مين الشخصية اللي ممكن تؤذي النرجسي (تعلم عليه)
تخيلي ان اكتر شخصية تقدر تعلم ع النرجسي هي مين ؟ الشخصية المتعاطفة وتخيلي ؟ طيب ازاي وليه؟ حقول لك ليه الشخصية المتعاطفة عندها المقومات المثالية اللي النرجسي عايزها ،التعاطف اللي ملوش حدود وحب اسعاد الناس ومساعدتهم والتركيز على احتياجاتهم والتفاني في تلبيتها واهمال الاحتياجات الشخصية والشعور الدائم بالذنب وسهولة تحويلها لشخصية اعتمادية وسهولة استغلالها ومص طاقتها ،طيب ازاي الشخصية دي ممكن تكون مصدر اذى للنرجسي اذا هي بالمثالية دي كلها والحب دا كله ؟ النرجسي لما بيلاقي الشخصية دي مدمنة اصلاح وهدفها في الحياة أسعاد الاخر بيتطمن لها وبيكون متأكد انها مستحيل تسيبه وكمان متأكد انها حتحاول تساعده وتحميه من نفسه وفي نفس الوقت هي ضعيفة وسهل السيطرة عليها ، فبيعمل ايه بغباؤه بيكشف ورقه كله ادامها واحيانا عقله اللاواعي بيخونه وبيخرج على لسانه كلام في منتهى الخطورة عنه وعن نواياه اللي هو احنا بنقول النرجسي ساعات يقول كلام من غير مايحس يبين لك نواياه السيئة تجاهك ، زي مثلا : انتي حتشوفي أيام سودا وبيقولها وهو بيهزر ومن غير مناسبة ، اويقول لها انتي تقدري تسعدي أي حد بس المشكلة حتكون فيا ،او انا خايف انبسط معاكي ،او انا خايف احبك واتعلق بيكي وكل دة بيكون كلام بيخرج بدون اس مناسبة وله أسبابه النفسية والعلمية ومن ضمنها انه معتقد ان الشخصية دي مستحيل تسيبه وتمشي وحتحاول تنقذه من نفسه وتصلحه ، لكن على مستوى الواعي هو بيرفض احساسه انها اقوى منه فبرضه بيؤذيها ويحقرها ،
لحد كدة تمام منين بقى بييجي الأذى ؟ الشخصية المتعاطفة مش بتستسلم للوضع الغريب الا اذا اتحولت لشخصية اعتمادية لكن لو هي متعاطفة سوية بتكون شايفة ان فيه حاجة غلط وحدسها بيساعدها وبتبدأ تبحث وتشوف وتقرأ وتسمع وتجمع معلومات في الوقت اللي النرجسي بيكون متخيل انه مسيطر عليها وع العلاقة ، ودة اكتر حاجة بتساعد المتعاطفة على انها تضرب النرجسي في مقتل لانه مش مدي خوانة ، لما الشخصية المتعاطفة بتتسلح بالعلم والمعرفة وبتفهم نقاط ضعف النرجسي واحتياجاته بتبدأ تضرب في القواعد والاعمدة بتاعة شخصيته وأول ضربة بتكون إيقاف التفاعل معاه ،الشخصية المتعاطفة السوية اول مابتعرف ان النرجسي قاصد يؤذيها بيحصل لها شات داون للقلب فورا ،الحب بيختفي والقلب بيتقفل وبيحل محله العقل وفي الحالة دي بتتحول لشخص قوي قوة هائلة بيدعمها الحدس والتوقع الصحيح للاحداث وكمان العلم عشان كدة بتتحول لاقوى عدو للنرجسي واكتر حد ممكن يؤذيه ،هي اول حاجة بتعملها بتمنع عنه التفاعل يعني الوقود وبتتقهقر في العلاقة وبتبدأ تعامله بندية حقيقية وبتحس ان حكايته معاها خلصت فسواء عايشة معاه او حتسيبه وتمشي فهو امره منتهي ولما تقطع عنه الوقود فجأة وتبان قوتها فجأة بتكون ضربة قوية للنرجسي لانه مش متوقعها وهو طبعا بيحاول يرجعها بالعشر خطوات اللي قلناهم لكن هي بتكون اتحصنت وقوت مناعتها ضده ولا بيقدر يجيب معاها أي نتيجة لا بالهوفرينج ولا بالتهديد وتشويه السمعة ودي بتكون تاني صدمة للنرجسي انه فشل واستنفذ كل خططه وماقدرش ينجح في استرجاعها ولا حتى في الانتقام منها .
طيب اللي مش شخصية متعاطفة مش حتقدر تعمل دة؟ لا أي حد يقدر ازاي ؟ تجميع معلومات ومعرفة نقاط الضعف عند النرجسي مش كدة وبس لازم كمان النرجسي يديكي الأمان ويآمن لك ودة انتي تقدري توصلي له طبعا ازاي؟ انك توهمي النرجسي انك متعاطفة معاه وخايفة عليه وبتحبيه وتديه حب غير مشروط ازاي يعني؟ يعني لاتسأليه عن شيء ولا تطلبي منه شيئ في مقابل الحب طبعا النرجسي مش بيفر قمعاه الحب هو عايز عطاء فانتي حتديه العطاء اللي هو بيسميه حب عشان يكلمك بلغتك وانتي بالتالي حتتكلمي بيها عشان هو يصدق انك فعلا بتحبيه وعايزة تنقذيه من نفسه ،يعني من الاخر كدة تمثلي دور المتعاطفة والمطيعة والمحبة وتديه دور الفارس النبيل اللي مفيش زيه يعني من الاخر تنيميه لحد مايآمن لك وساعتها تضربي ضربتك ودة للي عايزة تسيبه طبعا لكن اللي عايزة تتعايش ماتضربش ولا حاجة خليها تمشي بنظام فتات الخبز اذا عايزة تعيش حياة يتخللها الهدوء
26 авг 2024