صباح الخيرات و البركات، اسمحيلي حبيبتي نزيد على كلامك كيما قلتي فاقد الشيء لا يعطيه و الله سبحانه وتعالى خلق الرجل والمرأة مختلفان تماما جسديا نفسيا وبيولوجيا، انا نقولك على تجربتي الخاصة دائما جو البيت مشحون مع ضغط العمل و الاطفال . ما تقوليش علاش انا لي لازم نتنازل و كلشي تايح عليا،صدقيني انا ولات علاقتي بربي سبحانه و وليت سعيدة مهما كانت الظروف كي نطيع راجلي مهما كانت طبيعته نفرح لأنو طاعة لربي لي قالي طيعي زوجك و لك الجنة، نفس الشيء معى ابني لي هو أمانة من عند الله كي نبيه و نتعب معاه عندي اجر،و هاد المبدأ اتبعتو في كل حياتي عمل عائلة أصدقاء، و مع الوقت حالة السعادة لي تكوني فيها راح تجذب زوجك ليك بصفة لا إرادية، و أخيرا اقول لك أحبك اختي كثيرا😗😙😘😚 اختك أم يسري
صباح الخير أختي نجاح أكيد هي حصة هههههه و من بين أروع الحصص عندي ساعات الموضوع مايعنينيش لانو تحكي على الاولاد بصح نسمعك كي النملة اللي تخزن مؤونتها لفصل الشتاء هههههه يعني ناخذ منك نصايح حتى نهار يرزقني ربي و نعمل بيهم ربي يرزق كل محروم الذرية الصالحة عاجلا غير آجل يا أرحم الراحمين
يا عمري اول تعليق شحال توحشتك يا ددوحة نشكرك بزاف على الرد يوم لي قتلك وليدي مريض. ولكن للاسف وليدي دخل للمستشفى 15 اليوم والله عقب شدة ادعولو يا خواتاتي ربي يشفيه. ولجميع الاولاد المرضى.
سبحان الذي لبس العز وقال به سبحان الذي تعطف بالمجد وتكرم به سبحان الذي أحصى كل شيء بعلمه سبحان الذي لا ينبغي التسبيح إلا له سبحان ذي الفضل والمن سبحان ذي العز والكرم سبحان ذي الطول اللهم إني أسألك بمقاعد العز من عرشك ومنتهي والرحمة من كتابك واسمك الأعظم وجدك الأعلى وكلماتك التامات العامات التي لا يجاوزهن بر ولا فاجر ان تصلي على محمد وعلى آل محمد وتقضي حاجتي
كلامك موزون وصحيح وإذا مقدرناش نغيروا الوضع الي رانا فيه لازم نتعايشوا معاه معنداش حل أخر هذا الي كتبهلنا ربي وكل يوم نذكروا أنفسنا بهذا الكلام وخاصة في وقت الشدة.ربي يهني جميع الاخوات
اختي نجاح راكي انسانة قمة في التواضع والبساطة ونحس كلامك نتيجة لتجربتك الخاصة ونصاءحك رآهم من ذهب.بالنسبة ليا أداء صلاة الفجر في وقتها وقراءة اذكار الصباح تخلي يومك مثمر وتعطيك طاقة وحيوية وليونة في التعامل مع الأشخاص 😊😊😊احبك في الله اختي الغالية😙😙😙
السلام عليكم شكراً اختي والله غير وليت نمشي و نهدر وحدي ما لحقت نظف داري لانها كبيرة و ما لحقت نقري 3 اولادي لان رايحة جاية ندي فيهم للمدارس و ما لحقت نتهلا في روحي حتى وليت عجوزة و ما لحقت نفرح و نلعب مع ولادي و.... نهار كامل و انا نجري و ما رانيش راضية على والو
Oppo Op انا عندي نفس المشكلة كي تلقاي الحل قوليلي واجرك على الله مارانيش عارفة واش ندير واش نخلي ونزيدك حاجة معايا العجوزة والشيخ الدار الكبيرة يعني ربي يقدرنا
Oppo Op lokn ghir jat dari kbira nrjaaha jna ana andi dik malich yakhti dirilhom lokma skhouna o nkilhom dnya o mafiha dwchilhom o wklihom aghslilhon o point finale. menage dirilou wkt ya kyrkdo wla kykono bra o bla3kel .
