مع أم ضد:إن حماتك يكون معاها نسخة من مفتاح الشقة؟ | هي وبس 

كلام الراجل ده مظبوط وعاقل جدا👌

الرجل كلامه طبيعي جدا وصح وما عليه غبار حسستوني ان الخصوصية شئ خطأ🙄 والست حسيتها جايه من المدينة الفاضلة اصلا بالدين لا يجوز الدخول عالبيوت بدون استئذان قال الله عز وجل :( فَإِن لَّمْ تَجِدُواْ فِيهَآ أَحَدًا فَلَا تَدْخُلُوهَا حَتَّىٰ يُؤْذَنَ لَكُمْ ۖ وَإِن قِيلَ لَكُمُ ٱرْجِعُواْ فَٱرْجِعُواْ ۖ هُوَ أَزْكَىٰ لَكُمْ ۚ وَٱللَّهُ بِمَا تَعْمَلُونَ عَلِيمٌ)

الراجل ده محترم وعارف يعني ايه خصوصية ويعني ايه يحافظ على خصوصية مراته وعياله

انا ضد ان حد يكون معاه مفتاح شقتي طبعا وابني وبنتي دا ضمن الخصوصيه ودا بيتهم طبعا لاكن مش من حق الام والحما يكون معاه مفتاح شقتي

عيالي لازم يستاذنو عليا في ثلاث اوقات من اليوم بحكم القران...ازاي بقي الاقي حد داخل عليا شقتي في اي وقت تحت اي مسمي.. لو حد خد مفتاح شقتي يبقي عارف تمام اللي سمحت له بذلك انه عند اللزوم وده امانة عنده مش تصريح بالدخول اي وقت ..واي انسان عنده مباديء ميدخلش شقة حد من غير اذنه ولو دخل ميتجولش فيها.

كلام الرجل منطقي جدا، عجبتني طريقة تفكيره

مدام سوزان عندها حماتها كويسه انتي حاله فرديه لاكن في المطلق ما ينفعش مدام سوزان انتي قاعده في انه كوكب بالظبط ؟

مع إحترامي للضيفة لكن بيتي خصوصية لا ماما ولا حماتي البيوت أسرار وعمرهم ما يكونوا زي أولادي أنا ببيتي الفكرة مرفوضة تماما

الوليه دي حرقت دمي انا مش مصدقه أن الراجل هو اللي ضد والست مع المفروض العكس الان الست بتحب الخصوصيه

الضيف كلامه مضبوط وليس لديه مشكلة خصوصية وإنما فاهم معنى الخصوصية بشكل صحيح. كل الأمثلة المذكورة هي استثناءات لا غير. الزوجان والأبناء لديهم الحق في إمتلاك مفاتيح البيت لأنهم أصحابه وهم من يسكنونه بشكل دائم. فيما عدا ذلك والدي الزوجين ليسوا بالأساس أهل البيت ليمتلكوا مفاتيحه. ربوا كبروا علموا... إلخ هذه واجبات ومن حقوق الأبناء عليهم ألا يخترقوا خصوصيتهم بأي شكل كان. يكفي أن القرآن يعلمنا في سورة النور أننا حتى حين نكون ضمن بيت واحد فيجب علينا الإستئذان.

الغريبة ان الستات موافقة والراجل رافض ، انا مع كلام الراجل فيه خصوصية لكل بيت

انا مش مقدره اصدق الضيفه هيا عبيطه ولا ظروفها ايه ده معتوهه صح البيوت اسرار هوا انا ليه ارجع الاقي حد حماتي ولا امي يا سيتي انا عاوزه اقلع هدومي واقعد براحتي عاوزه ارجع من برا ادخل اقعد في اوضتي مليش نفس اكلم مع حد ليه تجبريني اقعد اكلم مع حد مش في اي وقت الانسان عنده استعداد انه يستقبل حد وبعدين ربنا اللي قال استئذنوا ٣ مرات ان لم يأذن لكم فارجعوا ماما بقي ولا حماتي ولا عفريت كل ده عشان احنا بعاد عن دينا لو كنا بنتبع دينا كنا ارتحنا كلنا

كلام الضيفة مش منطقي خالص ايه علاقة البر والتفكك الاسري بمفتاح شقة الزوجية!! الخصوصية بتكون لإي شئ خاص بيا وبتاعي انا لوحدي مابالك بقا بمملكة بيشاركني فيها افراد تانين وبيت له حرمه ازاي ادخل اتفاجئ بحد جوا او الاقي حد دخل شقتي وانا ف وضع محرج او الاقي حاجات مثلا اختفت من شقتي بالعكس انا كدا بخلق نوع من المشاكل والتوتر انا في غنى عنه وإلا محدش يتجوز بقا كل واحد يعيش مع امه!!! الام فوق الراس بس بلاش نخلط الامور ونربط بر الوالدين بمفتايح الشقة

أنا ضد وبقوة. ماينفعش خالص إن مفتاح بيتي يكون مع حد غيري والزوج والأبناء بس، حتى لو كانت أمي وحماتي ملايكة. الراجل بيتكلم صح جدا، والست بتتكلم غلط خالص. الود الاجتماعي مالهوش أي علاقة بخصوصية بيتي. البيوت أسرار والبيوت خصوصية. الست دي غريبة بجد خالص!!

