@@iyadskander4073 صح معك حق نحن كل اثنين أخوة في سكن لكن كل واحد والطابق تاعو والباب تاعو وحد انا لوكان مايكون زوجي حاضر في البيت لايدخل اخوه ابدا مهما كان ونجتمع في دار شيخي لكن كل واحد في حدو ماكانش المخالطة حتى الأكل الرجال وحدهم والنساء. وحدهم والأطفال وحدهم
تاخذي رايي اطلبي راجلك في التليفون وقوليلو تطلبي السماح بشرط ادرلك دارك وحدك وادي عجوزتك معاك باش مايقولكش تبعديني على يمى ولا يبنيلك فوق الدار باش ماتتلاقاوش علاجال طاح القدر بزاف بيناتكم.
انا كي تحجبت على خاوة زوجي واولاد عمي وكامل الناس من غير خاوتي ولاد امي وبابا واش دارو دارناسي خصوصا سلفي الكبير وراهم مشنفين مني بصح انا نرضي ربي والعباد ماعلابالي حتى بواحد
كي زوجت كنت متحجبا امام اهل زوجي حتى وين وصلوا يهدرو فيا ويعايروني بلي عروبية ومارانيش متقدمة بصح معلابليش بيهم انا ارضي الله سبحانه ومهمنيش واش كانوا يهدرو فيا اما اليوم الحمد لله كل سلافات لضحكوا عليا كل تحجبوا كيما انا المرأة يزينها حياءها وحجابها
لوكان جيت في بلاصتك ما نخليلهاش حتى مجال ونفهم راجلي بيني و بينو وهو ألي يصدها بلا ما يفيق حتى واحد هي عملتها واصبحت مضلومة و جات فيك أنت ارجعي لدارك و ديريلها لحد واذا كاش ما ناوية يكشفها ربي
واش قلتي عندك الحق ارجعي لدار ك واطلبي السماح و اشربي على راجلك يقطع الدسارة معاها فوق السلام ما يزيد حتى كلام كون جينا نطبقه شرع ربي منوقعوش في هاذ المشاكل حنا 5عرايس كامل نتحجبو قدام سلافنا و مكانش الهدرة الزايدة و الحمد الله مهنيين
ياختي لحكاية هذي كاينا منها وعندنا مثال عليها هنا في أم البواقي نفس حكاية هذا المخلوقة وانا كون جيت منها منطلبش السماح بيسك كون ماشفتش مرت سلفها دير في حوايج عيب متبلاقي عليها😔😔😔😔
ارجعي لدارك او اطلبي السماح مشي اهانة ليك بصح زيدي شوفي او متتقلقيش حتى تحكمي حاجة عليها او هيا لوكان جات مراة او مربية تحشم من سلفها حتى كي يفوت عليها ربي يهديها او يهدي جميع النفوس
نصيحتي لصاحبة القصة لوكان خليتي الامور تمشي حتان حكمتي كل شيء بالدليل ارجعي لدارك واطلبي السماح معليه لكن خمي براسك وخلي حتان تحكمي عليها أو حاجة كبيرة وبالدليل ثم هدري
Non matawsalch biha taskot hta talkaha f hadjro mais normalement matahdarch m3aha tahdar m3a radjalha w thadro bli akhir marra nalkaha m3ak... Ect ... W zid matatfatanch m3aha malawal ki kanat thatlo yakoul,yakoul rahj kanat tgolalha radjli w ana nhab nwadjadlo bla mathabat niveau hta tawsal bach yadarbo w zid ga3dat f darhom w khalatalha saha djayha wasiiiiii radjlak ya lbahloooooola w zid 5 mois kalaktiiiiiiniiiii samhili mais bahloooooola
لو كنتي صبورة قليلا .وذكية . كنت ديريلها فخ (بياج) مثلا تسجيل مكالمة او فيديو دليل بين. يديك كنت تنتصري عليها .خليتي ليها الساحة فارغة كل هذا الوقت اكبر غلطة روحي اطلبي منها السماح وحاربيها بسلاحها وقاومي على راجلك حبيبك ابو ابنك وربي يصرك عليها آمين
