شوفي أختي نصيحة ولله لعظيم نصيحة لوجه الله ماتخليش دارك على جال الناس قاومي ديري المستحيل وتمسكي في راجلك مايدوملك غير هو ياختي دنيا صعابت وليحبلك لخيير قليل وكونك عند روحك تامنيني شفت بنتك والله بكيت وقلت هادي تكبر بلا بوها علابالك دوك متحسيش بصح مع لوقت تنضري كي تشوفي ولاد خاوتك ولا اي واحد كيفاش يعامل ولادو ويشرولهم ويلعبوهم هي صغيرة متعرفش دوكا بصح نتي قلبك يولي يتقطع تقولي كون صبرت غير علجالها وكي تكبر تقولك بابا وين راه ولبروبلام هو ماهوش حاب الطلاق صافي لوم يرجع فيك وهاذي لحظة غضب برك ربي نشالله يبعد عليكم ولاد الحرام ويلم شملكم ونزيدك حاجة شحال صبرتي كي كنتي بلحمل ودوك باغيا تسمحيلهم فيها اواه ياختي لالا حاربي على خاطر بنتك نشالله ترجعي تلمي عائلتك يارب نحبك وبوسة ل إلين❤❤
صح كلامك صحيح الانسان عندو قدرة علي التحمل وكل واحد الحاجة لي تضرو وتأثر عليه لكن اختي حاولي اتريحي وتهداي وخممي مليييييييييييييح وثبتي روحك قبل أي خطوة الحاجة لي ضراتك اهدري مع راجلك فيها قادر تلقاي الحل ربي ايسرلك امورك
سلام عليكم ورحمة الله وبركاته. والله يا اختي غير اديها نصيحة من عندي. انا تان تزوجت صغيرة ولقيت ضغوطات. تخليت على قرايتي ووووو... وع. لقيت الشيخ او لعججوزة والدار العايلة ولكن صبرت ساعات تضياق عليا نبكي ندخل في اكتئاب. مي على جال ولادي صبرت راني 12سنة زواج. او مزالني يا اختي نعاني. وراني ب 4اطفال. اصبري يا اختي ان مع العسر يسرا. ربي يفك مشاكلك او يهدي لي راه يسببلك في المشاكل.
انا تان حكمني إكتئاب مور زيادة نتاعي نهار كامل وانا هاملة شغلي وليت غير نبكي نخمم نطلق ندير صوالح في بالي وليت حتى نشك في راجلي يخدع فيا وليت غير نستغفر دعولي نحي هذا لوسواس والإكتئاب لي راهو صاريلي
تموتوا على الخرجة ربي يهديك علا بالك الطلاق ساهل نسا قاع يفوتوا اكبر مشكل هو كي يكون مشاكل مع الراجل نتي ركي تقولي مع راجلي معندناش مشاكل ركي حابة تطيري ربي يهديك
شوفي ختي ابداي بالرقية ممن سحروكم كي شافوكم متفاهمين اختي حرزي زوجك مندام راهو متمسك ييك انتو الإثنين ابنو حياتكم و عائلنكم مهما يكون نوع المشاكل لي تمرو بيها ديرو يديكم في يد بعضاكم تجوزوها بإذن الله كيما نقولو حنا مندام الراجل معاك دز مع الناس كامل ماتخربيش دارك على جال ناس وحدوخرين اصلا هاذي غايتهم ريحي شويا ىاسك في داركم و ولي لراجلك و عيشي حياتك مازالك صغيرة بينيلهم بلي ماوصلوش لواش حابين اقراي اذكار تاعك و حصني روحك بالقرآن و شدي في ربي فترة و تمر بالنوفيق ربي يصلح حوالكم
نصيحة مني ليك اذا حبيتي تطلقي على جال مشاكل من بيت شيخك ولا ناس وحد اخرين معناها انت انسانة ضعيفة مدام راجلك واقف معاك الصقي فيه قد ما تقدري هكذا تقتليهم و يعرفو بلي ما يقدروش يفرقو بيناتكم
نصيحة من قلبي ياختي رانا كامل نفوتو في مراحل بزاف واعرة أهم حاجة متتخلايش علا زواجك إذا راجل متمسك بيك جامي تسمحي لضروف ومشاكل تخربلك حبك وحياتك روحي رقي شويا ورجعي لدارك خيرلك
