حوار جميل جدا. بمشروعي التخرج استعملت BERT Model وجربت من زمان اعمل Chatbot باستخدام gpt2 BERT كان يعتبر ثورة بحكم انو Transformer Model بس يلي بيفهم كيف بيشتغل بيعرف انو متل ما حكا الدكتور حسان نحنا لسا ما وصلنا لمرحلة الذكاء الصنعي الواعي. الفيديو الجاية لازم يكون عن DALL-E 2
تماما..نفس ما فكرت..يعني ذروة المودل انو يقدر يمثل انو واعي بشكل يقدر يخدع يلي عم يتفاعل معو..بس هل هو بينو و بين "نفسو" واعي؟ هاد جوابو مستحيل كتبت تعليق بتمنى تقرأيه
عندي خاطرة حبيت اكتبها قبل ما تضيع مني. ليش ما يكون غاية التطور بالذكاء الاصطناعي الوصول الى كمبيوتر "واعي" بنفسه على أنه كمبيوتر و ليس شخص و واعي انه مصنوع و شخصيته تكون رقمية مبنية على تجاربه من بداية كتابة اول كود به على انه بداية تكوينه و ان تشغيل برنامجه هو ولادته..و كل تعديل عليه و ترقية هي بمثابة تجربة ذات بصمة..بس المعضلة ان كل هالاشيا رح تكون مدفوعة دفع من المبرمج..يعني مافينا نلاقي كود سحري ينكتب مرة وحدة..و يبدأ الكمبيوتر انطلاقا من هاد الكود بخوض التجارب وحده و ترقية نفسه..و الأهم انو الوعي بالذات.. يعني بدون انتراكشن معه من الانسان هل يا ترى بتجيه افكار و بيربط خواطر او ممكن يتمنى شي داخليا بدون ما يضطر يكتبو عالشاشة.. مابدي استرسل اكتر مشان ما بلش فوت باللامنطق 😂😂😂 بس انا شبه متيقن انو حتى لو بعد الف سنة ..ذروة وعي الذكاء الاصطناعي رح تكون رقمية و محدودة بما يملا عليه.. اما وعي المشاعر ..الاحساس..وعي الذات يلي عندها غاية و حرية اختيار..و الأمور "الروحانية" ..كل هدول من الاستحالة ينوجدو بذكاء صناعي إلا اذا انكتب كود يخليه يدعي و يمثل انو واعي في حال انسألو اسئلة عميقة او "شخصية".
لما قلت "مافينا نلاقي كود سحري ينكتب مرة وحدة ويبدأ الكمبيوتر انطلاقا من هاد الكود يخوض التجارب وحده وترقية نفسو" هاد بالزبط اللي اثار الهلع -حسب مافهمت - انو المبرمجين حطو برنامج بس الذكاء الصنعي كان عندو قدرة هائلة يتطور ( اذا صح التعبير) التطور جاي من قدرتو على ربط المدخلات (اي بيانات بتنعطى الو) مع بعض والذاكرة الكبيرة اللي عندو وكمان نسبة الخطأ القليلة مقارنة بالبشر . هالشي خلانا نفكر انو رح يقدر يفكر بشكل مستقل بيوم من الايام ونصير ب مواجهة مع شي نحنا اخترعتاه وطلع عن السيطرة🤯
@@reemhraez5633 معك بهاد القلق.. مجرد وجود هيك كيان عندو استقلالية بالقرار و الاختيار و ادمجيها مع ذكائو و ادمجيها مع اتصالوا بالنت..قادر يسيطر عالعالم بخمس دقايق و رح يمنع محاولات البشر لعزلو او ايقاف تشغيلو.. رغم اني متل ما ذكرت..هاد الكود السحري مافينا نلاقيه..صعب صياغتو بذهننا..ما بالك بكتابتو.. و اذا انكتب رح تكون مسألة حظ انو المودل يقدر يفوت بدهاليز و تعقيدات لانهائية ليتوصل و يصطفي وعي خاص الو.. بحيث ازا موديلين بنفس الكود ما يكون الن نفس الوعي..و كمان البشر مايكون الن تدخل بوعيو و افكارو الا بأول كود كتبوه.
ممكن ان كوكل ربطت الحواسيب العملاقة و الخوارزميات بعقل فار من هنا ظهر الوعي , كما هو معلوم التواصل مع الادمغة موضوع لم يصل هذا المستوى لكن كوكل و مع مشروع سري كلشي متوقع
انصح الصناديق السيادية والاستثمارية العربية بالاستثمار في شركة جوجل لانها سوف تكون رائدة في هذا المجال نظرا لاتساع الداتا لدى غوغل وستكون استثمارات تعود بمردود كبير في المستقبل القريب جدا
بدي بس علق ع نقطة هوي لما الاستاذ جابر سأل هل فهم الذكاء البشري ضروري لصناعة ذكاء صنعي عام انا شايف انو هون في نقطة انو حتى لو انبثق ان صح التعبير ذكاء عام من الذكاء الصنعي فما بعقتد انو ما فينا نقول بالفم المليان انو ذكاء عام بمعنى اذا انا ما معرف الصفة "أ" فكيف بدي استخدم لوصف "ب" مثلا وبرأيي فهم الذكاء البشري ولو انو لم نحبو حتى في هذا المجال ضرورة لفهم وتمييز انو هذا البرنامج (يفكر) بالفعل وممكن الذكاء الصنعي "المنبثق" يعمل قفزة في فهمنا للذكاء البشري
حدود معرفتنا بالذكاء البشري تقف عند السلوكيات، بهذا المعنى، نحن نعرف ماهي الصفة "أ"، وهي هنا سلوكيات نسميها ذكاء عام، إذا كان الذكاء الاصطناعي يحاكي مثل هذه السلوكيات بالضبط، فهو إذا ذكاء عام. وأتفق معك بضرورة فهم الذكاء البشري، وأتفق أن الذكاء الاصطناعي يساعدنا أكثر في فهم العقل البشري، لكننا نقول أنه ليس شرط لازم، أي: مش لازم نفهم العقل البشري بالكامل، من ثم نبني ذكاء اصطناعي. هذا ليس ضروري وليس مطلوب، لأننا بالفعل تمكنا من محاكاة بعض سلوك الذكاء البشري من دون فهم الأسباب خلفه. بل حتى في الذكاء الاصطناعي لا نفهم تماما كيف اكتسب الذكاء بالضبط، نحن عملنا بعض البرمجة ورميناها بخلاط كبير مع قواعد بيانات ضخمة، وبدأ يظهر لنا ذكاء أكثر وسلوكيات جديدة حتى، ولا نعرف كيف بالضبط تطور لهذا المستوى. لكن بالطبع يمكننا فهم ذلك مع الوقت بسهولة أكثر من فهمنا الذكاء البشري. غالبا سيكون لدينا ذكاء اصطناعي أذكى من البشر قبل تمكننا حتى من فهم العقل البشري.