شوفي اختي الراجل كي تشرلو امراة وتديرلو جاست يفيق ويحس حاجة ماشي عادية ارجعي لدارك و برديلها قلبها وهبليها كي تشوفيها جاية ديريلو انت هذوك لي جاست واذا نيتها ماشي مليحة تعيا ويكشفها ربي بصح ما تخليلهاش الساحة فارغة وتدير واش تحب ارجعي واطلبي السماح ببرودة وديري شروطك فهميها ما تزيدش تدور وين يكون بما انها معملاتو كي خوها ما تجيها لا من لامن كوني فاطنة معاهم كي هي كي هو والوقت الي يجي راجلك البسي وسقمي روحك ولاقيلو انت وقوميه انت كاس تاع الماء وما تخليهاش تمدولو اقفزي على روحك وديرلها حدود
لالا مكانش منها كي خوها ورجالها تقلو منحبش نزيد نسمع كلمة دايرتني كي خوها، النبي يقول الحمو الموت يعني خافو من الخلطة معاه كيما تخافو الموت، مكانش كي خوها هاذي واش هاذ المهزلة تزيد تعتذر خلاص، هي عندها سبب قوي ومستحيل راجلها يطلقها بطفل ولا طفلة على جال محبتش تطلب السماح، بالذكاء والحيلة تعيط لرجلها تقلو أرواح نتفاهموا وتلين معاه وتدلع وديرلو ليجاست وتقلو ماوحشتنيش وتقصلو كي يقلها شرط تعتذري تقلو هيه نرجع للدار ونعتذر منها شخصيا قدامكم. مي تروح تروح تقلها ياسيدي كذبت وذني واش نقلك كان غلطت في واش سمعت وظلمتك اسمحيلي وربي يغفرلي ز كان مغلطتش اي فاتت وخلاص ماصرا والو، وتخلي راجلها يردلها اعتبارها ومبخليهمش يشوفوا فيها بنظرة تاع مهبولة وموسوسة وسيئة نية وظن، هذا رايي
و الله غيل عشت مع خمس سلايفي ذكورة و راجلي ديما غائب و دايمن حاضيا روحي في معاملة و درتهم كي خوتي و هوما يحبوني كي اختكم و جامي قالولي حةجة دائما إحترام بينتنا و كي زوجو تبدلو شوية ولاو يسمعو للنساهم بصح درك رحلت و قعت كي اختهم يعيطولي و يسقسو عليا.
ما كان لا سماح لا والو لازم تتكلمي على كلش في حضور سلفك و فولي كلش والو سلفك بدات وقولي لو الا راك راضي لهذا الشئ الي تعملو مرتك وانت غايب وفهميه بكل التفاصيل راني نطلب السماح ولاكن انا ما نقبلش تعامل راجلي بهاذ الطريقة و تعاود تطرح السؤال على زوجها الى كان العكس يقبل مرتو تغازل في خوه والله غير قصة تنرفز
يا أختي إرجعي لدارك أصلا الصح في راجلك هو لمسڨم مهوش دايها كامل فيها غير رجعي ودعي عليها وربي غادي يبعدها عليك مدابيها تتطلقي يا أختي وتخليلها بلاصتك واجدة
والله يا مريم راكي قلتي لي في قلبي وما نزيد والو على كلامك لكن نقوللها لازم توصلي رسالة مشفرة لزوجك واهله التزمي امام زوجها بالحجاب واحسني تصرفاتك معه في حدود الشرع درك شوية شوية تبدا المقارنة بينكم وهي تتحط قدام الامر الواقع وتتفضح
انا من وجهة نظري تطلبي السماح اذا هي حلفت على كتاب الله بأنها بريئة ومن جهة اخرى الرجل اذا كان يحب مرتو بمعنى الكلمة ميسمحش فيها 5 شهور كاملين وفوق هذا يسمح في وليدو ربي يهدينا وحنن قلوبنا
