هل ده وقت شراء عربية كهرباء ؟ شوف رأي هنا  

كلامك منطقي لكن بصفتي مالك للنوعين من السيارات، والاثنين يعتبروا من السيارات المحترمة، انا افضل قيادة الكهرباء ١٠٠ مرة عن البنزين، وهي معايا من سنة ونصف. ميزة السيارة الكهربائية ذات المدي المحترم جوة المدينة اعلي بكثير جدا من البنزين، لانها بكون جاهزة وانت نائم وصعب جدا تخلص المدي بتاعها في يوم جوة المدينة حتي لو بتسرع بيها. معالك في انك في السفر محتاج تستنى شوية وانت بتشحن، لكني سافرت بيها الغردقة وانا ماشي من القاهرة ب ٧٠٪ من الشحنة. وصلت الزعفرانة ب٣٧٪ ... وكأني بالسيارة البنزين نزلت وشربت القهوة واكلت وجبة خفيفة وبعدين شحنت وتحركت ووصلت الغردقة في وقت معقول ... صح اني كان صعب اكمل علطول مباشرة لكن لم اعاني منها وكانت السيارة محملة. هي محتاجة تنظيم وقتك اكثر شوية، لكن حتي فالطوارئ لو انك ضابط كل شيء حسب جدول مضبوط فغالبا مش هتلاقي مشكلة حتي في الطوارئ ... طبعا لما بيكون عندي مشوار طويل لسيوة مثلا الكهرباء ماتنفعش خالص في الوقت الحالي. وزن السيارة ٢ طن و١٠٠ كجم في المتوسط للسيارات متوسطة الحجم ... مش وزن رهيب مقارنة بسيارات بنزين ممكن وزنها يكون اكبر من كده لكن برضه حجمها بيكون اكبر من كده التعليق والكاوتش بالنسبة لي حاجتين منفصلين ... السيارات الكهربائية فيها مشكلة في الكاوتش من ضمنها ندرة وجوده في مصر وبالتالي ثمنه باهظ جدا وده عيب حقيقي، لكن بالنسبة للمساعدين، فزي ما حضرتك عارف المهندسين بيحسبوا الياي والمساعد والمقصات بشتى انواعها حسب وزن السيارة static load و حسب ال حمل الديناميكي dynamic load واشياء اخري. الحاجة اللي فيها كوتشات اويل سيل مع الكهرباء بتعيش اكثر لو اتفقنا انها مصممة للاوزان دي لان مفيش حرارة عليهم من الموتور بعكس محرك الاحتراق الداخلي طبعا السرعة والمدى ... ممكن اوي تلاقي سيارات كثيرة دلوقت تقودها علي ١٢٠كم/س بالحمولة كاملة ومع التكييف وتسافر بيها بدون ادنى مشكلة لكن بسرعات اعلي هيكون عندك مشكلتين، الاولى الاستهلاك والثانية الرادار. انا طولت عليك لكن ممكن اتكلم اكثر من كده لو حبيت ... الاختلاف في الرأي لا يفسد للود قضية وانا من متابعيك باستمرار

السيارات الكهرباء قل شرائيها حاليا عالميا وارتفع نسبه شراء الهايبرد . بالشحن الذاتي بماتور بنزين ..دون اللجوء لمحطات الشحن بالكهرباء

العربية هى الحرية!! يخرب بيت جمدانك ياهندسة

بص يا صاحبى… كلمتك (العربية هى الحرية) مش بس صحيحة، لكنها لمن يفهمها، هى عين الصواب… لان عربيتك، هى الصديق الوحيد اللي حتلجأ له فى اى حالة انت عليها، والمفروض يكون دايماً جاهز لتحملك.. لو متضايق، حتنزل تركبها وتطلع بيها طريق طويل فاضى تطلع الأدرينالين الزائد من جسمك وترجع… ولو فيه اى ظرف طارئ،، المفروض تركبها وتطلع بيها فى وقت … مش تقعد تحسب لها… عربيتك بتقضى فيها نصف عمرك، اكتر من بيتك وشغلك… لو مكنتش متطمن مرتاح وانت فيها، يبقى ملهاش لازمة… بجد حلقة حلوة…

بس كنت لازم تتكلم عن تكلفة التشغيل العربيات البنزين تكلفتها عالية جدا بالمقارنة بتكلفة الكهرباء

كهرباء ايه احنا عايزين نسمع صوت التنفس الطبيعي 😂

Mr. Maged still carrying his crusades against electric cars, lol. Rightfully so. I genuinely do believe that it's still not the time for electric cars yet. I 100% agree with your points. Well delivered. You couldn't have said it better 👏 Keep pumpin those videos, sir, and have a nice day!

