المعذرة أخواتي والمعذرة من جارتي الغالية،،من التعب والكرف اللي انا مريت فيها هذا الشهر مشتريات الراديو المتنقل كانت من حبيبتي أم محمد،،بالغلط قلتها من مشترياتي،،،حبيت أعلق على نفسي قبل لا تجي واحدة تنقز لي هههههههههههه الله يسعدكم ويحفظكم ويجبر بخاطركم،،ولاتنسوني من الدعم الطيب وبالذات يالغاليات اللايكات ثم اللايكات الله يجزاكم الجنة والمشاهدة الكاملة ❤❤
نسألكم الدعاء لزوجي وكل مريض لعلها ساعة إستجابة، فالدعاء للمريض هو أجمل هديه له بالشفاء العاجل اللهم يا من تعيد المريض لصحته، وتستجيب دعاء البائس، اللهم إنا نسألك بكل إسم لك أن تشفي كل مريض، أسالك اللهم أن تشفيه، لا ضر إلا ضرك، و لا نفع إلا نفعك، ولا إبتلاء إلا ابتلاءك، ولا معافاة إلا معافاتك أنت الحي القيوم.......
أسأل الله العظيم الذي يسبح بحمده كل شئ ان يلبسه ثوب الصحة والعافية والعمر المديد يارب العالمين الصدقه الصدقة عنه لا تنسوا ابدََ قال الرسول صلى الله عليه وسلم ( داوو مرضاكم بالصدقة) ❤
ماشاء الله المطبخ مره حلو الوانه تجنن و مريحه و مرتب و منظم و اهم شي انو عجابنك و راضيه عنه و عسى خير يا رب و معذوره مسموحه شكرا دعاء آمين يارب ربي يسعدك يارب واستمري 💓
ماشاء الله مطبخ جميل مره وهادي بس بغيت اقولك سوي للفرن الغاز تحت شي يرفعه عشان يكون في مستواء الرخامه والمفروض يكون الفتحه حقته يكون نفس مقاس الفرن بس لعله كان خطاء من اخذ المقاس
صحيح كلامك القياسات للاسف ما اخذوها بالضبط وفعلا الفرن يحتاج له اعمل لها تحت شي يرفعه عشان تكون نفس مستوى الرخامه،،وهذي كلها راح تتعدل ان شاء الله والله يسعد قلبك حبيبتي على الافادة ❤️❤️
الف مبروك عليك المطبخ تتهنين فية يا قلبي وربي يبارك لك فية وتسوين فية احلا الطبخات والذ الحلويات احس اللون مرةحلووو بس الكمرة ضالمته بس عرف لونه من وصفك لة ونفسي في ذي اللون مرة يعجبني ونفسي اسوي مطبخي كذا بس ابغي اعرف هو صاج او امنيوم وفية شي لو ترفعين الفرن لحد الدولاب يطلع افضل
بنات حاولو ترفعو الايكات وتنشرو قناتها هي مسويه شى جديد ف البيت وتعبت عليه تستاهل انو نفرحها والله وخصوصاا امها جالسه تتعب ع قناتها خلونا نفرحها بالمطبخ الجديد ونرفعلها الفديو
هلا حبيبتي والله يسعد قلبك عالإفادة الجميلة بالنسبة المايكرويف لاتشيل هم ياقلبي،،في مسافة آمنة مابينها وبين المغسلة،،يمكن في الفيديوا مو واضح مرة،،،بس في مسافة كويسة مابينهم،،،وكل جهاز قبل لا احطها عملت حسابها والله يسعد قلبك على حرصك وتعليقك الجميل
اكيد حبيبتي بشتري وصح كلامك بتحافظ على الخزاين من الداخل،،بس اخواتي المتابعات كثير مستعجلين وكانوا على طلبهم انزل الفيديوا باقرب فرصة،،راح احط عليها البادات من الداخل واكيد راح اشاركم فيها والله يسعد قلبك حبيبتي ❤️
ماشالله تبارك الرحمن روووووعه المطبخ يفتح النفس وهادي وراااايق كم كلفك؟ ترى اضاءة الليد المفروض تكون جهتها ع تحت عشان تكون مريحه للعين❤ ان شالله فهمتيني
هلا حبيبتي الله يسعدك ويجزاك خير عالكلام الطيب اللي مثلك❤️❤️ ايه صح كلامك بالنسبة لإضاءة الليد يفترض يكون على تحت بس هذا الليد اذا كان عبارة عن شريط لاصق،،،بالنسبة لإضاءة الليد اللي انا مستخدمتها مو شريط لاصق،،اضاءة تثبت بالدريل ومثبتتها عالجدر نفسها هي تنفع اني اوجهها لتحت بس بشرط اذا ثبتها على أطراف الخزانة العلوية،،،وانا الصراحة خفت على خزانة المطبخ وبالذات انها جديدة كمان فقمت ثبتها على الجدر وبالنسبة المطبخ كلفني ٥٠٠٠ريال،،هو سعرها الاساس ٧٠٠٠ بس هذا الرجال صديق زوجي وعملنا هذا السعر الخاص
الله يهنيك بمطبخك ويبارك لك فيه بس انتبهي للتذكير والتأنيث بكلامك مثال لما تقولين المطبخ تعجبكم الفيديو سويتها الاصح تقولين المطبخ يعجبكم الفيديو سويته لاتزعلي من ملاحظتي اختي حبيت انبهك عشان اللي يسمعك مايتضايق الله يوفقنا واياك
ياهلا ومسهلا فيك حبيبتي والله مع الاندماج في الكلام ننسى بس ماتوصل لدرجة المضايقة والله يبعدنا عنها يارب ولاتشيلين هم مافي زعل ولاشي والله وتعليقك في منتهى الذوق الله يحفظك حبيبتي
الله يسعد قلبك حبيبتي على كلامك الطيب❤️ نوعية الفينيل اللي اخذتها فينيل متوسط الملمس،،انتبهي تاخذين الفينيل الناعم مرة او الخشن مرة،،افضل شي المتوسط وصناعته فينيل بلجيكي