الحل انك تقربي من راجلك و قربيه من الدين وتفرجي معاه على فيديوهات دينية تكوني محضرتها من قبل تتحدث عن الحدود بين الزوج و زوجة أخيه وحديث الرسول عليه افضل الصلاة والسلام عنما سئل عن الحمو اي اخو الزوج يدخل بيت اخيه واخوه غائب قال الحمو الموت ويمنع مرت خوه تدخل عليه لبيتو وفي الشرع مكاش حاجة سموها كيما ختي وحسني علاقتك معاه وانت قومي بيه من الاحسن تسكنو بوحدكم وصلي صلاة الاستخارة قبل فعل اي شيء دوما وادعي الله يبعدها عليك انت و راجلك ما تهدميش دارك ربي يسلكك على خير و يهنيك
لوكان أنا في بلاصتك نولي و نعفس على قلبي خاصة أنو زوجك يخاف ربي ...ديري إحتياطاتك معاها و لا كاش ما سمعتي منها سجلي هدرتها و واجهيهم بدليل و خلي دايمن لحدود بينك بينها
الحل انك تقربي من راجلك و قربيه من الدين وتفرجي معاه على فيديوهات دينية تكوني محضرتها من قبل تتحدث عن الحدود بين الزوج و زوجة أخيه وحديث الرسول عليه افضل الصلاة والسلام عندما سئل عن الحمو اي اخو الزوج يدخل بيت اخيه واخوه غائب قال الحمو الموت وحسني علاقتك معاه وانت قومي بيه من الاحسن تسكنو بوحدكم وصلي صلاة الاستخارة قبل فعل اي شيء دوما وادعي الله يبعدها عليك انت و راجلك ما تهدميش دارك ربي يسلكك على خير و يهنيك
سلام لوكان أنا منطلبش منها السماح اقسم بالله منطلب منها السماح بصح ولي لدار ك يا الجايحة سمحلي على هدل الكلمة وعرفي كتوقفيها عند حدها وكلي عليها ربي ياخد فيها الحق وصبري وقعدي في دارك فهمتي اختي
انا امنتك ياختي الحل الوحيد تقعدي في دارك ماتطلبيش سماح منها راكي بعينك شفتيها تدخل لشمبرا ونتي ماتكونيش شدي في راجلك ماتسمحيش فيه ماتيتميش وليدك ويلا بنتك ماتخفيش ربي يتولاها النصر لكي
كلامك صواب يا مريومة نتمنى تثبتيلي تعليقي أو توصليه لمولات القصة ونشاء الله يستفيدو كل لكيفها راه نصدقك النصيحة لوجه الله ياختي والله راني مصدقاتك في كل كلمة قلتيها بسك راه فايت عليا بزاف نساء مثل حالتك والحقيقة هذي الامور راهي غاديا وتزيد في المجتمع نتاعنا بسبب البعد عن الدين وتعاليم الرسول صل الله عليه وسلم بسباب ديار العايلة المخلطة بصح أختي راكي غلطتي مرتين مرة كي فضحتيهة وحدك بلا دليل ودرتي واش تحوس ومرة ثانية راكي غلطتي كي رحتي وخليتلها الساحة فارغة وهذا ثاني واش تحوس وراح نشرحلك كلش أختي وراح نعطيك الحل نشاء الله بصح تبعي واش نقلك ❌ المشكل :تبانلي سلفتك كانت حاطة عينها على راجلك قبل مايتزوجك وعاد يخاف ربي ربي حماه منها بحيث مكانش مىكز معها ودايرها كي اختو وهي حاولت معاه بصح حفظ الله حال بينو وبينها وكل وحدة بليس لعبلها في عقلها وقلبها ومزينلها مجال غظب ربي راهي تعرف بلي الرجال الملتزظة والصالحة مستحيل طيح قبل الزواج وكانت تستني فيه يتزوج ويدخل هذا المجال ويضوقو لذالك كانت تتصرف معاه بهذيك الطريقة وزاد كي شفاتك ساكة وكي تقلك نطيبلو ونسربيلو متقولي والو ومليتيها على راحتها فهمت بلى راكي مكيش فاهمة ومتمثلي حتى خطر على مخططها ولاكن كي بديتي تقفيلها وتلوحيلها في المعنى عرفت بلى راكي عرفتي سرها ووليتي خطر عليها ولازمها تبعدك من الساحة باش تكمل مخططها براحتها وكذالك تبعد الشبها عىى روحها وراحت ستغلت وضعك نتاع الحمل والوحم ودارتلك الفخ نتاع المكالمة والباب ليشفتيه محلول شوية هي لي حلاتو باش تسمعك المكالمة لكانت وجدتلها