والله كنت انسانة مهملة في بيتي وفجا دخلت في هذي القنات رني نحس روحي انسانة جديده سعيدة نضمت بيتي احسن تنضيم خلال اربع اشهر اختي حسنه ربي يحميك من كل شر
يا ربي ويا اميمة الحنينة ادعيلي ودعولي لوليدي عندو تاخر ونتبعلو عند الطبيب بصح عييت وعياني معاه ميعرف والو قد ما درت او قد ما جريت بيه قلت قليل ادعولي نكمل ونلحقو وين راني حابه
ياأختي حسنة وياأم حسنة إدعو معيا ينجح في سنكيام باش يفرحني و يفرح بباه راه في سجن وادعوال يطلق ربي سراح تعبت وحدي من مسؤو لية ومن القفة قلو أمين ربعين دعوة غريب مستجابة
السلام عليكم انا وليدي معندوش التركيز راه مهبلني كل حاجة جربتها فيه والله معرفت واش اندير معاه ادعولو ربي يوفقو وينجحو هو وكامل الي راهي تقرا وانتي ياميمتي ربي يخليلك صحيحتك ان شاء الله
انا و الله غير عندي طفل واحد يقرى سنة رابعة ابتدائي مااأأاااااااايحبش يقرى بتاتا وانا حاطة كل حياتي بين يديه والله ما نخليه راني قريب ندخل معاه للقسم المعلمة نغيضها على تعبي وهو والو متحبش يتجاوب والله راجلي سمحت فيه داري كلش مرانيش مليحة واش ندير ادعو معايا
سلام حسنة الله يعطي ليماك حجة والجنة سمعتها مليح مليح وكامل نصائحها دخلت لراسي ونعمل بهاانشاء الله وربي ينجح كامل ولادنا امين يا ربي العالمين وقلي ليماك تدعي لي باش يكون عندي دار على خاطر كارية وعييت من الكراء
ادعو ربي ينجحوا وليداتنا كامل ماشي نكونو انانيين غير ولادنا هذا خلانا نتاخرو كثير ليس الخطأ من التلميذ فقط تاني المعلمين والأساتذة لازم نهتم باولادنا ولكن يا امي الحبيبة احنا نعاونو ولادنا لكن المعلم هو الأساس انا معلمة الحمد لله التلاميذ حبو الدراسة مني انا وما كانش عندي الي ما ينجحش الحمد لله نحلل دراهمي لكن خرجت تقاعد مسبق راني نعاني من المعلمة فعلا كاين لكن ما نهدروش أمامهم يا خواتاتي اهتمو باولادكم لان المعلم نتاع بكري راح للاسف وشكرا
ماشاءالله على الصوت الحنون و الرزانة و الفهامة ، فيديو رائع و محفز استفدت بزاف أفضل من أني نتفرج حصة يقدموها مختصين، جزاك الله خيرا وانشالله تكترونا من هدا النوع من الفيديوات
بارك الله فيك حسنة و ربي يحفظلك ميمتك والله افادتني كثيرا كان خاصني معلومات كيما هادي إنشاء الله نطبقها و ربي يجعلها في ميزان حسناتك أنت و الوالدة و شكرا
يطيك الصحة اختي حسنة على هذا الموضوع نقولك الصح كي شفت العنوان تاع الفيديو ديالك تحمست و كي شفت بلي الام الكريمة لي راح تقدموا زدت تحمست اكثر و كي ختمت بالدعاء شوكتلي لحمي ربي يبارك فيك وفيها وربي يشدهالك
والله الصوت نتاع الام الكريمة ملاك ،نتمني انك ساعة علي ساعة تكلمنا في مواضيع مختالفة وخاصة العصبية مع الاولاد ونتمني انو يكون الموضوع في اقرب وقت ،تحياتي ليك اختي الكريمة وللام الغالية ،شكرا
ادعولي يرزقني ربي بدار نتجمع فيها انا وأولاده عندي غرفة النوم وحده ادعولي الله يهنيكم عندي ثلاث اطفال دعوة الغريب مستجابة وجميع المسلمين انشالله. . . . باركة الله فيك وجزاك الله كل خير انشاء الله امممممممين
سلام عليكم يالحبيبات رلي ينجحلكم وليداتكم نداء لكل ليشافت تعايق تاعي تدعيلي لوليدي والله قلبي راه يتقطع عليه موفرتلو كلش ومايحبش يقرى عندو لعام لجاي الباك وانا عندي غير هو وبي ركبت لروحي لمرض على جالو ادعولو ربي يهديه ويفرحني هذا ماني نستنا من ربي
ولادي كانو هما لولين وكنت حتي المطلخ وفت الاختبارات نغلقوا ومنقطعة على الكل. رفدوهم فى الفم اولادها قراين لكبير وصل لبا ك وعاود ٣ مرات ولم يتحصل عله وانا تعقدت من الى يقرا فى الصغر والثاني بالرقية والحشوات والدعاء تحصل على ١٠ معلهش حمدت ربي المهم تحصل عليه ودرك عندى لنات ملي كانو. صعار ات من ا الاولات والله كرهت لما تجي نتائج نحاول. نقص فى المعدل ناقاهم همت سقساو وعلابلهم قبلي المشكل. انو لمت تسكنى قريبة من الاهل يعسو ولادك ولدي صغبىر قىتلو اطلع. برك حتى للباك وزير روحك بلاك يعوصي فى حلمي الي ضاع مع ابناىي لولبن. و المهم الصحة و الصلاة والرزق على ربي والاهم الام تقوم بالدور نتاعها وربي ينجح ولبدتنا كل
ما شاء الله تبارك الرحمان فكرتيني في ميمتي العزيزة الله يرحمها والله عندي ابني يقرا السنة الاولي صح لقيت معاه صعوبة بصح راني معاه غير حبة حبة الحمد لله وشكرا جزيلا علي النصائح والله انا ارتحت من هذا الكلام من غير ابني ربي يجازيك الخير حبيبتي ممكن اقولك امي انا محرومة من كلمة امي
شفتي إذا بنتك في الابتدائي ماتسحسيش بزاااف بصح يلحقوا للمتوسط كارثة .وقتهم كامل يروح مع الكراس والله معظم الويكاند نحب نروح لماما ونولي نبطل نقول نقعد معاهم يحفظو وخلاص مام نوضهم صباح مع الفجر كيفكيف مالقيش حل معاهم كل عام يرقدو بالكراس وينوضوا بيه تقول راح يفوتو الباك.