انا بحب العربيات الكهربا لكن كلامك مظبوط ومنطقي 💯 💯

انت انسان صادق و واضح. شكراً جزيلاً

تحليل دقيق و شامل الله ينور عليك يا هندسة

المستعمل ف الكهربا ينفع للمبادرة فقط لكن الاستيراد الشخصي ف الكهربا لازم زيرو

شكرا ماجد دى من اجمل الحلقات عايزين حلقة منفضلك عن العربيات الهيبريد وتفاصيل دقيقة عنها زى ماعملت فى الحلقة دى

ممكن تعمل حلقة افضل العربيات الكهرباء المناسبة فى البلد و نقطة المدى

شكراً جزيلاً للتوضيح العلمى المفيد جداً . مع خالص تحياتى لك . م / ماجد

جزآك الله خير اخوي ماجد عن سيارات كهربائية تسلم جميل فيديو

تحياتى لأرائك المحترمة و المميزة 🎉🎉

You recommend the new eqe or the glc ?

حاجه كمان عايز اقولها يا هندسه محدش اتكلم فيها المصنعين روجوا للكهربا على انها صديقه للبيئه طيب البطاريات اللى حتبوظ بعد كده مش حنتكلم عن سعر تغييرها اللى حيبقى فلكى التخلص من البطاريه القديمه حيبقى ايه تاثيره على البيئه اكييد نسب الاشعاع اللى حتطلع من البطاريات حتخلى التخلص منها مش سهل و مكلف و مشفناش عربيه كهربا عملت حادثه كبيره و البطاريات حصلها ايه هى الامان كفايه ولا ممكن تولع زى ما ولعت لوحدها فى كذا عربيه من غير حوادث و تاثيرها ايه على اللى جوه العربيه

نهارك سعيد ياماجد دايما مبدع وملخص الموضوع وحيادي

طبعا السيارات الكهربائية هي المستقبل والصح وكفايه نترحم من الصيانات وقطع غيار والمصنعيات الميكانيكية

كلام منطقي جدا 👌 احييك عليه

برنس يا ماجد، لا خلاف على ذلك، متابعك من ٤ سنين بالتوفيق...

Home charger + solar cell ... can be perfect solution

لازم البنية التحتية لشواحن السيارات الكهربائية يتم توفيرها عن طريق شركات خاصة ومش لازم تكون داخل محطات بنزين. زي تليفونات مينا تل بتاعة زمان كل كام كيلو نلاقي وحدة شحن كل مربع سكني في كمية وحدات على كل ناصية... وهكذا المستفيد يدفع ويشحن .وهكذا

ممتاز يا ماجد بصراحه أحيانا كتيييييييير بمشي الفيديو عشان التكرار في العرض وبكون عايز أسمع حاجه معينة في السيارة إللي انت بتعرضها .. أحيانا يكون التسارع .. أحيانا يكون الموتور .. أحيانا يكون إنطباعك لكن في الفيديو ده أنا سمعته على عدة مراحل عشان أسمعه من أول كلمة وحتى آخر كلمة لو عايز عنوان للفيديو ده هيكون " السيارات الكهربا .. ما بين الحداثه والنضج " .. حقيقي كلمة النضج هي مفتاح القرار .. كمان الحرية هي عنوان البساط السحري إللي إسمه العربية حقيقي .. كان كلامك في الصميم تخيل .. أول مرة أكتب تعليق على فيديو .. لكنك تستحق وأكثر

كلامك منطقي جدا والله صح والله و افتكرت اول ما بدات الشاشات البلازما و دي كانت اول تكنولوجيا وصولا لشاشات led و اعلي كمان شابو مستر ماجد

فين الفيديو الل حضرتك جبت فيه 317 كم بالفا الروميو بتاعتك يا هندسة❤😂

حلقة السيارات الكهرباء بتاعة استاذ عبد الحق كان اتكلم كمان ان صناعتها اعلى تكلفة واشد تلوث من السيارات البنزين