مع صحبتها بعدما عست مروركمن جانب بابها والدليل على المأمرة نتاعها انها مستحيل تهدر في مثل هذا الامر الخطير والسري والباب محلول وبصوت عالي قادر أي واحد فايت يسمعو غير كي تعود ضاربة حسابها بلي مكاين حتى واحدراح يسمعها غيرك باش تخليك تتأكدي من شكوكك بلا مايكون عندك دليل وزيد علابالها بلي تتوحمي وتتقلقي ومستحيل تصبري ومتدخليش لانها كانت تراقب كل الوقت تصرفاتك وردات فعلك على مواقفها ونتي معلابلكش والدليل الثاني انها هي لي لاحت روحها عليك ونتي حامل باش تضربك باش تضمن بلي ترجعياها الضرب و وهاك تكون نفذت مخططها وتثبت التهمة عليك وتخرج هي الصالحة ونتي للطالحة وشكاكة ولانها قرات تصرفاتك كانت متوقعة انك راح تقلقي كي ميصدقوكش وسيرتوراجلك لي يشوف فيها أختو وراح تروحي لداركم لانك مكيش راح تحملي وبهاذا راح تبعدك عن طريقها ويخلولها الجو والراجل المتزوج ميقدرش يصبر كيما الراجل الاعزب وبتالى يكون فريسة سهلة امام إغرأتها ونتي ربي يهديك وقعتي في الفخ ودرتي واش تحوس وزيد ركبتي راسك بطريقة سامحيني على الكلمة ولكنها فعلاطريقةغبية جدا لانها ونتي معاه و تعسي فيه تتحرش بيه فما بالك كي يعود وحدو ✅👍الحل : أول حاجة لازمك تعرفي بلي راكي غلطتي كي فضحتيها لانو الاصل في هذي الامور في شرعنا الاسلام وهو الستر لانو فضح مثل هذه الامور نشر للفتنة وتشتيت للبيوت والارحام وثاني غلطتي كي خلتيلها راجلك على طبق من ذهب وخلتيه يحارب فيهاوفي بليسها وحدو مسكين نرمالمو ركي الدرع الرباني نتاعو لازمك تصبري باش تنالي وترجعي زوجك وتحافضي على دارك وتبعدي الفتنة وتربي وليدك في حضن باباه ومتخليش بليس يطفرها فيك ويضيعلك زوجك لتحبي ومعندو حتى ذنب مسكين في شر وخبث مرت خوه باشمتندميش لانو في وقتنا الزوج الصالح نعمة وملازمش تخليه يضيع منك على جال وحدة متخافش ربي باش متديش ذنوبو ومتضلميهش لانو ربي راه كاين ويشوف ويمهل ولايهمل ✅👍أول حاجة لازم تنساي كرامتك علاجال ولدك باش ميترباش يتيم وباباه حي وتدي ذنوبو وذنوب باباه لي راكي زوجتو وهاربة عليه راكي تتحاسبي عليه وراه جنتك ونارك والحل راه ساهل مع هذي الخطة: ✅👍ثاني حاجة لازم تكلميه وتلعبيها نادمة وتطلبي منو السماح وتقوليلو رجعني راه بية لوحم والحمل كانو مأثرين عليا وذرك وين راحو كل التأثيرات الجانبية نتاعهم ووليت نشوف وراني حشمانة منكم وتروحي معاهوتطلبي السماح وتلعبيها بلي مكان والو وتقريها الامان فيك بصح ارجعي مرة ونص تزيني لزوجك في غرفتك وقومي بيه مليح بكل الطرق الحلال والشرعية وخليه دايما شبعان منك بايبقى قانع وما يزلقش للحرام وعينيه مايشفوش غيرك وستودعيه في الله وقولي اللهم اني استودعك زوجي فحفضهولي ياربي من فتنة زوجة خوه ومن كل الفتن ومن شر شياطين الانس والجن .