وفر 90% وانت بتغسل العربيه SAVE 90% while washing your car 

ماشاء الله سلمت يداك

عليا النعمة انت ربنا بعتك لينا من السماء ..علشان فى ناس بتعمل نفسها فاهمه وهم مايفهموش حاجه خالص 👍👌💪

ياحبيبي غسيلك غلط اول شي لازم ترش السياره كامله ماي عشان ينزل الرمل والغبار الي عليهاا كامل عشان ماتتشمخ البويه مع التنظيف !! واشكرك يالغالي وتستاهل الايكك ! اخوك من السعوديهه

واللهي انا بألمانية وعم ادرس ميكانيكي سيارات وعم تابع فيديوهات الاخ المحترم عصام غنايم لغاية التعلم يعني الاسلوب اللي بيشرح فيه الخطوات العلمية واسلوب العمل تاعو زي الألمان بالضبط

السلام عليكم يا باشمهندس انا محامي مصري مقيم في قطر ودايما اتفرج على فيديوهاتك قبل ما احط ايدي في سيارتي. جزاك الله خير انا استفدت كتير من حضرتك وصلحت عربيتي ليكزس بأيدي ...

بقالى 14 سنه مع العربيات والسواقه خلتنى احبها اكتر تسلم دمياط بلد الرجاله

بالمغربي اقول لك تبارك الله عليك راقي و متواضع و مصري اصيل الله يحفضك لاسرتك و اولادك.

مجهود موفق.. ولكن انا عندي وجهت نظر مختلفة شوية احب اقولها وياريت تتقبلها اعتبرها وجهت نظر مني مش اكتر. اولا : البريل او الجيل او اي كان نوع الجيل اللي حضرتك بتستخدمه هو فعلا بينظف ولكن بيفضل لازق بيحتاج اكثر من مره علشان يدوب خالص ، كمثال مثلا لو اخدنا نقطه بريل علي الايد هتحتاج من 3 ل 4 مرات غسيل علشان يروح تماما من الايد ، و بالتالي الجيل مش هيروح تمام من علي العربية غير لما تغسلها كذا مره و هنا هتحتاج تهدير اكبر للماء و غسيل اكبر. و وجهت نظري هنا ان احنا نعسيل بشور جيل بتاع الايد لانه مجرد من اول مره الصابون في ايدك كله تماما بينزل في لحظة + انه بينضف و بالتالي مجرد ما هتغسيل العربية بيه و حبة ماء صغيرين جدا.زي ما حضرتك بتعمل في الفيديو هتقوم بالغرض تماما و علي اكمل وجه. .. ثانيا الفوطه الزفرة بتاعت السايس بنقول عليها غلطت علشان بتعمل صنفره للمعه بتاعت العربية تخيل حضرتك المقشة الناعمه دي هتعمل ايه !! طبعا المقشة الناعمه دي مره مع مره هتعمل دوائر و خربيش في العربية و هتضيع لمعة العربية تماما و الفرشة لوحدها كفيله علي عربية من الزيرو في سنه تطفي اللمعه بتاعتها. .. ووجهت نظري نجيب 2 فوطه ميكروفيبر واحده خاصه بالغسيل و واحده خاصه بالتنشيف. .. و اسف للاطالة وياريت تتقبل وجهت نظري. بالتوفيق لينا جميعا

يا بشمهندس عاوزين طريقه تلميع وتشميع العربيه ... عاوزين طريقه للفرش الداخلى .. التعطير والعنايه الكامله ... بطريقتك التحفه ... وتسلم ايدك بجد ... من نجاح لنجاح دايما

حضرتك افضل حد شوفته غسل سيارة بجد ربنا يبارك لك في اولادك وامك ويوسع عليك لكن عاوزين غسيل الجيب من برا وجوه ديما في تقدم تحياتي

الله اينور...بينى وبينك الايام اللى احنا فيها دى ايام تقشف وعوزه اللى يختسر فيها فى كل حاجه

كمل يا هندسة الاسعار بقت غالية نااار و بتوصل ل 40 جنيه هنا فالقاهرة و ان مكنتش تفضل ماشي وراه ميعملهاش كويس و كله اي كلام احسن حاجة الواحد يعمل حاجته بنفسه و مفيش حد هيهمه عربيتك غيرك مشكوووور مجهودك العظيم دا يا بشمهندس بستفييد منك كتير قوي ربنا يجازيك خير ان شاء الله

بارك الله فيك ياليت تسوي سلسلة لتنظيف السيارة وحمايتها من الداخل والخارج وبعض النقاط اللي نتجنبها اثناء الغسيل وكيف تحمي طبلون السيارة ومقاعد الجلد وهكذا