أحلى صباح مع ماجد

سؤال يا هندسة إذا سمحت هل قشقاى نازل لها قريب facelift فى مصر ؟؟

سؤال ياماجد بالله عليك اهتم ورد سوبارو wrx و mg7 مش هينزلوا مصر قريب أو بعيدن ؟

من مُصنّعي السيارات الكهربائية💪 إلى مُصنّعي السيارات البنزين😞…نشكركم على حسن تعاونكم👋😢

محتاج منك توضيح على تركيب الشحن خصوصا في منطقة جوة البلد زي مصر الجديدة كده و من دور عالي خصوصا .. بحكم خبرتك في المجال ده

كلام ممتاز عاوزين حلقة ضرورى عن شيرى تيجو ٤ برو الجديدة ضرورى

ينفع مراجعة ل byd dolphin or segull

محترم ياماجد تسلم

السلام عليكم كل احترامى لخبرة حضرتك يا م/ماجد حد عارف ازاى استورد عربية بنفسى وتكلفة الشحن لمصر والجمارك وشكرا

والله أنا معاك يا كأستاذ ماجد السيارات الرياضية والطبيعة. هي الأفضل والعملية فعلا للحياة اليوميه وليس السيارات الكهربائية الي عاوزين ينجحوهابالعافيه تحياتي

و الله وجهة نظر محترمه جداً و كمان عمليه جدا بالرغم من اغراء الاوبشنز في الكهرباء

تحليل محترام

ماجد المهندس ماشاء الله عليك يا ❤❤❤❤❤❤

استاااذ . تغكيرك منطقي وعقلانى ومحايد . تحياتي لمعاليك ماجد بيه .

رأيك في السيارات الكهربائية حاليا يتطابق مع رأيي تماما، المستقبل للسيارات الكهربائية مرهون بالتطوير على مستوى المدى ومدة الشحن ووزن البطاريات وحجمها، وانتشار أماكن الشحن، وربما " باور بنك" أو طاقة شمسية. تحياتي واحترامي 👍

كلامك منطقي جدًا انا من متابعينك من زمان 👍

شابو 👏👏👏

حلقة ممتعة ممكن رأيك فى تكنولوجيا الهايبرد؟ مثال نيسان قشقاى منزلين عربية هايبرد إيه تقييمك ليها كاتكنولوجى و سيارة

و ال xtrail e4orce بتدي مدى و سرعة شحن البنزين و كمان أداء الكهرباء.. دي كده اتغلبت على اغلب عيوب البنزين و الكهرباء و استحوذت على اغلب مميزات البنزين و الكهرباء.. ولا إيه ؟

لكن مهم جدا توفر البنيه التحتية لنضج المنظومه كامله🌹

Hi Maged, your fb is down. How can I reach out to you?

عاوز اسأل حضرتك سؤال هل بكده العربيات الجديده اللي بتنزل من مرسيدس مثلا هتبقي كهرباء بس ولا بيعملوا ده وده

شكرا يا ميجو ... عسل والله

اسم الفاميلي بزنس بتاعكم ايه ...انت انسان محترم ونحسبك علي خير وتستحق ندعم البزنس بتاعك

Saic zhiji im LS7 car has a solid state battery . و نزلت بس للاسف غالية

بشمهندس صباح الخير ايه راي حضرتك في البطاريه اللي هيا حاله صلبة اللي هي الجديده يعني سنه اخر 24 ان شاء الله الصين حتنزل

مهندس ماجد إعملنا ريفو عن شيري تيجو 4

لما نوفر كهربا الأول للبيوت بدل القطع بالساعتين و التلاتة

طيب عند زيادة سعر الكهرباء المنتظر .. هل ستكون اوفر من البنرين 🤔

اقدر اشتري ايه كهربا دلوقتي في رينج مليون ؟

توفير البنزين هو اهم ميزة

يعني اي فكر في المدى بتاع العربيه؟؟؟

جرب كامري ٢٠١٦

ياهندسه انت نسيت ان اللى هيشتري عربيه كهرباء هيكون اكيد عندو واحدة بنزين وهو اكيد لما هيكون رايح مشوار طارء ميقدرش يثق ف الكهرباء انا معاك ومستنى ان الشحنه متكملش 10 دقائق والعربيه تكون جاهزة واعتقد ده استحاله يحصل انا في انتظار سيارات الهيدروجين

18:48 صعب نقول ان عربيات كهرباء هي مستقبل لأن لسه عندك عربيات شغالة او بتقبل وقود الحيوي وعندك عربيات غاز طبيعي الي بدأت تنتشر حول عالم وعندك عربيات هيدروجين الي لو طورت هتكون هي فعلا مستقبل وبدون منافس كل دول ممكن يكونو مستقبل خصوصا عربيات غاز طبيعي وقود الحيوي انا شايفها اكثر منطقة

صباح الفل ❤❤

❤❤

❤❤❤❤

كهرباء بلا شك لاغلب المشاوير اليوميه عدا السفر.