كلام الاستاذ صح جدا بس المدام شكلها عيشة في كوكب تاني وهي كمان اصلا مش عايشة في بيت العيلة بتروح في الاجازات اللي هي يومين بس في الاسبوع ويمكن مبترحش اصلا وكل حاجة ليها اصول واحنا اتربينا علي الاستأذان ان كان كبير او صغير

مووووووووووووووتتتتتت😭😂😂😂😂في ناس تفكر كذا ؟ مين الناس الطبيعية الي تعطي مفتاح بيتهم لاحد 😭😂

ليش هي حماتي بترضى يكون عندي نسخة من مفتاح شقتها؟! على العموم هو الموضوع موضوع اتفاق وقبول مش فرض هو هذا اساس الفكرة

الحلقه دى قصيره اوى يا رضوى زودى كده الفقره دى شويه دى احلى فقره اصلا ❤️

انا وحدة من ناس حماتي عندها نسخة من فتاح والله وصارت مشاكل كبيرة معاها، لما ما اكون في بيت تجي تفتح و تقعد لما ارجع للبيت اشوفها احس كاني ما عندي خصوصية حكيت معا زوجي اكثر من مرة قال ما يقدر يعمل شي لان بيت بيتها بس انا و ولدها عايشين فيه ، لحين نفكر في انتقال

الأستاذ معه حق

الاستاذه اللي معاكي بتحكي وبتتكلم بوناء عن نفسها هي ومفكره أن الحموات كلها زي حماتها مافي ناس وناس 👍

أهم حاجه يكون فية احترام ما بين بعض وما يحصلش مشاكل و الحياة حلوة

لا ضد اعطي مفتاحي ولا لأمي ولا لعمتي فقط للضروره انا مسافره في شي لاكن كذا لا في خصوصيات في كل بيت تحياتي للجميع

وحاولي يا رضوى تزودي وقت الفقرة دي حلوة جداااا هي وفقرة اسأل رضوى ❤️

انا مش مواقفه خالص و طبعا موجود الامثله دى طنط دى مع كامل الاحترام ما ينفعش تعمم تجربتها

لا حماتي ولا أمي ولا أختي ولا اي حد في الدنيا

هو ايه ال امي وحماتي زيهم زي ولادي ايه الكلام العبيط دا، دي ودت الخصوصية ف داهية

حتى ابنك في البيت لما تدخلي غرفته لازم تستأذني. الخصوصة لازم تحترم مفيش شك

يا ايها الذين امنوا لا تدخلوا بيوتا غير بيوتكم قبل أن تستا نسوا ده كلا م ربنا فيه ايه حرام اصلا حد يروح لحد من غير ما ياخد معاد وكمان يتصل قبل مايجي مش ياخد المفتاح

انا قبل ما اسافر هدي مفتاح شقتي لحماتي او امي عشان لقدر الله لو حصل حاجه انما طول الوقت لا ، مواقف معينه

انا ضد الفكره دي لازم الخصوصية حتى داخل الشقه بين افراد الأسره يعني احنا واخواتي ما نقدرش ندخل الاوضى على بابا وماما حتى والاوضى مفتوحه الا لما اخبط ويقولولي اتفضلي ساعتها ادخل

في فرق بين انتهاك الخصوصية والمودة والحب والالفة العائلية

البيوت حرمات وهذه خصوصيه مالها اي علاقة بالعواطف من الذكاء انك تجعلي لبيتك حدود وقاعدة ..بيتك يعني راحتك ..انتي ماتتحكميش في سلوك الناس بتخبط او تستاذن لكن قدرتك تتحكمي فبيتك وتجعلي له خصوصيه وماتسمحيش لحد يشاركك فيها الا المعنين ..وماننساش الحمو الموت في قصص كثير عن خيانة الازواج مع الحموات لا طبعا مش زي امه يااستاذه

ايه علاقة الترابط بالمفتاح 😂😂

شكرا يا رضوي لطرح الموضوع دا🌺🌺 لانه منتشر جدا

معظم حالات طلاق الارياف بسبب انها تشيل المفتاح من الباب وهى نايمة جوة مع جوزها..مش تعطى المفتاح لحماتها ..يا جماعة لو فى تراضى حماتها اصلا مش هتطلع الشقة..

