الاغنيه روعه تسمعها وانت براك في غربه ودمعاتك تنزل وتعيدها مره تانيه بصوت هاشم ميرغني ودموعك تجري وتالت مره تسمعه بصوت حنان النيل وبعدها تكون وصلت مرحله من التشبع من الحزن والفقد والألم وحرمان وبعدها تعيش في ساعات من أحلام اليقظه والرقص مع المحبوب لو كان التمني. تلقى الصباح جاء ودموعك ع خدودك والدوام راح عليك ولا هاميك لأنك عشت لحظات ما ساهله ابدا.
يا حليل الزمن الجميل وزمن الواحد كان بالو فاضي ومبسوط وكانت الحياة حلوة وجميلة بالناس الحوليك وكانوا مالينها حنان ورقة وطيبة وبساطة الله يرحمك ياأجمل واحن قلب عرفته في هذه الحياة الرحمة والمغفرة للجمليين مصطفي والخالدي
نحنا هل جنينا ام عقولنا نصاح ارجع ي زمان ارجع اااااااه انا منك يا زمن والله استمتاع حد الثمالة شكرا مصطفي شكرا الخالدي شكرا سيف الجامعة والله ابدااااااااع اهدي هذه الاغنية لجميع الاهل والاصدقاء بقرية الطندب شرق الجزيرة محلية تمبول والي الاصدقاء بالخرطوم وامدرمان
عمالقة الفن السوداني ولكنهم لم يجدوا من يقدرهم الله يرحمهم برحمته ويسكنهالجنة مصطفي والخالدي صاحب الصوت الحزين الذي يتسلل لي صميم الاحساس . ويعطي استاذنا سيف الجامعة الصحة والعافية
قول ايه ياصاح نحن هل جنينا ام عقولنا نصاح .. نحن الجنينا لم نسمع اصوات متناغمة زي اصواتكم العذبة دي .. رحمكم الله ابوسامر والخالدي رحمة واسعة واطال الله عمرك سيف الجامعة
كلمات اغنية : قلبي مالو اليوم قلبي مالو اليوم من جسمي فرا وراح دمت يا محبوبي ودامت الافراح يا الما رأينا جمالك في عجم وفصاح ياالشلت عقلي الشارد بي غرامك صاح يا الشغل بالي قول لي ايه يا صاح ا نحن هل جنينا أم عقولنا نصاح ؟ مالو جنح الليل دوبني في الاتراح والنسيم مني بلاك هبا زي الراح يا طبيب انا سآلك قول لي بكل صراح دا النسيم يشفيني ام بزيدني جراح ؟ قلبي مالو اليوم من جسمي فرا وراح دمت يا محبوبي ودامت الافراح ودااااااااامت الأفراح .....
قمة المعاني والرقي والادب والذوق لهذه الكوكبة رحمة الله عليهم جمعيًا الان كل شي انتهي في السودان 🇸🇩 ولافن ولا فنانين الاناس عايشة الجبل الله يرحم يا الفن السوداني
اجمل وامتع تريو في الأغنية السودانية كان بين الثلاثي : الاستاذ/ مصطفى سيد احمد رحمة الله عليه الاستاذ/ سيف الجامعة متعه الله بالصحه والعافية الاستاذ/عبدالمنعم الخالدي رحمة الله عليه هذا الثلاثي غنوا مع بعض اغنية من روائع الحقيبة كتريو مع بعضهم بالعود وأبدعوا في ادائها ابداع منقطع النظير كل واحد غنى كوبليه من الأغنية بدا الخالدي ب مالو جنح الليل اتقطع فيها لحدي نهاية الكوبليه ثم ابو السيد ب يا الماراينا جمالك حتى نهاية الكوبليه ثم سيف الجامعة ختم الأغنية ب مالو صدرك حتى نهاية الاغنية وهي اغنية قلبي مالو اليوم أهديها لكم. اغنية قلبي مالو اليوم .............................. قلبي مالو اليوم من جسمي فرر وراح دمت يا محبوبي ودامت الأفراح ⚘️⚘️⚘️⚘️⚘️ مالو جنح الليل زودني في الإشراح والنسيم من قِبلك هب زي الراح ياطبيب إنا سائلك قول لي بكل صراح النسيم بشفيني ام بزيدني جراح ⚘️⚘️⚘️⚘️⚘️ يا الما رأينا جمالك في عُجم فصاح يالشلت عقلي الشارد البي غرامك راح الشغل أفكاري قول لي إيه يا صاح نحن هل جنينا إم عقولنا نصاح ⚘️⚘️⚘️⚘️⚘️ مالو صدرك بادع مالو كتفك هادل بي دموعك ماح رمشك انت يسيل انا راجي منو سماح أصلو هو القاتلني وهو البيزيدني جراح قلبي مالو اليوم من جسمي فرَّ وراح دمت يامحبوبي ودامت الافراح
ابداع خرافى كلمات واداء رحم الله الاستاذ مصطفى سيد احمد والاستاذ الخالدى ومتعك الله بالصحه والعافية الاستاذ سيف الجامعة ... الاغنيه كلمات منو؟ واول من تغنى بها منو؟