السلام عليكم بقالي فترة مش كبيرة بتابع حضرتك وللأمانه حضرتك من أفضل المقيمين للسيارت اللي برتاح لرأيهم لدرجة ابني الصغير سنتين ونصف كل ما يشوف حضرتك على الشاشة يقولي عمو وعايزني اشغل الفيديو وانا بقالي حوالي سنتين بتابع السيارات الكهرباء ومراجع كل تفاصيلها في سيارت حاليا انتاج الصين تنافس عمالقة السيارات من حيث المدي والرفاهيه بس قليل ما تأتي لمصر أرجو معرفة رأي حضرتك فيها ومن هذه الماركات IM LS

أفضل وأحسن شرح للسيارات الكهربائية وهذا يدل على الإطلاع والإلمام والثقافة العالية،كفييت ووفييت.😅😅😅

👍👍👍

كده اللي عايز يجيب عربية كهربا يستني لحد ما يتحدث انتاج البطارية او انه يجيب اغلي عربية حاليا زي بورش ويعمل حسابه انها له وللاحفاد .. زي اللي اشتري زمان اخر احسن موديل في نوكيا ومعاه لحد دلوقتي مايقدرش يبيعه لانها مش اندرويد

شايف مستقبل العربيات ف الهايبرد او الهيدروجين مش الكهربا خالص الصراحه

قطع غيار العربيات الكهربائية نجيبها منين

Tesla❤

من اوائل السيارات الكهربائية نيسان تحت ادارة كارولس غصن

بسيطة اعتبره فون انت بتحط فونك عالشاحن قبل ما تنام الموضوع بسيط جدا

❤👍👍👍👍👍👍👍

إن شاء الله لما تنزل البطاريات الصلبة الناس هتغير رأيها وهتلاقى انتشار واسع للسيارات الكهربائية

صباحووو❤

سوق المستعمل ......هبل في الجبل !!!!!! ولكن للامانة عدم استقرار العملة وسعر الصرف وضبابية المستقبل ...يظلم البائع والشاري على سواء... البائع لا يعرف يقدر قيمة سلعته بدقة والشاري لا يعلم متى الوقت المناسب للشراء!!!

طيب بالنسبة لثمن البنزين مش بيمثلك قلق - بالنسبة لمواعيد الصيانات مش بتمثك قلك - بالنسبة للزيت الي بقي مضروب في اماكن كتير وياما دمر مواتير مش بيمثلك قلق - بالنسبة للصنايعية الي بيسرقونا وبكل بجاحه ويعملوا شغل ميكانيكا غلط مش بيمثلك قلق - بانسبه ان كل صيانه لازم تروح تعملها في حته فير التانيه وتلف علي 3 4 صنيعيه عشان تحل مشكله تافهه ومحدش فاهم فيها مش بيمثلك قلق - العربيه الكهرباء مشتركه في بعض المشاكل دي لكنا ابسط عموما !

وبنسبة لتقنية e paowr

لما يبقى فيه باور بانك 😁او انه وقت الشحن اقل من ٥ دقايق ، او انه البطارية اغيرها واحده تشحن و التانيه معايا اتحرك بيها 😁… ساعتها نشتري قريبا يعني ان شاء الله و كده كده البنزين هيخلص هيخلص يعني ، فالعربيات الكهرباء مش روشنه ، لانه مش هبقى قدامنا غيرها لما يخلص النفط😅

