مفتاح سيارتك أكثر ذكاءً مما تعتقد ! 

مفتاح سيارتك الذكي: أكثر من مجرد أداة لفتح الأبواب! في هذا الفيديو، سنكشف عن الوظائف الخفية التي قد لا تعرفها عن مفتاح سيارتك الذكي. ستتعلم ونشرح كيفية استخدام مفتاح سيارتك بطريقة جديده ووظائف جديده لم تكن تعرفها ستسهل حياتك فيما بعد
رابط شاحن بطارية السيارة الجمب ستارتر: amzn.to/48LlRl8
معظمنا بيستخدم مفتاح العربية بس لفتح الباب وتشغيلها. بس يا ترى سألت نفسك في يوم هل فيه اسرار مستخبيه في المفتح دا انا لسه ما اعرفهاش ؟
النهاردة هنكشف عن أسرار مفتاح الفوب او الكي لس انتري ، ونشوف مع بعض المميزات الخفية اللي مايعرفهاش كتير اوي من الناس واتحداك ان فيه ميزه واحده على الاقل من اللي هقولهم دوول ماكنتش تعرفها واللي هتسهل عليك حاجات كتير بعدين وللاسف المميزات دي موجوده معاك كل يوم بس للاسف مش بتستخدمها
استعدوا لاكتشاف عالم جديد من الإمكانيات مع مفتاح السيارات الذكي
المميزات اللي هنشرحها النهارده هتشتغل تقريبا مع كل السيارات لانهم بيقلدوا بعض بس هنخص بالذكر سيارات كيا وهيونداي اللي هنشرح عليهم
كفايه كدا مقدمه و يلا نبدأ في الشرح
طبيعي لو اتكيت علي مفتاح القفل هيقفل كل الابواب بس الجديد انك لو ضغط مرتين ورا بعض في خلال ثنتين مش اكتر هيفعل نظام الانذار للسيارة و كلاكس السيارة هيديك زمارة عشان يأكد تفعيل الانذار
و لو اتكيت علي زر فتح الابواب مره واحده هيفتح باب السواق لكن لو اتكيت عليه مرتين ورا بعض في خلال 4 ثواني هيفتح كل الابواب
مفتاح الشنطه لو اتكيت عليه اكتر من ثانيتين هيفتح الشنطه ……في العربيات اللي فيها شنطه كهربا هتفتح لوحدها ولو اتكيت عليه تاني هتقفل لوحدها بس الجديد انك لو عاوز توقف عمليه الفتح او القفل لحد جزء معين كل اللي عليك انك هتضغط على الزرار مره كمان والشنطه هتقف عند الحد اللي انت عاوزه
ومعلومه ليك لو نسيت المفتاح جوه الشنطه وجيت تقفلها مش هتقفل وتفتح تاني لوحدها فخلي بالك انك ممكن تحط المفتاح الاحتباطي للسيارة جوة شنطه وانت مسافر وتلاقي نفسك عمال تحاول تقفل فيها وكل ما تقفلها تفتح تاني لوحدها
المفتاح اللي مرسوم علية بوق دا مش للانذار زي ما الناس فاكراه ده دا مجرد ما بتضغط علية العربيه هتبدأ تذمر وتنور معاك ودا ليه كذا فايده
اول حاجه مثلا لو انت واقف بعيد عن العربيه ولقيت حد بيحاول يفتح العربيه او شباب قاعده ع العربيه مثلا فبتتك عليه فبيعرفوا ان فيه حد شايفهم
تاني حاجه لا قدر الله لو انت جوه العربيه وفيه مشكله صحيه قابلتك زي ازمه او حاسس ان بدأ يغمي عليك ولا حاجه فبضغطك على الزرار دا هتنبه الناس اللي حوالين السيارة ان فيه حاجه غلط عندك وبمجرد انهم يلتفتوا ليك ممكن ينقذوا حياتك
تالت حاجه ساعات بنركن العربيات في حتت مفتوحه فيها عربيات كتير راكنه زي المولات او الشوارع المزدحمه ونحس ان العربيه تايه في وسط العربيات فبدل دا كله هتتك على الزرار و العربيه هتقولك انا اهو
لو بطارية الريموت ضعيفة والسيارة مش عاوزه تدور وبتطلعلك رساله انها مش شايفة المفتاح جوة العربيه رغم انك لسه فاح بيها الباب كل اللي عليك انك هتحط المفتاح على زرار السترت ويكون زرار القفل ناحية زرار ستارت وتتك بالمفتاح على زرار ستارت وان شاء الله تشتغل معاك
اما بقي لو بطارية الريموت ميته تماما ومش عاوزه تفتح الباب هتتك علي الزرار اللي هتلاقيه في ضهر المفتاح او في الجنب علي حسب موديل سيارتك وتطلع المفتح وتدخله في الفتحه اللي في اوكرة السواق وتلفه هيفتح معاك الباب
بردو من ضمن الوظايف الخفيه في المفتاح الذكى ان وهو قريب في نطاق السيارة لو ضغط علي زرار الفتح اللي في اوكره باب السواق مره واحده هيفتح باب السواق لو ضغط عليه مره تانيه في خلال اربع ثواني هيفتح كل الابواب وكمان هيفتح الشنطه