انا ضد الفكره دي .لان دي خصوصيه مهما كان الشخص ده مين حماه او والده او اي حد المفتاح يجب ان يكون مع الزوج والزوجه فقط👍🏻 انا مع الاستاذ عبدالرحمن جداااا ..الخصوصيه ثم الخصوصيه مش كل الناس بتستأذن و مش كل الناس بنفس تفكير حماة الضيفه

ضد طبعا مش من حقها انها تاخد مفتاح الشقه المفروض يكون في خصوصيه

خفيفة لطيفة 8 ثواني من وقتك 1 - سبحان الله 2- الحمدلله 3- لا إله إلا الله 4- الله اكبر 5- لا حول ولا قوة إلا بالله 6- ربي اغفر لي 7- سبحان الله وبحمده 8- سبحان الله العظيم 9- اللهم نجني من عذابك يوم تبعث عبادك 10- اللهم صل وسلم على نبينا محمد إذا اتممت القراءة فقط لايك حتى يشوفها غيرك ونتشارك الأجر بإذن الله...

لعل القارئ يصلى على النبى عليه الصلاة والسلام فيزيدنى درجة و يزداد درجات

انا والله عندي كومنت بس المشكله اني مينفعش اكتبه. خلي الطابق مستور. انا واثقه اني احنا هنشوف مواهب في الكومنتات ياريت كل واحده هتكتب كومنت تعمل حسابها اني اكيد الكومنت بتاعها زوجها هيشوفوا. خلينا متجوزين احسن. ههههه

اللهم اغفر ذنبي وذنب كل مسلم ومسلمة وطهر قلبي وطهر قلب كل مسلم ومسلمة وحصن فرجي وفرج كل مسلم ومسلمة ياررب العالمين

أكييد ضد شنو اخلي مفتاح شقتي عدها المفتاح بس عندي وعند زوجي غير هييييييج لااااا ❤️

وبالنسبه لل ادت المفتاح وحماتها سرقت حاجتها وادتها لبنتها وشافت حاجتها المسروقه فى جهاز بنتها ايه رائ الابله

الراجل ده بيتكلم صح لان فيها هتسيب المفتاح في باب الشقه بتحصل مشاكل بتخش عليكي غرفه

بصراحه كلام الضيفة مش منطقي تماماً مش لازم حماتي يبقا معاها عشان يبقا في ترابط اسري و الفة زي ما هي بتقول بالعكس ده بيسبب مشاكل .. و عفكرة مش بس حماتي لا كمان امي و ابويا و حمايا و اخواتي .. انا و جوزي و عيالي بس .. طيب هي بتقول ليه عيالك يبقا معاهم و حماتك لا .. عيالي عايشين معايا فالبيت مديهمش المفتاح ليه ؟! يعني هما راجعين من برا ما يفتحوا هما الباب ماهو بيتهم لكن حماتي ده مش بيتها هي ليها شقتها عايشه فيها .. تخيلي كده معايا انتي و جوزك قاعدين مع بعض ف اوضتكم او في البلكونه اياً كان بتتناقشوا في حاجه او بتتكلموا مع بعض عادي .. حماتك او امك او ابوكي او اياً كان معاه مفتاح البيت قام فاتح و داخل ملقاش حد فالصالة بدأ يفتح بيبان الاوض عشان يشوف فيه حد فالبيت ولا لا .. ايه شعورك ؟!اعتقد انه شعور سخيف اوي فعلاً .. ليه تبقي بتنضفي او بتمسحي او عندك ضيوف او غيره و تلاقي امك او حماتك داخله عليكي .. ايه السخافه دي !؟؟

أنا ضد. اللي عايشين في البيت يحقلهم يكون عندهم مفاتيح غير كدة لأ.

ست رضوى إيه الشدة منك ...انك انسانة طيبة القلب....شنو قيمة المفتاح عملين مشكلة عليها......اصلا الأم تصعب عليها الدخول في بيت ابنها ...بينما بكل سهولة تدخل بيت بنتها وبدون تردد ....