فعلا لما تغسل سيارتك بنفسك بتكتشف خدوش و تقشير بويا و أحيانا صدأ او ضربة جديدة مش مبينة....والله كلامك دهب يا باش مهندس ....واحيانا عمال المغسلة بيلاقو غرض بين الكراسي او ورقة انت مضوعها من زمان بيكبو او بياخدو....انا حرمت اغسل بالمغسلة الا الغسيل العالي.....مشكور أستاذ عصام👍👍👍

بصراحه انت راجل محترم يا ريت تجيب كمان غسيل العربية من جوه

السلام عليكم يا برنس اخوك نايف الحربي اول خطوة غسيل السيارة في الماء بحيث نتخلص من الرمل والغبار لان اذا نغسل العربيه على طول راح يبوز علينا البويه الرمال والغبار معد الدعك وشكرا وتقبل مني جزيل اشكر وانا من اشد المعجبين لك وفي القناة اتمنى لك التوفيق

بجد انت راجل محترم جدا وبتعلمنا حاجات مفيده وأنا من اشد المعجبين بحضرتك

انت فعلا كنز يا باشمهندس و كل حلقة فيها معلومة مميزة ... ممكن توضح لنا حل لمشكلة التجيير التى تظهر عقب جفاف السيارة بعد غسلها و خصوصا فى الالوان الغامقة ..اقترح حلقات لشرح مكونات مواتير السيارات المختلفة

بشكرك بجد أستاذ عصام ..وياريت طريقة تنظيف صالون السيارة بس صالون عادي مش جلد مع تنظيف السقف وكيفية تلميع التابلوه بدون ضرر..مع جزيل الشكر لحضرتك

كل ما بشوف استاذ عصام افتكر ابن البلد الأصيل الجدع. مش عارف ليه بيديني الانطباع ده دايما.

كل شي عملته صح الا البدايه انا اشوفها غلط لان الاتربه والاوساخ لازم تسوس لها تزييت للسطح ترش فوم على البدي او ماء وصابون بشكل خفيف علشان يفكك الغبار وبعدين تنزلهم بماء علشان ذرات الاتربه ما تخدش طبقه اللكر او الورنيش ولا باقي شغلك ماشاء الله عليك

ما شاء الله تبارك الله لا قوة إلا بالله انا استفدت كتير جدا من الطريقة دي والسهولة دي في الغسيل ، وياريت تكمل باقي حلقات الاعتناء بالسيارة بالكامل.

المشكلة أن رشك للماء بهذه الطريقة يبقي الصابون على جسم السيارة ( بعكس المغاسل تحصل عندهم مكينة غسيل براشر) بقاء الصابون بسبب تلف على المدى البعيد لصبغة السيارة.... السؤال: هل غسيل السيارات في مصر غالي؟؟؟

ممتازة فكرة التوفير في المياه المستخدمة في غسيل السيارة، تحياتي.

مشكورباشمهندس وياريت تعملنا حلقه على تلميع السياره

ممتاز كالعاده وياريت نشوف حلقه عن نظافة السياره من الداخل وغسيل السقف خصوصا للفرش القماش

استمر وياريت تعملنا حلقه لنظافة العربية من جوه

ماشاء الله ربنا يباركلك ياريت تكمل سلسله الاعتناء بالسياره

الاحترافية. في تسريع الفيديو من أجل الوقت والمشاهدين ماشاء الله أستاذ غانم

الفرشه دى تجرح البويه طبعا مهما كانت ناعمه

شكرا علي الشرح الجميل واتمني من حضرتك انك تكمل باقي السلسه وخاصة كيفية العنايه بالتابلوه الجلد بتاع النوبيرا وما شابه وكذلك فرش الابواب . وشكرا مقدما ...

والله يا بشمهندس عصام انت افدتنا كتير جدا و ياريت حضرتك تعمل مواضيع عن عفشة السيارات جزاك الله كل خير

الله ينور يا عصام بيه وريت تكمل السلسلة ديه لاني من للناس اللي بتحب تعمل حاجتها بايديها

عملت بطريقتك والعربية رجعت زيررو انا متابع كل فيديوهاتك شئ رائع استمر 👏

اسمحلى اقولك يامعلم انا بعشق السيارات والميكانيك. وجزاك الله خيرا. على المعلومات القيمة