هههه يودي تفكري غير المخلوقة لي قاتلك اعطيني نيميرو تع راجلك تنوضي تجري ترجعي لدارك 😂😂😂 نضحك معاك برك اختي بصح متخميش ف صوالح هذو مهما يكون مشاكل في حياتك متخميش ف طلاق واش دخل طلاق ف المشاكل كل علاقة تمر بظروف ملاح و ظروف مش ملاح و ايام يكون الانسان مهني احيانا لالا هذه هي الحياة حتى الناس لي مش متزوجين عندهم مشاكل في حياتهم سبحان الله بصح ماشي اي مشكل صغير انسان يخمم ف الطلاق سيي تريحي روحك فترة بعيدة على دارك ولا ترقي ولا تبعدي على العلاقات مع الناس و تروبوزي حتى تحسي روحك مليحة وربي يفرج ان شاءالله سينو ضك راكي ام قرار الطلاق مياذيكش انت برك متكونيش انانية و الراجل تروحي نت يشوف وخدوخرة مراحش يحزن عليك خمي في دارك و بنتك ❤
سلام لبنات حبيت نحكي حكايتي ونصحوني انا نخلص فالمنحة البطالة ايا كان راجلي يخلصلي فيها ونقسموها ايا دوسنا وصلنا لطلاق كان هو يخلصلي فيها ويسرقهالي حتا وكنا فطلاق ايا بعدها رجعنا مطلقناش ايا ديت لورق تاع المنحة من عندو وعاد بابا يخلصلي فيها ونمدلو منها ايا دكا راني بالحمل وقريب نولد جبت غير نبدل في الجو في دارنا عيطلي قالي ياتجبي لورق وانا تخلصها يا راكي قاعد في داركم واش نقدر ندير والله حرت كاين راهم يقولي طبقي من عندو وانا بيا راني بالحمل خفت نحرمو من باباه مع العلم ميصرفش قاع عليا حاجة ميشريهاليش
قوليلوا اني قاعدة راو اهدد فيك برك خصوصا كي راكي بالحمة نهار كي تشوف الدوا ينسى كلش وما دام ميسرفش عليك ما عندو حتى حق فيها وزيد راح تصرفيها على روحك وباباك من حقك تمديلوا منها لوكان هو اقولك بابا وما تساليليش
ختي اول مرة نشوف قناتك ومن العنوان دخلت ختي متتسرعيش عليك على الرقية وقيام الليل واذكار الصباح والمساء وداومي على التلبينة مليحة للاكتئاب والطلاق متحسبيش تبعدي على المشاكل غدي تلقاي مشاكل كثر
نصيحة لوجه الله قبل متخممي تخربي دارك شوفي لبنتك وروحي حوسي على روحك ارقي شوفي طبيب نفسي ومدريش الغاشي في راسك كامل الناس عندهم مشاكل بصح علا جال بنتك تنازلي واصبري ياكل راجلك يحبك وممخليكش
اول و آخر نصيحة روحي ارقي قبل لا تهدمي دارك راني حاسة بيك و عقبت نفس الظروف تاعك و راح تحسي فرق كبييير و كلشي كان مقلقة راح يولي واضح قدام عينيك و ترتاحي وحد الراحة خوذي رايي طاوعيني برك و ديري آخر محاولة و شوفي الا مالقيتيش نتيجة ديري وش تحبي .
متخليش اي واحد يفرقكم ولا يشتتلك عايلتك بدلي لمود قوي عزيمة والايرادة نتاعك تمسكي بري وطلاق ححاااا صعيبة بزااااف نصيحة رتاحي فداركم ارقي وبدلي جو وروحي بدلي عقلية مع لبرانية
عندك طفلة وراجلك مليح معاك وحابة تتطلقي باينة من الاسم تاع قناتك عروس صغيرة انتي صغيرة وملقيتيش لي ينصحك وراكي كامل اطلقتي و تعاودي تزوجي وهاذا رايح تلقايه بلا مشاكل يفرشلك الورد معندوش موالية لي يديروا المشاكل وبنتك رايح يبغيها كيما باباها راكي غالطة خمي مليح لو كان راجلك يضربك ولاماشي قايم بيك ولاماشي مقيمك انا نجي معاك ونقولك طلقيه بصح راكي غالطة في حق راجلك وبنتك وروحك
يا اختي حتى واحد مينفعك فهذا دنيا من غير راجلك .كاين الحساد والسحارين ولي يحبولك الشر ويفرحولك كتكوني مغبونة .واحمدي ربي على نعمة وبنتك فحجرك .انا ست 6سنين. زواج لكان كنت ضعيفة ومعنديش الايمان والصبر ران طلقت لكن صبرت وريي شاف ليا وحمدو الله متسرعتش .ولي شافت تعليقي تدعيلي ربي يرزقني بالذرية الصالحة.