ميولع البيت ياجماعة😂😂😂😂

مدام سوزان لازم تعرف انو مش كل الحموات زي بعض يمكن إنتي ربنا حباك بحماة محترمة لكن في ناس ثانية غير وصعبة التعامل معاهم

انا استوقفني كلمة( مابقاش حد بار ) انتي يا استاذة جاية منين ولا ثقافتك ايه ا ايه علاقة البر ب اني ادي مفتاح الشقة لامي ولا حماتي 😏😏

ضد طبعاً

بصراحه انا مع الاستاذ الضيف الا لو في استثناء للضروره القصوي جدااااا

لا طبعا مينفعش يكون حد معاه مفتاح الشقة كل واحد ليه خصوصية

موضوع المفتاح مفيهوش مشكله يبقى مع حماتى بس متستخدمهوش غير بستأذان منى او انا اطلب منها حاجه تعملها وانا بعيده لاكن لو هى بتدخل ظن غير استئذان واى وقت ميبقاش صح خالص وهبقا ضد الفكره

انا مع امي مفتاح شقتي ولكن مش بيستخدم خالص هو عشان لولقدر الله وقع مفتاحي ونسيته في مكان ومش بيستعمل وانا الي حاطه لكن ضد انا حماتي الله يرحمها كانت تاخده لأنها فضولية جدا وكانت في ابسط فرصة عايزة تشوف وماتقوليش اشمعنا مامتك لانه ماما عمرها مستخدمته وعمرها ماكانت في بيتي ودخلت اي غرفة نومي او مطبخي وزيارتها قليلة جدا جدا فموضوع سيب المفتاح مرتبط بطباع الحماية ام الزوج او الزوجة

انا بترك المفتاح لحماتي وهي تدخل الصالون المطبخ عندها مكان تنام فيه ومافي شيء وماهي غريبه ربما بعض الحموات لازم نبتعد عنهن للحرس على الابتعاد عن المشاكل

أنا ضد بشكل عام لكن و إحنا صغيرين علشان كنا أطفال فكان في نسخة من المفتاح عند تاتا موجودة لوقت الأزمة و ساعات كنا ننسى المفتاح جوا الشقة أو نرجع من المدرسة بدري و لسه ماما و بابا في الشغل كان مفيد و لما كبرنا شوية كل واحد بقى معاه مفتاحه و لغينا فكرة المفتاح إلي عند تاتا دي خالص.. لكن إن الحماة يبقى معاها مفتاح تدخل براحتها! ليه المفروض لو حاطين مفتاح عندها يكون لوقت الطوارئ بس لكن غيره فدا مرفوض و كلام الضعيفة مش صح أبدا البيوت ليها حرمات دا غير الخصوصية إلي بتضيع.. و للأسف مش كل الأهالي بتقدر كدا و بتفكر إن طالما معاهم المفتاح يبقى البيت بيتهم

الراجل كلامه ممتاز

أنا فى بيت عيله والمفتاح على الشقه من يوم ما تجوزت لما بروح بيت اهلى بسيبوى على الباب بس حماتى ست محترمه عمرها ما دخلت الشقه الى للضروره ولا بتاخد حاجه من الشقه خالص

مش كل الناس ملتزمة وبتحافظ علي الخصوصية..امي الله يرحمها كان معاها مفتاح شقة اخي الله يرحمه علشان مسافر وكانت بتشقر عليها كل فين وفين ولما كنا بنروح ناقص ننام علي الكنبة علشان محدش يحس ان احنا جرحنا خصوصياته..وللعلم مراته بنت خالي وماما حطاها علي حجرها..يعني مش غريبة..المهم اللي ياخد المفتاح يكون بيعرف في لاصول حتي لو داخل بيت عيالي.

الست ديه طيبة جدا ربنا يرزقني بزوجة زيها

طبعا لا ياناس اي اثنين متجوزين خلاص هما انفصلو بحياتهم عن اهلهم يعني ليهم خصوصيه وسستم وحياه جديده هما مسؤولين منها لا مكان للاطراف الثانيه مهما كانت حجم معزتهم عندنا

هى الست ديه ليه بتعمم ؟؟؟ مش كل الحماوات كيوت كده زي حماتها اللي بتتكلم عنها !! في حماوات تحب اوي خراب البيوت وحتى لو كويسة برضو ماينفعش يكون معاها المفتاح يا جماعة في حاجة اسمها خصوصية. ده انا بتخانق مع امي لو دخلت عليا الاوضة من غير ماتخبط لان الاوضة ديه جزء من خصوصيتي تدخل براحتها لكن مافيهاش حاجة لو خبطت

كلام الرجال صح ..بس بنقطه صغيره كنت عكسها عند رضوى ان لو الرجال كان غصب مقتنع بالموضوع ان الزوجه تقدر تقنعه .. ماله علاقه لو الواحد رافض اي فكره جديده محد بيقنع حد.