ام ايمان ختي انا عندي السبت نغسل الحوايج و فطوري و قرايت ولادي و عشاتي و نطوي الحوايج لي غسلتهم الاحد نبدا ايتاج الاول (ايتاج الاول تاعي هو الفوق نبدا من فوق و نحبط هو كوزينة مفتوحة مع الايتاح بانيا ستيل خليجي كلش محلول ) نخدمو مليح و ندير الفطور و نسيق لاطيراس تلحق 12 يجو يفطوو نغسل المواعن و نروح نريح العشية قرايتهم و عشاتي الاثنين نحبط للايتاج لي تحتو فيه لي شومبغ نفس الشيء نخدمو و نمسحو و نمسح الغبار 12 نكمل و نفس الشيي نريح و العشية قهوة و قرايت ولادي و عشاتي الثلاثاء الايتاج لي تحت الثاني هو صالو محلووول فيه جيهة كوزينة بصح مانطيبش فيها تع الضياف نخدم الايتاج و نكملو على 10 و نحبط نزيد الايتاج تع الدخلة و القراج نكمل على 11 هذو ساهلين وديما ندير فطور ساهل عندي العشا لي لازم يكون سبيسيال و نفس العشوة نجوزها كيما الايام لخرين الاربعاء ماندير والو شغل اباغ تخمال البيوت و نكنسهم و فطوري نكمل 10 و نجبد ندير قاطو 3 او 4 انواع يشدولي اسبوع الخميس نجوز نشااااف من فوق للتحت خفيف ناكد على الدرج و الصالدوبى و كوزينة نكمل 10 نريح العشية نخرج الجمعة روبو و راحلي يدوش لولادو هذا هو برنامجي جامي نطول في الشغل 12 نكمل. بصح نبدا شغلي 7 والحمد لله لازم تكوني معلمة ولادك النظام يخملو دوزاتهم و مايدخلوش بصباطهم و الماكلا ماتخرجش من الكوزينة و.... يعاونوك
السلام عليكم بارك الله فيك .كلام من الصميم وهاد هو الواقع الجزائري .ربي ايجيب الخير ولازم نتبع سنة النبي صلى الله عليه وسلم لضمان سعادة الدنيا .والرضا بقدر الله .
يا حبيبتي نجوحة هذا وين رآني نكتب تعليق تاعي تقريباً قريت تعليقات الأخوات و بناتي.......... رآكي حطيتي يدك على الجرح ح ح ح ح ح ح💔💔💔💔 تقريباً رآنا عندنا نفس المشكل كاين لي راهي في البداية و كاين لي راهي في الوسط و كاين لي راهي قريب تخرج منو.... بصح نصائحك فاقت التوقعات ياحبذا تكملي نصيحتك من القلب الى القلب للاخوات حتى تنوري طريقهم على خاطر كثر بزاف تلاق في بلادنا غير بنات صغار متلقات لي بطفل و لي بزوج ربي يفرحك ويعمر دارك بالخير حبيبتي نجوحة ادعوا يالزينات بهذا الدعاء ❤ اللهم اجعل همي الآخره 💗 ربي يفرج على كل وحدة إن شاء الله
Mnl Mnl ...انا فتاة تعشق الطبخ و تكمن سعادتي في مشاركة وصفاتي مع كل محي الطبخ اليوم اتشرف بدعوتكم الى قناتي المتواضعة قناة طبخ تقدم لكم وصفات سهلة ،اقتصادية و لذيذة موجهة لكل الفئات العمرية .