مع كل الاحترام انت عملت كارثه لبويه السيارة مبدئيا احب اوضحلك بعض النصائح الهامة جدا 1- ابدا بغسيل السيارة بالمياه لازالة الاتربة لانها بتعمل دواير وخدوش لبدن السيارة ومع الوقت والشمس بتعمل تاكل وبهتان 2- تجيب 2 جردل مياه واحد فيه ميه والثاني مياه مزود باى نوع شامبو مخصص للسيارة لان حضرتك منتجات غسيل الاقمشة وومنتجات غسيل الاوانى مضرة جدااااا لبدن السيارة بتعمل جير وتاكل 3- ممنوع استخدام اى فوط قطن او قماش لان عند الغسيل هتعمل دورانات فى بوية السيارة ومع الوقت القصير بهتان لزالك ينصح باستخدام مايكروفايبر ونوع معرف 3- مفيش حد بيحط مقشة على العربية دى كارثة بجد 4- ينصح بعدم الغسيل بعد مشوار للسيارة لان الطنابير بتكون سخنه مع المياه ممكن تعمل تعريجه 5- ينصح بعدم الغسيل للسيارة فى الشمس لانها بتتفاعل مع اى مادة صابون 6- انصح حضرتك بانك تشوف فيديوهات عن غسيل السيارات باحتراف واهم الاخطاء للغسيل لان حضرتك حرفيا اتلفت بويه السيارة اسف على الاطالة وشكرا

خطأ كبير لازم اول شي تشيل الغبار وبعد كذا تبدأ بالغسيل

تسلم إيدك يا هندسه أنا فرحان عشان أول مره أكون بعمل حاجه إنت بتعملها والحمد أنا بعمل نفس إللي عملته ده كل فتره

والله انت انسان محترم جزاك الله خيرا وجعل كل هذه الأعمال والنصائح التي تقدمها في ميزان حسناتك بإذن الله شكرا يا باشمهندس عصام

تعديل طفيف فى حديث الرسول اللى قلتو ف اول الفيديو الحديث هو (لا تسرف ف الماء ولو كنت على نهر جااار ) صدق رسول الله صلى الله عليه وسلم

انا بسمعك من زمان وانتا حد محترم وياريت تكمل سلسلة الاعتناء بالسيارة

شكرا ليك والله يا بشمهندس والله انا قبل ما ادخل كنت بقول عادى غسيل عربيه عادى بس اكتشفت حاجات الواحد ماكنش واخد باله منها

والله العظيم انت معلم اصلا من غير اي حاجه

اسلوبك رائع جدااا . كمل يا معلم اخوك من السعوديه اتابع جميل الفيدوهات الله يوفقك .

مشاء الله عليك انا بغسل متسكلنه بي الكميه دي بظبيط بس دي عربيه انت خلته تقدي وزياده مشاء الله ربنا يوفأك

ماشاء الله عليك ربنا يباركلك يا رب و يا ريت تكمل السلسلة كلها للافادة

ماشاء الله ... مستنيين تكمل ......

حمستني انه اصير اغسل السياره بنفسي 😊👍🏻

ماشاء الله ربنا يزيدك علم ويبارك فيك بجد استفدت جدا

شغل موفر وجميل بس حضرتك فيه مضخات بتشتغل علي حنفيه البيت لان بيكون احيانا فيه وسخ بين الصاج وكوتش حرف الزجاج وكمان الفجاوى اللى فوق العجل مهم جدا ننزل الطين اللى بيكون معلق فيها وكمان الغسيل كدا علي الناشف التراب بيجرح السياره وجزاك الله كل خير على كل ماتقدمه لمنفعه الناس

الله ينور ياهندسه. .واكيد مستنيين باقي السلسلة الخاصه بعناية السيارة

انت بجد حد محترم جدا وانا بحب فديوهاتك جدا وبتابعك من بره مصر استمر ربنا معاك ...

استمر استاذ عصام. ومشكور على التنويع والبساطة إلى تقدمها وزادك الله علماً

مجهود ممتاز مهندس عصام .. ياريت حلقة عن غسيل سقف العربية من جوة . وياريت يكون نوعية السقف اللى بي يوبر .. جزاك الله كل خير

ماشاء الله عليك يا استاذ عصام انت انسان رائع فعلا وكل مواضيعك مفيدة والاهم انك متواضع و محبوب استمر ياكبير "ياكيدهم" وياريت تعمل موضوع تلميع السيارة

ماشاء الله الله ينور عليك ياهندسه دايما بتعلم منك وربنا يجزيك خير

تتر مقدمة القناة فى حد ذاته تحفة ..

شكرا على الحلقة الجميلة والرجاء استكمال باقي حلقات الاعتناء بالسيارة وايضا الرجاء عمل حلقة خاصة بكيفية تشحيم السيارة

الله ينور ياهندسة كمل سلسله التنظيف وعايز حلقه عن الفرق بين الزينون والليد وشكرا

بارك الله فيك وزادك نجاحا وحكمة وذكاء، اتمنى لك كل خير، حاليا نحن نعرف بك وبقناتك، حتى يستفيد منك الكثير من الناس. اسماعيل هبة من الجزائر.