انا شخصيا حصل معايا كده كنت سايبه المفتاح مع حماتي لقيتها داخله عليا اوضه النوم وانا نايمه

اللهم صل وسلم وبارك على سيدنا محمد وعلى آله وصحبه أجمعين

ان مع الاستاذ، مفتاح البيت من خصوصيات الشخصية للانسان

انا ايضا تعرضت لهذا الموقف.... لكن ماذا يفعل الميت في يد غاسله ... التي مرت بهذه المرحلة تنصحني كيف اقنع زوجي ... 💔💔

مينفعش بأي حق ان حد يقتحم خصوصيه حد حتي لو بأسم الام لان في الزمن الي احنا فيه دلوقتي ده في تصرفات خارجه عن الاخلاق كتير فا لازم اعمل حساب كده

الراجل بصراحه منطقي اكتر يعني ايه ابقى قاعده في شقتي برحتي او قاعده مع جوزي الاقي حد فاتح عليا الباب

انا مستغربه ان البنت هي الي موافقه وسايبه المفتاح لحمتها والراجل الي مانع ما طبعا مينفعش حد ياخد المفتاح مش من حق حد ياخد المفتاح

كلمتان خفيفتان على اللسان ثقيلتان في الميزان حبيبتان إلى الرحمن سبحان الله وبحمده سبحان الله العظيم.

هو ايه ده بس عايزه افهم هو يعني ايه اصلا اي مفتاح بيتي لاي حد ايه هو ده

نزلت فديو عن احترام و عن الحياة الزوجية و عن أساليب و التعامل ياريت الكل يشوفها هتعجبكم بصراحة

الضيفه مش داخل مخي كلامها🤔

مفتاح اي ابقي قاعد قعدة رومانسية مع مراتي الاقي امها داخلة علينا ولا امي كدا اي دا

كلام الراجل١٠٠/١٠٠

اولا حماتي تحب تطلع تفتش شقتي وانا مش موجوده وانا غيرت كلون الشقه كتير وهي دخلت مفتاحها بالعافيه وخالت الكلون فوت

كوار الست دي طالع من واحده فيkg 2 ايه الطيبه الطفوليه دي اللي هي شايفه كل الناس جمال و طبيبين

ايوة معاها وأهلي كمان معاهم نسخة

انا ضد لازم الخصوصية

طيب لواخوالزوج اواخوالزوجه دخل علبكم وانتومش مستعدين ولبس خاص ايش راح يكون الموقف🤔

هذا الرجل واقعي وعقلاني

أول مرة أعلق بس الست سوزان دي بجد نرفزتني بأمانة مش عايشه معانا ع الكوكب تقريبا كدا

حماتى معها مفتاح لكن طول مانا ف لبيت عمرها ماتستخدمه غير وانا مسافرة عشان تشحنلى كارت الكهرباء وانا ساعات بنسي المفتاح

لا طبعاااا ضد كل واحد وليه خصوصيه

مايصحش مفتاح البيت يكون مع اي حد غير اللي عايشين فيه ، هو ايه الاستهبال ده

ده ضد الضد هو ده موضوع يتناقش فيه

كيف من تتزوج وانت في بيت العائلة ومعك زوجتك والبيت مفتوح للجميع ... هل البيت ما فيها خصوصية بس بيتك انت فيها الخصوصية ... .كيف اذا والديك يكونوا عايشين معاك للضرورة ....

بلوزه رضوي تحفه سيبكوا انتو

لا طبعا هو ايه دا شقتي يعني خصوصيتي وحدش يأتمن اساسا

نزلت فديو جديد عن لازم نعرف قيمة كل شخص كان كويس معاك ياريت الكل يشوف الفديو دة هيعجبكم

ضد طبعًا .. ضد ضد ضد

اكيد تيتا دي كويسة و استثناء ربنا يديم حماتك دي عليكي نعمة بس غير كدة اغلبهم يتمنو يعرفو انتي شايلة ايه في دولابك او ابنها جايبلك ايه

بغض النظر عن اى حاجة بالنسبة للخصوصية ايه الدنيا 😂

لا طبعا محدش ياخد مفتاح شقتى غير جوزى

على فكره الست ديه من كوكب تانى الدين نفسه بيقول لا تدخلوا البيوت حتى تساذنوا من اهلها الخصوصيه من حق كل شخص انا شيفه ان مينفعش حد ياخد مفتاح الشقه حماتى او اى شخص اخر

الست دي عايشة في عالم افلاطون لسة متعرفتش على الصنف اللي عندي اللي بيفتح باب غرفة النوم زي ماتكون ماسكاني في قضية اداب

والله مستغربه من الموضوع عيب الام هي غير من العائله