احنى نعولو بيه نبد بالبصل يكون بصل الذهبي في أوت والقطيع جيد كيف الي قطعتة شيف والملح كيف انحطوه على البصل نفركوه لين يسيب الماء والملح موش بالميزان وبعد نرش عليه الكركم ونخلوه على حول عام. وانخبوه في زير يكون احسن واكثر الناس مايزيدوش الحوار على خاطر يزرق لون الفلفل والحوار يكون كان في الصلاصة ومن المستحسن الزيت ماتكثرش منو يظيع الحرارة الفلفل وتاكل بالشفاء
يعطيك الصحة ولدي الغالي دائما أنيق في كلامك وفي حركاتك و مرتب ربي يحفظك لوالديك و لشبابك . أنا مانيش من الجنوب اما نعمل الهروس دائما و طورت فيه وحدي باش يلائم اكلاتنا المعاصرة لكن يحافظ على نفس الذوق .التغيير أني بعد ما نرقد البصل و الكركم و الملح لشهر أو أكثر وقت إلي نجي نخلط المقادير نرحي هاك البصل في رحات اللحم مع بعض الأفاحات جيدا ثم نخلط بيه ألفلفل مع الزيت باش يجيني أرطب و ما تظهرليش قطع البصل في الأكل خاصة في الصوصات و صدقني يجي بنين و أرطب و يصبر حتى عام . هذه فكرتي الخاصة و لك كل الشكر.
يعطيك الصحة شافنا❤.. يبارك في يدياتك إن شاء الله 🤲.. حبيت نجربو برشة مرات، لكن نتردد، خاطر نخاف م الوصفات اللي نلقاها ما تكونش ناجحة، وما نحبش نشريه من برا حاضر، pour ça يرحم واااالديك ويخليلك العزاز عليك 🌸🌸🌸.. شوية أسئلة بعد إذنك: أول سؤال، انجم نعملو توا الهروس(في أكتوبر)، والا لازم نستنى لصيف عام الجاي إن شاء الله؟ ثاني سؤال، انجم نستعمل الفلفل المرحي اللي يتباع حاضر عند التوابلية؟. ونبثبثو بالزيت بعد ما نشريه كيف ما قلت انتي؟؟
يعطيك الصحة ما شاء الله على ايدياتك كل شي من تحتهم ينجح تبارك الله، احنا الڨوابسيه،لازم البصل نعركوه ملييييييح، و نرصوه بالقدا في زير فخار، باش مايدخل فيه حتى مطعم اخر كيف البلاستيك، و نغلفوا فم الزير بحاجة، مثل قماش فوقوا قطعة بلاستيك و نربطو عليه بحاجة باش مايدخلوش الهوا جملة
السلام عليكم، يعطيك الصحة في هذا الهروس الي عملتو خارق للعادة لانه اول مرة كيما قلت، البصل على قد ما يقدم يكون خير و كيما قالت الاخت لازم يتفرك بالملح قبل ما يتحط كيما عملت انت و وقلت اللي تعجن تحط شوي حوار، لكن ما تحطش برشا بصل و حاول باش تعملو كاسح شوية لانه مع الوقت البصل يسيب الماء المتاع في وسط الهروس، حاجة اخرى الزيت هذاك الي حطيتو راهو برشة كيما قالت الاخت، هذا هو الفرق ببن الهروس الي عملتو انت و الي نعملوه في دارنا توى عشرات السنين، و شكرا و تاكل بالشفاء.
مش فرض مدام باش تتفرج ! تتعدي مرور الكرام و تربح راحتك 😁😁 و زيد تعب في روحك و تكتب تعليق علاش ؟؟ ماو طريق السلامة و الخاطر متهني ! و اللطف عليك من النقطة ان شاء الله لاباس 🥰🥰
يعطيك الصحة خويا الله يباركلك انا من مدنين والهروس ميتنحاش مالدار ههههه و راهو تنجم تعمل زنجبيلل وقرنفل مرحي... والفاحات الي تحب والما الي هبط مالبصل متكثرش منو في العجن على خاطر كي تتطوال المدة يتبدل طعم الفلفل معناها من الاحسن تعجن بالزيت وشوي ماء بصل وعيشك على مجهوداتك
يعطيك الصحة على المعلومات انا شهيتو الهروس هذا بالله اش يطيبو بيه ؟ وشنوة يفوحو بيه .؟ بالنسبةلتخمير البصل ممكن نعملوه في الفخار في عوض البلاستيك .؟ مع الشكر 😊
انا الهروس ما كنتش نعرفو جربتوا مرتين قبل ياخي البصل زراق لوحتي المرة الثالثة نعمل فيه توة حطيت فيه الكركم اما لقيت فيه الزروقية موش كيف المرتين الخرين اما الزروقية موجودة علاش زعمة؟