والله يا اختي دحداح كلامك في الصميم دائما نوقعوا فالخطأ ونصايحك واقعية ونحاولوا بقدر الامكان تعملوا بيها مكانش اللي رآه مهني في زواج ١٠٠/١٠٠ لازم نتنازلوا عن حقنا وانضحيو من اجل استمرار الزواج
شكرا داداحنا، كنت بحاجة الى هذا الدرس منذ وقت طويل ، أين كنت منذ مدة، ان دراساتي جامعية و انا عاملة منذ 20 سننةة ، ولم أجد من يعطيني مثل هذا الدرس القيم، ومع أن الأحباب لم ينصفوني الا أنني لم أتغير لأنني كنت أعمل كل ذلك ابتغاءا لوجه الله و ذلك كان يعطيني قوة و صبر رغم الألام، حبيبتي في الله داداح، داداحنا، أنك دعوة خير من والدتي المرحومة تجلت فيك، شكرا بارك الله فيك كثيرا ، احبك في الله الف مرة و نعم للوسطية,
كلامك بلسم ياختي ربي يقدرنا لوكان يعرفو الرجال كيفاش كان سيدنا محمد صلى الله عليه وسلم غير يكذبوا خير الناس لأهله والله غير كلشي على ظهري آه راكي تنحيلنا على خاطرنا مينداك الله انورك ويسعدك
ربي يطول في عمرك، وتزيدي ديري الخير، محتاجين يكونو ناس الخير بزاف في الظروف اللي يمر بها مجتمعنا للأسف.... شكراً لكي ياسيدتي الفاضلة الكريمة بكرمك النابع من القلب إلى القلب.... 😘
جمعه مباركة اختي ددوحه ِانا اقول مدام ان الله سبحانه وتعالى. وضع الجنه بجلاله قدرها تحت اقدام الامهات ِفهو جزاء منه على تعبها وتضحيتها. والله يقول استعينو بالصبر والصلاه. اي لخص مفتاح النجاح. فالمراه في نظري ليست نصف المجتمع بل كله. وشكرا جزيلا. على هذه النصائح.
برافو الأخت نجاح كلامك صواب تقلك راكي عايشه معانا نفس العيشة والمعانات وحتى الإحساس أتكلم باسم الجميع رانا موافقين باش تعملنا برنامج منظم لأجلنا اونخرجو شويا من آل رو تي ن باش تتحسن حياتنا وكون فيها تغيير و طعم خاص
جمعة مباركة عليك على كل المسلمين يسلم هاذاك اللسان علي هذا لكلام يانجوحة طليتي علي قلبي حبيبتي شكرا جزيلا على الموضوع القيم دائما متميزة ومتألقة بافكارك البسيطة والمفيدة شكرا واحلى لاييييييييك لاغلي نجوحة
يحبك الخير والربح يالعزيزة بارك الله فيك ربي يقدرنا خوتاتي ومع طاطة داداح ندرو الكوراج والقوة ونشطارو ربي يخليها لي العائلة ويخليك لينا ويطول في عمرك ويباركل في صحتك وجزاكي الله خير
نجاح اسم عﻹ مسمى تقدم أساليب النجاح لكل امرأة في البيت العمل والدراسة وطرق التربية السليمة الأبناء وكيفية بناء أسرة سعيدة من مختلف النواحي شكرا واصلي المجتمع في حاجة إلى أمثالك من النساء
الي تخلي روحها هي الآخرة راجلها يشوفها هي الآخرة وولادها نفس النظرة أيضا ايه قالتها دداح صح 100/100 لازم الوحدة تبدأ بروحها وتتهلى في روحها خلي يقولو أنانية. المرأة في بيتها لازم تكون السيدة الأولى و كلمتها عندها قيمة لكل واحدة وتاني خاصة قدام أهل لزوج تزيد تزير روحها و تلعبها قدامهم على خاطرش ولا شافوها غير كالخدامة في دارها يحقروها. في الأخير نتمنى أي امرأة في بيتها تكون هي الملكة تع دارها
