بقدر ماإني متونسة وداشوف بغداد وأسمع حجيكم بقدر مامتألمة على التعاسة والدمار اللي صاب هالبيوت الحلوة..أستاذ مجيج ماأعرف شكد أشكرك لأن إني ماأعرف بغداد زين بس هسه داأتعرف على كل زاوية بسبب جهودك الكبيرة لنقل معالم بغداد في الزمن الجميل...ممنونين لجنابك
الف رحمه على روح والديك اخي استاذ مجيد الطيب رجعت بيا ذكريات منطقتنا و ايام الطفولة لا زالت باقية في ذاكرتي كانت من اجمل ايام العمر راح اذكرك بيت خاچيك الارمني كان سائق لوري بصف نادي الرشيد مقابل فرع مطبعة ابو سلام. تحياتي الك و لكل الاصدقاء ابنا المنطقة يا ريت الگاهم
استاذ مجيد رحمة لوالديك استمر لأن تذكر بأيام زمان أيام الصدق والأمانة والخوة والإنسانية والأمان والناس كانت خام ما تعرف الكذب واللواكة والنفاق ٠ لكن مع الاسف بغداد خربت مو مثل قبل لأن دخلتها رجل غريبة حالها حال مدن العراق الأخرى ٠ ربي يستر على الجميع ويعودون إخوة متحابين متالفين بحق الحبيب المصطفى صلى الله عليه وآله وصحبه وسلم ٠. تحياتي. ٠٠٠٠٠٠٠٠٠٠٠٠٠ (أخوكم من جنوب العراق)
بيتنة جان المشتمل كبال جريدت الشعب ١٩٧٨ الامن اجوي كبسة بليل اني جان عمري ٨ سنوات اتدذكر الحارس جان اسمة حسن اتدذكرة ، اخذو احنة كنة ساكنين مشتمل بيت فاروق العمري الله يرحمة ابن اخ امجد العمري ، هاي اول مرة اشوف منطقتي الحبيبة منذ ٣١ سنة رحم الله والديك علا الفيديو الف شكر بلدي العزيز اروحله فدوة
المشتمل اللي تتكلم عليه مال بيت رؤوف الله يرحمه هو وامه بعد ما توفى اخذه امجد العمري كورث وسكن بيه مسيحيين وعملو محل صغير . اليوم امجد العمري بعد ما توفي البيت كله تم بيعه من الركن إلى بيت المشتمل والمنطقة تغيرت . الهجوم على المطبعة كنت اني في الصف السادس ابتدائي يعني ٧٨ وبالليل بدأ صوت الرصاص وفي الصباح تم الاستيلاء على المطبعة وعلى المخازن على السريع يعني السدة . وبعد ذكريات كثيرة . انا اذكركم واني مواليد ٦٦ وكان شخص من بيتكم معانا في الحزب في الثمانينات على ما اظن . تحياتي . اي شي تحتاجه اتصل بي .مودتي ...
اني اخوكم فاضل الخياط كنت صغير نجي لبرك السعدون نسوي مراجيح بالاشجار بالعيد وفرش على ذيك الايام كنا ساكنين بغداد الجديده وناتي الى مركز سعدون ونعم المراجيح مال العيد ونركب الربع احسنت النشر والتصوير فيه وفي ايش على ذيك الايام
ظهر بالفيديو بيت غانم عبد الجليل ألله يرحمه صدام حسين إعتقله هو وجماعة ال ٧٩ بقاعة الخلد وتم إعتقالهم بالمعبد البهائي الموجود بهذه المنطقة . هذا المعبد وين يصير ؟ إذا ممكن حلقة أو جزء من حلقة على مكان إعتقال جماعة ال ٧٩ . ولكم جزيل الشكر والتقدير .
شيخ عثمان ابو الممثل عادل عثمان ركن على بارك السعدون والركن الاخر مدرسة البتاوين علي الشارع الخلفي مقابل الشارع الذي يدخل على مستشفى ابن النفيس وجنب المدرسة كنيسة الستبتين وجنبهم مستشفى ابن رشد ركن على الشارع العام وجنب بيت شيخ عثمان علي البارك بيت سعيد منى بيت سعيد منى صار بنك اهلي وجنبه عمارة ركن عمارة عبدالله خيارة على الشارع العام
بيت عثمان ركن فلشوه وبيت منى صار بنك بعد ما استولى عليه احد الأشخاص وباع البيت . العمارة كانت بريد وتابعة إلى بيت خيارة وهم يسكنون بغداد الجديدة . ترقبني يوم السبت وحلقة عن شارع النضال .تحياتي
هاذ الي ده يعلق. خلي اسلوبه شويه يرتقي الى الفاظ احلى لانه سوقي وكل كلامه عباره عن تفرقه وعنصريه وكل كلامه يكول هاذ بيت فلان المسيحي وفلان بيت ارمن شنو هالتفرقة والعنصرية والعمياء وتعابيره غلط كلها احنا اولاد بارك السعدون واني أبن خوشابا. ومن ولاده بارك السعدون انصح هاذ صاحب التقرير آن يصحح معلوماته لان كتير غلط بيه
اخي العزيز اولا الغاية من هذا الفديو استذكار إلى أهلنا الطيبين اللي سافرو وتركو بغداد ومنطقة بارك السعدون وغايتي هي توصيل رسالة لكل من كان ساكن في بارك السعدون ان المنطقة قد تغيرت وسكنها شكولات غريبة عجيبة . لا تزعل من كلامنا نحن نميز الناس بتعبير الكلمات ولا يوجد طائفية. ثم انت اي مواليد يمكن كنت معاي في النظامية اني تولد ٦٦ .
الأخ مجيد حداد يكول مريم العذراء اعطتني مراد مريم العذراء ماتت لاحوله لها ولاقوه لاتسمع ولاترى يمكن السيد مجيد حداد لطام اللطامه يطلبون من الاموات هم اموات لتكلي هذا امام هذا سيد فلان كلهم لايسمعون ولايشوفون هذا كله شرك
ما تكلي ليش مباشرة قذفته بالشرك هو يحجي بعفوية وما عبرتها ما تكلي شنو القصة؟! لا تزعل كن سمحا لأن الإسلام دين المحبة والسلام والتسامح ٠. ( أخوكم في الوطن والدين والإنسانية/جنوب العراق المظلموم)؟! ٠. تحياتي ٠٠٠٠٠٠٠٠٠٠٠٠٠٠٠٠٠٠٠٠
اخي الكريم نظف كلبك إحنا وين وأنت وين ؟! العالم كله متكالب علينا وأنت ضال بهذه السوالف المقرفة؟! العدو ما يفرق بين هذا المسمى أو ذاك ؟! كن حرا لا تكن عبدا للعصبية والهوى ؟! إلى متى نبقى بهذه المسميات والمصائب تدور علينا من كل حدب وصوب ؟؟!! وأنا أبشرك إذا ضلينا بهذه المسميات فلن تقوم لنا قائمة ؟؟! وأول الضحايا أنا وأنت ؟؟!!! ( أخوكم من جنوب العراق المظلموم) تحياتي وتمنياتي لك بالتوفيق ٠٠٠٠٠٠٠٠٠٠٠٠٠٠٠٠٠٠٠