جزر ١٥ ج طماطم ١٥ ج وخيار ٢٠ج وحسبى الله ونعم الوكيل فى كل ظالم ....ربنا يشفى عماد شفاءا لايغادر سقما ولانقما يارب....انا قرفت بسبب غلاء وبعدين فى تهريج دة ربنا يورينا اية من آيات الله فبهم
يا حبيبتي عاوزاك تتكلمي على الدواء اللي بقى نار دواء الضغط كنت بجيب 65 بقى ب 128 ودواء الضغط الثاني لاني انا باخد نوعين ضغط كونكور 10 بلس كم 75 بقى ب 110 نعمل ايه ده غير اسعار الاكل اللي بقت نار
اللهم اشف عبدك عماد ابن شريف شفاء لا يغادر سقما وجميع مرضى المسلمين اللهم امين يارب العالمين وصل اللهم وسلم وبارك على سيدنا محمد وعلى آله وصحبه أجمعين وسلم تسليما كثيرا إلى يوم الدين
يستو قسمًا بالله أحنا عايشن في كارثة مايعلم بيه غير ربنا والله أبني جايبلي الطمام النهارده ب١٥ والبانية ب٢٣٠ والخيار ب٢٥ منه لله ال كان السبب في أحنا في اشتكنه لربنا يتصرف في وعند الله تجتمع الخصوم لا والله عندك حق الأسعار في كل مكان كدا كانه مرض بعيد عنك وأنتشر ربنا كبير وكله بمعاد 😢😢😢😢😢😢
والله ياستو نفسي قنوات اللي بتعمل ميزانيات اللي يعقدو يقولك بعشره جنيه تفطري ومش عارفه بي خمسين تعملي غدا ددول عايشين معنا في مصر وللا هما قاعدين في المريخ والله طمنتني انا كونت فاكره أن الأسعار بسمعها لوحدي😅😅😅😅
شباب يعني عايزين جبن بس في اليوم بمتين جنيه وعيش زيهم وبيض بميه برضه ودا فطار بس في اليوم،، طيب غداء كشري بس بميه وخمسين جنيه،، طيب عشاء زي غداء يبقى الف وخمسمئة في يوم واحد غير الكهرباء والميه والغاز واللبس والصابون والبريل وسلك المواعين، ملحوظة العيلة لو هتاكل لحمه غب اليوم يبقى وجبة غداء بس بكيلو لحمه كده دخبت على ستمية جنيه في غداء بس ،، القنوات بتكدب كذب بشع وكلها تبع المخابراااات@@MariaTat-iz1nb
والله ربنا حايحسبهم جدا علشان بيطلعوا يحلفوا ده في ناس اتفرجت عليها عامله ميزانيات 500 جنيه في الاسبوع والمشكله الأكبر تطلع المشتريات وتعرضها تحلف أنها بتحوش بتعمل احباط للواحد بجد لاحول وللا قوه الا بالله عايزه اعرف بينزلو يجيبوا منين،😂😂😂😂
والله نفسي في الخضار والفاكهة من أول الصيف اسعار مبالغ فيها والحاجة بايظه في المحلات من قلة السحب اقسم بالله التاجر رامي في الزبالة كراتين مانجا علشان مينزلش سعرها والبطاطس 25ج والطماطم 20ج والخيار التفاح المصري 50ج والتين 100ج وكل حاجه ربنا يرحمنا برحمته
الجو الحار بيحرق الخضار . فى بلدنا حاجه غريبه جشع التجار اي حاجه يرتفع سعرها لا ينزل ابدا مهما حدث . حاجه واحده فقط قيمتها تنزل و هى قيمة المواطن المصري سواء داخل البلد او خارجها . الموضوع مثل شالوا ألدو حطوا شاهين . الواحد اتسدت نفسه عن الأكل لانه مقدر ان فى غلابه مش قادرين على ثمن الحاجات الضروريه .
لا حول ولا قوه الا بالله العلي العظيم لا اله إلا أنت سبحانك إني كنت من الظالمين كل عام وحضرتك طيبه وبالف خير وصحه وعافيه وسلامه وسعاده والاسره الكريمه إعادة الله علينا جميعا بالخير واليمن والبركات والامن والامان والاستقراروالسلام يارب يارب يارب 🤲🤲🤲
تصدقي بالله ربنا ينتقم من التجار كنت في السوق وحوار داير بين اتنين بياعين واحد بيقول للتاني نبيع بكذ هاينفع رد عليه قاله عنهم مايشتروا هايشتروا غصب عنهم ده اسمه ايه بقي قله ادب وضمير من التجار حسبي الله ونعم الوكيل
معلش خلينا نتكلم بصراحة الناس برضوا بقي فيه منهم ظلمة واللي يقدر يفتري ويظلم علي اللي تحته بيعملها اقلها البائع اللي لازم لو اشتريت من عنده يحط لك حاجة بايظة موزة بايظة ومفكر نفسه أنه كده فهلوة وشطارة لازم يغشك علشان ما يحسش أنه خايب!!!! وكل واحد بقي لازم يتلائم علي التاني والنفاق بقت حاجة عادية خااالص بقت شطارة ونصاحة أن اضحك في وشك واشتمك اول ما تمشي وحاجة بقت زفت !لو كان حتي الشعب يتقي ربنا في بعضه كانت الدنيا اتصلح حالها بدليل اهو التجار هما اللي بيغلوا من نفسهم! يعني انت جاي تتشطر علي اللي أضعف منك!! ما تتقي الله وتبيع بالسعر المصرح بيه!
لا طبعا الخيار ب١٥ اغلى وانظف حاجه والسعر دا فى قلب العاصمه وسط البلد مش يعنى منطقه عشوائيه لكن مافيش ب٣٥خالص انتى غيرى المكان ولعلمك فى الأماكن الشعبيه بيوصل ب١٠جنيه ماوصلش اصلا السعر دا قبل العيد بيوم أغلى سعر فى الموسم كان ب٢٥ حضرتك انزلى كل أسبوع اشترى خضار الاسبوع فى اسواق طبيعيه او استاذ شريف وهو راجع من الشغل يجيب لكن كدا خراب بيوت
يعني ايه أسواق طبيعيه يا مدام ماريا؟؟ السوق هو تجمع عربيات خضار في حي شعبي لكن لو تقصدي الهايبر ده حاجه تانيه دي حاجات مغلفه محفوظه بالوزن في ثلاجات وسعرها اغلي طبعا لكن ايه الأسواق الطبيعيه دي بقي؟؟ ومفيش خيار ب١٠ جنيه من سنه ٢٠٢٣ كان ب١٣ و١٥ والسنه دي من اولها وهو ب٢٠ اقل حاجه