مش هتعمل بقي يابشمهندس ZRv Honda

رشح عربيات كهربا طيب

انا اللى عاجبنى فيك انك مطلع على كل الاخبار العالمية هو فعلا فيه early adopters لأى تكنولوجيا جديدة بعيد عن التكنولوجيا اكتملت أو لا وبينجحوا اى تكنولوجيا جديدة مش عشان حاجة عشان هما car geeks لما يتشبعوا من التكنولوجيا بيتبقى باقى المشترين المحتملين (الناس العادية) ودول الأغلبية و بيسلخوا عايزين عربيات تحل مشاكل قديمة وماتعملش مشاكل جديدة وفى صراع دائر مابين الاتنين ليه؟ الناس العادية عاوزه ايه؟ نقاط شحن مش كفاية (لا) مدى سير قليل (انسى) البطارية بتبوظ بعد قد ايه (شكرا) البطارية مش بتتصلح (وليه وجع الدماغ) تمن البطارية كذا (ايه السعر ده لا طبعا) إعادة شحن بتاخد وقت قد كذا (هو انا فاضى) تمن العربية كذا (برضه لا) المسلخاتية دول هما اللى وصلوا العربيات الكهرباء للمرحلة المقبولة دى وهما اللى حايظبطوا الأجيال الجاية من العربيات الكهرباء تحياتى لك برافو عليك استمر

هي طبعا اكبر ميزا دلوقتي في شرا عربية كهربا هي سعرها......... بالاسعار دية بقت احسن اختيار لان رقم مليون و نص مهما كان طبيعي ولا لا بس مازال رقم كبير لاغلب الناس مش بس كده كمان العربيات الكهربا اكتر options و safety features بذات لما تيجي تقارن مع عربية بنزين بنفس الفقة السعرية. انما معاك حق مليون فالمية موضوع الشحن سخيف جدا و المدا فالاغلب صغير معادا موديلات معينة

Did u see Deepal S7? raheeba

ده وقت الhybrid

بمناسبة التسارع في فيدوهات بتقارن Tesla S Plaid بال Bugatti Cheron... الكهرباء تكسب وباقل من ١/٢٠ من السعر

يعنى بذمتك ممكن توقع واحده مرسيدس أى كيو زى اللى عرضتها واحده مستعمله ممكن تجيبها بثلاثين الف دولار يعنى تقريبا أزيد شوية من التيجو 😂

انا فكرتي دايما من اول ما طلعت العربيات الكهربا انها مجرد ترند سرعان ما سيختفي بالرغم من ان الحكومات و خصوصا الغربية تروج انها تشجعها بسبب مميزاتها البيئية بل و دعمت اسعارها بمنح للمواطنين لتشجيعهم على شراء السيارات الكهربائية لكن خلف الكواليس لن تسمح مافيا الدول المنتجة للبترول بإنتشارها و بالتالي زعزعة عرش السيارات ذات محركات الاحتراق الداخلي و خير دليل على ذلك عدم وجود بنية تحتية حقيقية منتشرة لشحن السيارات الكهربائية حتى في الدول المتقدمة ناهيك عن اسعار البطاريات التى لازال باهظة و ربما تكلف نفس ثمن السيارة. فلذلك ستبقى السيارات ذات محركات الاحتراق الداخلي معنا لفترة و ان كان من الممكن التوسع في صناعة السيارات الهايبرد.

الاجابة لا و لا بعدين حتى

انت حتخلي توني ومسامير يطلعوا يعملوا رحلة يلفوا مصر في الحر ده علشان يثبتوا انك متحامل وضد الكهربا وان وجهة نظرك غلط وانها خفيفة وجميلة وموفرة وبتجري وبتشحن في اي حته وان مالهاش مصروف هو السؤال اللي بيرفضوا يجاوبوا عليه وهو ان بعد كل الوش اللي شايفينه في السوشيال كام عدد السيارات الكهربا في مصر حتلاقيه لا يتعدى ٤٥٠٠ عربية

💜💜💜💙💙🤍🤍😍😍😉😉💗💗

اول

كمان كام السنه السؤال ده مش هيبقي موجود ... لإن مش هيبقي فيه عربيات بنزين اصلا؟

ايه السبب يعملوا عربيات الكهربا عزم موتور عالي ! و خامات عالية جدااا ! وفى النهاية سعر خرافي ! ياعمي اعملى فيات كهربا 😂 اعملي ڤيرنا كهربا اعملى عربية رخيصة تدخلني المود ، مش سلامو عليكووووووو انا العربيات الكهربا خدلك تيسلا بتلاتة مليون 😂

العربيات الكهربا مش مناسبة اطلاقا في مصر في الوقت الحالي لان ببساطة معنديش محطات شحن كفاية يعني بتجيب ١٪ بالنسبة لمحطات البنزين انا شايف اللي بيشتري عربية كهربا في مصر اخره يلف بيها في منطقته .. بيرمي فلوسه على الأرض

I liked test driving Honda ens1/enps but it is not from a ground up battery car,,does it still a good car compared to vw id 4 ev5 ,qin ev ???