فالله لاتضيع ودائعه ابدا ابدا وكي تكونو معاهم حاولي دايما تفوتيها في الحوايج نتاع راجلك وتفاهمي معاه يراعي مشاعرك ولعبيها تغاري عليه ومتحكيلوش عليها باه ميحطهاش في راسو النبي صل الله عليه وسلم قال لاتصف احدكن المرأة لزوجها وتهلاي في روحك وفي ولدك وخليه يقضي اغلب وقتو في الدار مع ولدو في الشمبرا وكي تعود الدور تحججي بأي خدمة وخليه يبقى مع ولدو ويعسو في الشمبرا نتاعك وحاولي معاه بشوية انو ميضحكلهاش وميطلقلهاش في الهدرة باش ميشكش خوه ودايما حسيه بلي قربو منها راح يخلي علاقتو بخوه على المحك وعامليها بمعاملة نشفة وصامطة وخليها متفهم فيها والو لاراكي معها ولا راكي ضدها وساعة على ساعة خوفيها وشككيها في روحها مثلا كي تعودي في غرفتك تكلمي ولو مع روحك بصوت مسموع وكأنك تكلمي في واحد وقولي والله لزمني ندير كميرة باه نراقبو ونشوفواش يدير ولازمتسمعك واذا سقساتكقولي راكي على ولدك وساعة كي يعود خارج قدامهم كل قوليلو متنساش تجيب السمعات ولمكروفون الصغير لقتلك وكي سولوك قولي راني حبة ندي ر مكروفوناتفي الغرفة والدروجباه نسمع ولدي كي ينوض وانا لتحت وكررهذى الامور قدامهابكل الانواع راح تخوفها وتخليها تشك بلي راكي راح تفضحيها وراكي تستني فيها طيح وردي بالك ديرلك فخ واحد أخر وحاولي متبقايش معاها وحدك و ردي بالك تفتحي الموضوع معاها وسيرتو وحدكم باش متسجلكش وتغير في الصوت والتسجيل وديرلك فخ واحد أخر وزيدي شوية وقليلهم راني نتعب كي راني نطلعونهبط وولدي صغير لفوق وطلبي يديرلك كوزينةوحدك وكولي نتي وراجلك الفوق وعيطي لعزوجك تطلعلك دايما لهيها في ولدك وعلقيها بيهباه تعود دايما الفوق باه ميضطرش راجلك يهبط عندها وعند مرت خوه ومع الدعاء فيالثلث الاخير من الليل و كثرتالصلاة على النبي دائما ونتي تخدمي في الشغل او معولدك ي اي مكان وزمان بإذن الله مطوليش وتبشرينا بلي راهي خرجت من عندكم ورانكي مع زوجي لاباس وهانية ربي يوفقك لكل مافيه خير ليك وترجعي لزوجك وتربي وليدك فحضنكم في زوج
ماتطلبي السماح ماوالو، ماتغطيوش الشمس بالغربال، الرسول عليه الصلاه و السلام قال الحمو و الموت. نورمالمون تلبس الحجاب قدامو و ماتجمعش معاه. و إطمئني، بإذن الله تتفضح و يبان الحق.
قال النبي صلى الله عليه و سلم "الحم الموت" ماكان لاه تتحجبوا برا و ماتحطوش خمار على رؤوسكم قدام اخ الزوج راه حرام و الشيطان داخل بين اثنين الله يسترنا و يبعد علينا الحرام
سلام أختي مريم واش قولتي هو الصواب معندنا منزيدو كفيتي ووفيتي أنا والله لوسي ماشي ساكن معايا بصح كي يجي عندنا نلبس الحجاب و نحشم نكسر معاه غير واش راك لباس و نسقسي على الدراري وانتهى يبقى الإحترام الله يهدينا.
سلام عليكم ،انا نصدقك بصح الحل هو حطيلها المصحف وخليهاتحلف هي وصحبتها،وحلفي انتي كذلك على واش سمعتي،لحلفت اعتاذري وخليها لمولاها،وكونك متأكدة بلي الحلف يخرج فيها.
ميساج للمعنية بالأمر أنا لوكان جيت في بلاصتك نروح نطلب السماح و ما نديرلهاش خاطرها و نخليها تتغزل بيه و تشوفه كل وقت حتى أنا مرت حمايا كانت تسلم على راجلي ف للمناسبات و ڨاع بصح كلش ڨطعته قبل ما نجي حتى بنات عمته مكانش سلام ڨتله ايلا تقبل نسلم على ولاد خالتي روح سلم و هو رفض ألوووغ من نتا ممنوع عليك السلام 😊😊 ما تعطيهاش الفرصة نروح و نعاملها كلي مكانش ڨاع و عمرك ما تبيني للعدو نقطة ضعفك 🙄