقى أستاذة العيلة في عمايل المحشي😉😂 وهاتيجى تدعيلى 🧅🧅🫑🫑🧄🧄🍅🍅 /١وانتى بتعملى التسبيكة حطى على البصل وهو اصفر شوية خضرة وشوية من عيدان الخضرة بتقطع صغير وشمى بقى ريحة المحشى /٢ جربي تحطي معلقة توم مفروم صغيرة على التسبيكة وهى بتغلى بجد تفرق في الطعم وطبعا اختيارى لو مش حابة التوم براحتك لأن فى ناس مش بتقتنع بية بس بجد بتفرق فى الطعم /٣ بعد ما تغسلى الرز ويتصفى حطي عليه بصلة كبيرة مبشورة وكمان فلفل رومي متقطع صغير وشوية نعناع وبهارت نفس البهارات عبارة عن ملح وفلفل أسود وكمون و بهارات بس كمية ققل وشوية زيت وشوفى طعم الخلطة وبعد كده حطي التسبيكة بتاعتك لما تبرد على الرز /٣ وجربي تحطي على الشوربة او المية الي هتسقى بيها المحشي معلقة كبيرة من بهارات المحشي وكمان معلقة سمنة بلدي ومعلقتين تسبيكة المحشي او صلصة هتفرق بجد في الطعم /٤ وبعد المحشي ما يستوي حطي على الوش معلقة سمنة بلدي وقفلى غطا الحلة دقيقتين تسيح يا وعدى😍 أوعدك التركات دى هطلع أحلى محشي كل اللى هياكلوا من إيدك هيقوللك عملتي إزاي وهتبقى خبيرة في عمايل المحشي 😂 استني رايحة فين بعد كل النصايح دي ومش هتقولي تسلم إيدك يا روني 🤔واعملى بقى اشتراك في قناتي المتواضعه 🎉😅❤