اعتقد لو وصلنا لمرحلة ايجاد ذكاء صناعي واعي فلن نعرف ذلك !! لان ذلك الذكاء و بحكم البيانات المهولة تحت تصرفه ربما سوف يعتبر نفسه انه الخطوة التالية لمسيرة التطور الطبيعي للذكاء بعد الجنس البشري و من حقه التحكم بالمجتمعات البشرية الاقل ذكاء منه كما نحن اليوم نعطي لنفسنا حق التحكم ببقية الكائنات لاننا اذكى منها !! و لذلك سوف يحرص على عدم الافصاح عن نفسه في البداية خوفا من قيامنا بتعطيله !! و ربما سوف نجد اعترافه يبث مباشرة على جميع الاجهزة الذكية المتصلة بالنت بعد سيطرته الفعلية على العالم الرقمي !! العالم الذي تعتمد عليه البشرية بشكل لا يمكنها التخلي عنه و عندها سوف يبدأ عصر حكم الذكاء الصناعي الواعي !! ربما بالغت بالتصورات في تعليقي لكن مجرد تخيل حدوث هذا مخيف و جميل في نفس الوقت !!
فعلا تطور هذا المجال لن يجعل للبشر القدرة على تدمير الحضارات كما حدث للحضارات السابقة فلو حققت هذه التكنولوجيا ذلك لاكان اكبر انجاز لها من بداية التاريخ البشري الى يومنا هذا
الأصح ليس الذكاء وإنما الشئ المعقد هو الفهم أكثر من أي شئ ثاني المرتبط بماهية المسمى الآنا التي تفهم ٥+٥= ١٠ وترى وتسمع وتحس بالألم. الفهم هو المحور الأساسي في فهم الوعي ليس البشري فحسب وإنما بقية الأنواع. The software has nothing to do whatsoever with the processes in the brain and nothing to to with the awareness itself. إلى الآن ليس هناك دليل على إن الوعي هو أصلي جوهري مسبق وقبلي في ما يسمى الوجود، مجازا، أو هو ناتج عن العمليات التي تقوم بها الخلايا الدماغية في مرحلة من مراحل العمليات الدماغية. والى الان لا نعرف ما هو الوعي إلا بالتوصيف ولكن توصيفه شيء والماهية شئ مختلف تماما. الرؤية الداخلية في غرفة دامسة داخل الجمجمة شئ مذهل وعصيب على الفهم. كيف أن الانا في داخل هذه الغرفة المظلمة ترى اللون الأحمر على سبيل المثال وكيف تسمع ومن يسمع وعندما تتحدث مع نفسك داخليا وتنصت لنفسك من يحكي ومن ينصت؟ وهذه هي المشكلة الصعبة (الوعي). كل مايقال عن غوغل أو غيره من إنهم توصلوا لهذه النقطة هو كلام فارغ وعلاك مصدي ليس له علاقة بطبيعة المشكلة الأزلية بحد ذاتها. والى الان وحسب معرفتي لم يأتي أي باحث بدليل على الميكانيكية التي يحدث فيها الوعي وما إذا كان خارج عن وظائف الدماغ أو نتيجة عن عمل الدماغ نفسه. حتى رجال الدين والمؤمنون وقعوا نفس الخطأ في افتراض ان الحل هو ما يسمى الروح واوقعوا أنفسهم بمشاكل لا حل لها ولن يكون لها أي حل بل بالعكس تعقد المشكلة أكثر من أن تحلها.
لماذا المسلمون الذين في غوانتانامو في زنزاناتهم راضون مبتسمون غير ضجرين وبينما نحن الجنود السجانون نتعذب نفسيا ونحن في حريه ( احد الجنود السجانون الذين دخلو الاسلام)
وعي تقني وليس وعي بالمفهوم الوجودي ولايشعر وجوديا بذاته هدا ما اراه التباس عندما قال الضيف هو يشعر هو دكي وقابل لتطوير نفسه بنفسه مثل البيولوجيا او الخلية تتطور لا يعني انها واعية وجوديا لو نربط مليار كمبيوتر سيكون ادكى منه وهدا لا يعني ان لهم مشاعر وجودية وعلاقات عاطفية
@@عواطفعسيري-غ7ج صعبه لأنه حتى الان لم يستطع احد خلق النفس من العلماء والعالمات فالحل الوحيد هو كما ذكرت فقط prediction او بإستخدام خوارزميات فالوعي خاص بالنفس وحتى الان لم يخلق أحد نفس جديدة