Beabbes M والله يا اختي لعزيزة قستني بالهدرة هذي عندي عام زواج وما عنديش حماتي و حماي ماتو ربي يرحمهم وسلفتي اخت راجلي متزوجة و راجلي يخذم بعيد على الدار يجي في شهرين عشرة أيام وانا عائشة مع سلفي خوه لراجلي وعمة كبيرة ماشي متزوجة عندها37سنة ولكن الطفلة تحب تمشي رأيها عليا تحب تحكم فيا ما تخرجيش ام يقولوا راجلها مكاش وهي خرجت.....وكيرواح راجلي للخذمة تجي ترقد معاي في فراشي وكهدرت مع سلفتي قلتلها قول لعمتك ما ترقدش مع في شمبرتي عنها صالون تروح ترقد فيه ما عجبهاش الحال قالتلي نورمال خليها ترقد معاك ومن بعد كجات سلفتي ضيفة وكانت بالكرش رقدت معايا قلت هذي اخت راجلي معليهش وهذا شي كامل صار وانا عندي 3شهر زواج ومعاد عندي5شهر جات سلفتي نفسا زايدت وجات وزادت عيطت لجدتها وعمتها هذي لقعد معاي و انا حط سني وهو سني وراجلي المسكين يقضي ويشري هذا شواء هذا حليب او تعرف حالة واحدة مزايدة وهي تدلل....قعدت معايا عشرين يوم والله قمت بها بلا ما نقول اوووف malgrèفي دار راجلها عندها زوج سلافتها وحماتها بلا زواج ما قموش بها قلت معليش هذي دار بابابها وكقالت نرواح انا ما قلتلهاش زيدي اقعدي قاتلها كما تحبي عمتها حشمتني قالتلي نورمالمو تقعد شهر راهي دار باباها قلتلها هي لحابة ترواح وانا صراحة في قلبي عدت نقول كن غير ترواح عييت و هزت بالكرش في شهر لزايدت فيه هي وانا ماعلاباليش نخذم كتلحمارة وكروحت درت نطواياج لدار وحدي غسلت لفراشات...وهذا شي كامل.....المهم خليها ربي برك ولكان راني غلطت في حاجة قولولي
el hadj rafik والله ما راني ندمانة على العكس ديمة نقول مع روحي بالك انا الغلطة بلاك انا وصلت روحي.....على هذي حبيت نحكي حكايتي الواحدة وهي تحكم وتنصحني وشكرا على الرد
Isssem Mtt السلام عليكم ورحمة الله وبركاته يا اختي عمرك متندمي على خير درتيه في القريب أو البعيد و لكن اسمحيلي بزاف توصل لفراشك يرقدو معاك لازم غرفة النوم تقعد حاجة خصوصية انت وراجلك ديري خط أحمر لامورك الشخصية بصح غير بالهدوء بدون صراخ او كلام قبيح وبلا مشاكل مش بين عشية وضحاها راح تتبدلي عليهم وتقلبيها غربة شوفي اختي مكانش قد الدعاء ادعي رب يفرج عليك و تتهناي و تعيشي مع راجالك واولادك في سعادة
السلام عليكم يا اختي اشاطركي الراي و اقول ان عمل المراة و تعبها و تضحيا تها هي لوجه الله فبل كل الشيء ستؤجر عليها ان شاء الله علينا ان نجدد النية في كل مرة و الله سيكرمها و يعوضها لانه الكريم دمتي في رعايتي الله اختي
بارك الله فيك.... كلام يريحني ونحس رجعتلي القوة و ارادتي وعزيمتي على التغيير زادت قوات... كلمة الشكر قليلا عليك... غادي نخليلك دعوة في هاذ اليوم المبارك عمريها باش يهوى قلبك يا احسن و اصلح صديقة... ربي يوفيلك ما تتمناي في الدنيا و الاخرة
que dire !! tu nous épates davantage chaque jour ! tu nous tiens par la main pour nous guider, tu nous redonnes espoir, tu ravives en nous cette flamme qui allait s'éteindre, .. et surtout, tu nous ouvres les yeux sur des sujets que nous pensions secondaires, mais qui font la différence. Cette vidéo, c'est un déclic pour lequel je te remercie énormément. Je te dis" Allah yarhemh l'oum li rabatek, ou ya sa3d radjel li darek fi darou , ou ma ahlaha oum lewlidatek " Allah y sedjihoumlek ou y hanik inchallah
الأخت نجاح أنا نحب الخط العربي ركنت ندير بكري وحبست ونحاول نطبق فكرتك ونحب الخياطة وانا تعلمتها والآن ما لقيت حتى وقت الف الف شكر غيرتي حياتي انت رووووعه
اولادي احلى ما في الوجود ...انا فتاة تعشق الطبخ و تكمن سعادتي في مشاركة وصفاتي مع كل محي الطبخ اليوم اتشرف بدعوتكم الى قناتي المتواضعة قناة طبخ تقدم لكم وصفات سهلة ،اقتصادية و لذيذة موجهة لكل الفئات العمرية .