يااختي ربي يفرج عليك ويصلح حالك ويردك لطريق الصواب صلي وادعي وعلاه تفرطي في راجلك مدام مراكي شايفة منو غير الخير مهما كانو المشاكل ماتسمحيش فيه وهاذي هي الدنيا والزواج بأه تحافظي عليه لازمك تصبري وربي ينور بصيرتك
شوفي اختي اذا كان المشكل تاعك عباد يفسدو بينك و بين راجلك خرجيهم من حياتك اذا كانو من اهل الزوج اعتازليهم هوما مش من ارحامك باش تخافي تقطعيهم هو خليه يروح كيما يحب و انت اجبدي روحك و ماتخربيش دارك انت ماراح يدومولك اهلك و هو ماراح يدومولو اخرتها تلقاو غير بعضاكم
سلام حبيبتي لازم مكان حتى مشكل ليبعدك على رجلك كي يكون هو معاك مليح وآله انا نكتب ودمع في عينية ارجعي رجلك وصبري معاه على الحلوى و لمرة ربي يجيب فيه لخير
اختي نصيحة كأخت خمي مليح ورقي روحك. وديري سورة البقرة كامل رانا مرو على ظغوطات بصح الانسان يليق يصبر ويكبر قلبه قدر لي ينجم وزواج حبيبتي ميجيش كامل فيه الايجابيات وسلبيات وربي يفرج عليك ان شاءالله من ابوابه الواسعة 🤲
يا اختي واش راح نقولك اذا رايحة تطلقي على جالت الناس على حسب واش فهمت من هدرتك و مادام انت و زوجك متفاهمين نصيحة عاودي خممي مليح لانو في النهاية رايحة تخلصيها انت و بنتك و ربي يهدي النفوس.
مساء الخير يا بنتي والله فكري مليح يا ميما ارقي وهدري مع مماك والام هي ليتنصحك وانا راني أم وبناتي راهم في سنك شهدي يا بنتي وشوفي لبنتك ولكان لعجوز يجي النهار وتفرج رنا مرينا كامل من هذي الطريق وصبرت والحمدو اصبري يا بنتي و نشاله تفرج يا ربي أمين 🤲🤲🥰
الله يجيب الخير والله انا غير المعلمه تاع وليدي راهي حڨرا وليدي مسكين رهو يقرا عنده في السين 3 إبتداء والله رجعة دائما نبكي دخلتني في حاله اكتئاب😢 حسبي الله ونعم الوكيل🤲🤲🤲
ياختي وعلاه دخلك في اكتئاب روحي ليها وبردي قلبك فيها ومتخافيش منها كلين قانون يحميك ويحمي وليدك ولا روحي اشكي بها في لكاديمي اديه عند بسيكولوg تعطيلك شهادة بلي راه يعانيي من الاكتئاب وبلي هي السبب في هذا المشكل وتشوفي كيفاه تتربى يا ختي خافي غير من ربي فيقي مع روحك والفضي الغبار على روحك ترتاحي نفسيا ومعنويا وربي معاك إن شاء الله
مكانش منها اكتأب نتاع الولادة صلي و الرقي العين و الحسد والغيرة تفكري بلي راهي عندك بنت خمي مليح دار والديك مدوملكش روحي رقي العين كثر من سحر ارجعي دارك اكثري من استغفار و صلات و قيام الليل ❤❤❤❤❤❤❤❤❤❤❤❤
ان شاء الله ربي يصلح لحوال ويهديك وترجعي لدارك حببتي تستاهلي كل خير والله غاضتني بزاف تستاهلو تعيشو نتي وراجلك وبنتك فبلاصة وحدة ياريت تزيدي تخممي مليح
شوفي ختي شفت بعض الفيديوهات وفهمت بلي تزوجتي لمنطقة بعيدة على داركم وقلتي انت وراجلك متفاهمين مشاكل خارجين على يدكم ديريها في بالك الدنيا هاذي عمرها ماتمدلك كلش الا ماتكون حاجة لي تقنطك وتخليك تشوفيها كحلة ويزيدلك الشيطان وعي زادتلك البعد على داركم مصح اصبري وعادي المشاكل في كل بلاصة الصح انت تعيشي هانية في دارك كي الراجل مسڤم هو الصح تقابلي بيه وين جات وحمدي ربي وصح صح بلا زعاف راكي تتفششي وتتقلشي اخزي شيطان وارجعي لدارك راكي قلتيها داركم كي يكونوا والديك وبركايك من الفشوش والزعاقة
ياختي ماتحوسيش غير على التعليقات لي تعجبك خودي راي لي يبكيك انعلي الشيطان وارجعي لدارك كل علاقة تمر بفترة فتور وبرود ومشاكل ولكن لازم تكوني حكيمة وتشدي في راجلك اذا ماقاسكش في كرامتك ومدارلكش حاجة كبيرة بزاف ماتخليهاش توصل لطلاق كي راه مليح معاك حتى اذا كاين ضغوطات حاولي تفتشي على حل راني حاسة بيك وننصح فيك ماشني ننتقد فيك حاولي تخلقي حل اقعدي معاه وشوفو حل ربي يجمع بيناتكم فالخير