ممتاز ، بنتعلم منك كتير ، وياريت تكملنا سلسلة الاعتناء بالسيارة. شكرا جزيلا أخي

الله ينور ياهندسة و ياريت باقى السلسلة و جزاكم الله خيرا

مستنيين بقي ياباشمهندس تقيبم حلو كدة للدايهاتسو سيريون

يا أ عصام اسلوب السهل الممتنع ده يعني ... معناه انك تشوفه ساهل لكن هو صعب زي سؤال في الامتحان حسه ساهل لكن ماتعرفش تجاوبه صح ... لكن معني تعبيرك ده انك عاوز تقول ان شرحنا سهل .. فده مش معناه السهل الممتنع

شكرا ع جهدك معنا ولسه بنستنا حلقه عن محركات gdi لهيونداي افانتي 2012

و عجبنى أوى السامو عليكم فى الآخر مع انى مسيحى .. الى الأمام يا برنس :D

تسلم و الله يا استاذ عصام ممكن حضرتك تبقي تقول على طريقه تنظيف صالون العربيه بالكامل و السقف و التابلوه لو سمحت

الله على رواقة الدمايطة :) تسلم ايدك يا هندسه

الله ينور عليك ويزيدك علم ومعرفه يااارب عايزين طريقه تنظيف السقف بتاع العربيه برده يا هندسه

تسلم ايدك حضرتك انسان محترم و تستحق كل التقدير والاحترام

الله ينور عليك يا هندسة ارجو انك تكمل تنظيف العربية من الداخل وجزاك الله خير

ممتاز جدا وشرح بسيط وسهل جدا ياريت استكمال باقي السلسله

جزاك الله خيراً وجعل ماتقول في ميزان حسناتك واحتسب أجرك على الله

فى انتظار باقى سلسلة تنظيف السيارة خاصة من الداخل

ياريت يا باشا تكمل ❤❤❤❤❤❤❤

رائع وياريت تكمل السلسله انا بتعلم منك

دائما أستاذ. برجاء عمل حلقة عن كاوتش السيارة أهم حاجه فترة الصلاحية وتاريخ الإنتاج كيفية معرفته ورتفاع وعرض الكاوتش عن الأرض ماذا يسبب

ماشاء الله. شكر يا مهندس الغالي. من مقديشو في الصومال

جزاك الله كل خير ياأستاذ عصام على هذه المعلومات القيمة بس ياريت بعد اذنك تعملنا حلقة عن تلميع السياره وازالة ما بها من خدوش عميقة وسطحية

الله ينور وطبعا تكمل السلسله (احمد الجمال)

انا نفزت الفكره ديه وريحتني جدا ووفرت معايا في الوقت والمايه كتير جدا

تسلم ايدك يا استاذ عصام مش جديد عليك الحاجات دي ياريت تكمل باقي الاعتناء بالسيارة من الداخل و بالتوفيق من أفضل لافضل أن شاء الله

استاذ العصام التراب على البويا لو مسحته حيجرح الطبقة الخارجية وأيضاً الفرشة لذلك يجب ازالة التراب بضغط ماء قوي

حلوه موضوع الحماميه بينى وبين. عربيتى،،،،،،، بحبك في اللة

بارك الله فيك يا باشمهندس انت راجل محترم

الله ينور ياهندسه بس لازم ازاله الأتربة بالماء دون فرشاة قبل استخدام الصابون

انا سمعت ان غسيل العربية بمواد تنظيف الاطباق والملابس وماشاباه بيضر بلون العربية مع الوقت والافضل شامبو غسيل السيارات.

مستنيين حلقات تنظيف فرش العربية

ياريت حضرتك تكمل سلسلة حلقات الاعتناء بالسيارة

حلقه ممتاز ياهندسه ربنا يعنك ويخليك انت رجل محترم ربنا يبارك فيك

برافو ابداع بجد نرجو تكمله سلسله الاعتناء بالسياره

تسلم ايديك و ما شاء الله ربنا يباركلك في عربيتك

الله ينور عليك يابرنس تحياتى من اكتوبر تسلم ايدك،،،

جزاك الله عنا خيرا أخوك عبد الحق من المغرب من أكثر معجبيك إستفدت كثيرا من حلقاتك بس ياريت تعمل لنا حلقات عن سيارات أخرى هي المستعملة كثيرا عندنا في المغرب مثل رونو بيجو وفلزفاكن

بسم الله ماشاء الله عليك وعلي بساطتك والله هايل يا عصام بيه

فيدو رااائع يابشمهندس عصام ياريت بقى فيديو عن غسيل العربية من الداخل والقضاء على البقع اللى على الفرش وجزاك الله خيرا

يا استاذ محمد عايزين سلسلة النظافة بالسيارة

الله ينور ياباشا كمل الحلقات وخصوصا نظافة الفرش القماش الداخلى وفى انتظار تقييم اكسنت RB

تسلم الله ينور عليك فكرة ممتازة بارك الله فيك

شكرا يا باش مهندس عصام ومن تقدم لتقدم جزاك الله خيرا