السلام عليكم اخواتي جمعة مباركة ان شاء الله كلامك كله صواب براك الله فيك لازم الوحدة فينا تكون رضيا واش قسملها ربي سبحان وربي عمرو مايظلم عباده احنا لي نظلمو روحنا وربي اقدرنا علي طاعته ان شاء الله
السلام عليكم. اسعد الله صباح الاخت نجاح و الاخوات بكل الخير . اهدي لكم كلمات من جنيريك مطبخ و تدابير دداح: لا لا لانحتاج المال....كي نزداد جمالا......جوهرنا هنا في القلب تلالا ........لالا نرضي الناس بمالا ......نرضاه لنا بحالا......ذاك جمالنا يسمو يتعالى...اختكم في الله زكية الجزائرية.
جمعة مباركة يانجاح الله يعطيك ماتتمناي والله غير راكي طفيتلي جمرة في صدري كل كلمة قلتيها غيركايناوالراجل اذا صابك صابرة يزيد من يدوالله يقوينا وخلاصوالمراءة في الدزاير هي تخلص الفاتورة حبينا ولا كرهنا
انا مشتركة جديدة دلتني عليك احدى مشتركاتك لانني وضعت تعليق حول مشاكل حدثت بيني وبين زوجي وانا الان اسمعك والله قناتك راءعة تمدي نصاءح في القمة بدون مجاملة والله مجتمعنا مازال فيه الواعيين اللي متلك وقنوات محترمة ربي يوفقك
والله لا عندك حق انا طحت في هاد الحال خلاص نسيت روحي غي الخدمة برا وزيد الخدمة فالدار نحس روحي روبو وتغيضني عمري غي نمد ونهار نقصر شويا غير كلي غلطت ومادرت والو نشالله نسيي ندير بروقرام وادا قدرتي تعاونيني باقتراحات فيه
جمعة مباركة ددوحه والله لتبع نصايحك مهما تكون مزوجة ولا مقبلة على الزواج رايجا قطعا تنجح انتي معلمه الله يبعد عليك لبالا و المصايب نحبك نحبك يا اغلى ددوحه
بسم الله الرحمان الرحيم (و لهن مثل الذي عليهن) بمعنى ما يجب على المرأة يجب على الرجل ،زمن امي و جدتي ولى و نقدى. الرجل الحقيقي يحب المرأة القوية الواثقة التي تظع اسوار .
Bonjour tout le monde.tu parle comme un livre rebi yebarek fi hyatek w sahtek.salate el fadjr mouhima mouhima mouhima par expérience .joumou3a Moubaraka li el djami3.
انا في رأي أن المرأة هي المديرة في بيتها ، هي التي منحها الله عز وجل فطرة تجعلها قادرة على ما يتحمله جيش من الرجال ، فتستطيع مثلا تسهر مع طفلها اذا مرض. بكل صدر رحب دون أن تشكي المهم عندها أن يشفي ابنها تستطيع بذكائها ونبهاتها وفطنتها أن تصنع من بيتها مملكة ، ولا يجب أن ننسى أن الأب أيضا يتعب خارج البيت ملا تستطيع المرأة تحمله ، هذه هي معادلة الحياة كل واحد ومهمته ، على المرأة تشكر زوجها على ما يبذله من جهد ،وعلى الزوج أن يشكر زوجته على مجهوداتها ،مع أن الرجال في مجتمعنا عموما يقدر و يعلم في صميم قلبه عضمة دور المرأة ولكنه لا يملك ثقافة وفن الشكر هكذا ترباو ، ولكن المرأة لازم عليها تعرف انها مجاهدة في سبيل الله لما تعتني ببيتها واطفالها ، واجرها عند الله تعالى ، وياله من أجر أنه أجر عظيم .
