وسائد هوائية فى أرضية سيارة مرسيدس لتقوية الفرامل وتخفيف حدة الإصطدام فى الحالات الطارئة
منقول من كارتيرة - Cartera
ارجع معانا بالزمن كدة لحد 2009 وشد الهاند واتقل لحد ما تقرأ النقطة grin رمز تعبيري
أصل عربيات السباق لما بتحب تفرمل جامد بتفتح باراشوت يساعدها في الفرملة .. والبوجاتي فيرون بتوقّف الـ Spoiler بتاعها كدة في مواجهة الهوا فبيساعدها برضو .. والسفينة لما تبقي عايزة تقف بتروح رامية البتاع التقيل فحت دة عشان يثبتها في البحر .. لكن احنا يا عيني يا اما عندنا فرامل بس يا اما معندناش أصلاً زي الصني كدة tongue رمز تعبيري
اقفش بقي في الأخيرة دي, مرسيدس قالتلك احنا هنعمل شغل قباطين, كدة كدة عربياتنا الـ S Class شايفة الطريق قدامها وعارفة في عربيات ولا الطريق فاضي .. انت بقي لو ماشي عالطريق بسرعة كبيرة وفرملت جامد أوي مرة واحد, مرسيدس هتبص قدامها تلاقي الطريق فاضي؟؟
هتسيبك تفرمل بفراملك العادية دي وتقولك نهارك أبيض يابا!
بس لو قدامك عربية وهنلبس خلاص, بتروح ضاربة Airbag من تحت العربية بيعمل حاجتين:
1- من تحت فيه مادة بتعمل احتكاك جامد مع الأرض, بتديك قد قوة فرامل العربية .. يبقي انت أهو في وقت الحاجة معاك فرامل العربية + فرامل الايرباج دة = قد فراملك مرتين grin رمز تعبيري
2- لما بتفرمل جامد انت والناس اللي معاك والعربية وزنكم بيترمي لقدام, اللي يلبس في تابلوه بقي واللي يتكسر علي دماغه ازاز :'D
بعد الشر يعني, بس هما برضو عايزين يقللوا الخطر دة .. نفس الإيرباج اللي فتح دة هيرفع وش العربية 8 سنتي .. يبقي تقريباً انت مش هتترمي لقدام زي العادي عشان العربية نفسها مش هتكون رامية وزنها قدام grin رمز تعبيري
ويمكن كمان مرسيدس عايزاك تموت بمزاج يعني, لو معاك نيسكافيه ولا حاجة وحبكت خلاص تاخد بؤ وانت بتموت تبقي بتاخد البؤ بمزاج كدة من غير ما يتدلق عليك ويبهدل الشاكيتّة grin رمز تعبيري
التكنولوجيا دي اسمها Mercedes Braking Bag .. بيجربوها من 2009 ومش عارف هتطلع للنور امتي دي
17 мар 2014