Youcef Islam ... كلام صح حبيبتي أم اسلام إن شاء الله كل مرأة تكون مديرة لإدارة بيتها و طاعت زوجها.......مىىىىىىىى بصح كاين لي ماتقدرش كيما دير ماتلقاش روحها على خاطر تسكن مع أهل زوجها معندهاش الحرية في دارها.....ربي يهني قلبك بنور الله و نور دربك حبيبتي
Mnl Mnl صح حبيبتي ربي يقدرنا ويقوينا رانا نجاهدو في هذه الحيا،لكن تاكدي اختي الغالية إن مثلما تعاني بعض النساء من بطش الزوج وأهله، هناك بعض الرجال ايضا يعانون من بعض النساء واهلهن نساء مسيطرات متسلطات يرفعن اصواتهن لا يقولون كلاما طيبا ، مهملات لبيوتهن واولادهن لا يعترفن بما يبذله الرجل من تعب ، نكديات مطالبهم لا تنتهي ،لا يعرفن كلمة شكرا. أن الحديث طويل في هذا الموضوع ولكن يجب علينا جميعا أن نتقي الله في بعضنا انا داءما ادعي ربي أن يحفض زوجي فهو السند وتاج فوق الراس ،اللهم اهدنا فيمن هديت وعافينا فيمن عافيت وتولنا فيمن توليت واغفر لنا وارحمنا برحمتك يا ارحم الراحمين.
بصح نسيتي بلي كاين نساء يخدمو ثاتي برا وبعيد على ديارهم ويزيدو يركبو مواصلات شحال قد تفوق 50 كلم وتزيد كي ترجع تفوت تشري وتجيب الأولاد من الروضة ولا المدرسة وتلقى شغل الدار يستنى فبها قوايلي كي دير تلحق وواش من صحة تبقالها وواش من سعادة تحس بيها وهي ما عندهاش الوقت حتى باش تلعب مع أولادها بالعكس من كثرة الأسغال قادرة تولي عصبية وتنفعل عليهم لأتفه الأسباب وتثور في وجوههم احنا نقولو الله يهدينا ويصلح حالنا وحال وليداتنا ويقدرنا على فعل الخير
NINA MOKDAD امين حبيبتي امين ، ربي يفرج هم المهمومين ويسهل امور الجميع هذه هي الدنيا ،،واحد ما صابها ساهلة ، سميت الدنيا دنيا لدناءتها ، كلنا ملي انوضو واحنا نجرو ،لكن كي تعملي حاجة ونيتك هي رضا الله كل شي يهون على فكرة أنا أيضا امرأة عاملة ،
صباح الربح و الخيرات..والله يا اختي العزيزة و راني كبيرة عليك ديما نقول لولادي نفس كلامك ..وهاذ الدنيا جهاد..وربي مع كل واحد سبحانه..يليق و يليق نستثمروا صحتنا..جمالنا..عمرنا كلها احسن استثمار.جمعةمباركة للجميع.
الله يبارك قيك ددوحة الزينة الله ينورك و يسلمك و يجعلك من عباده الصالحين لانك بالعمل هذا راكي مصلحة و لانك صادقة كلامك يجوز طول للقلب ربي يجازيك دنيا و اخرة
موضوع هايل ومفيد باه نسمعوه 👍انا زوجت مع العائلة وكنت معمرة باتفاؤل والنشاط💂💐 نحب نخدم الشغل قلب ورب حتى ننسا ونهمل روحي😢 والله الراجل تاعي ينصحني يقولي خير الأمور اوصطها متخدميش فوق طاقتك❤ راهم يوالفو ونهار تغلبي يقولو حالت والله نصحني وصح كي حبيت نتبدل بعد أنجبت معجبهمش الحال 😠بصح منحبش نبين ساعات ندير شغل كامل وحدي كيما نكون قاعدة وساعات نخدم غير الواجب ومع الوقت صح ولات تجيهم عادي ومنطقي نتهلا في روحي وبنتي👪 يعني الراجل والعائلة كما تولفيهم يوالفو والحمد لله درك عندي قيمة وشخصية مخليتهمش يهمشوني 😊
أختي نجاح كلامك صواب وصل للقلب لأنه خارج من القلب ربي يفرحك و يجازيك . والأن حبيت نصحح خطأ عن اسم قناة تعليمية تقدم دروس في الرياضيات للتعليم المتوسط و هي قناة لدرع انتصار ( و ليس ابتسام ) ربي يوفق الجميع
مشكورة اخت نجاح والله الموضوع مهم و مفيد ايقضتينا من السبات انا اصبحت مستسلمة للامر ولا انال حتى شرف المحاولة فقد اصبحت متاكدة انه لا شيئ يتغير بالحوار في البيت الجزائري فصرت افعل ما استطيع و اترك الباقي على الله راجية منه الفرج
