عليك بالحجااااااامة ثم الحجااامة نعرف لي عانت من هذا الأمر و الدواء مادام والو حتى ولات تدير الحجامة كل شهر مع لسعات النحل في البطن جهة الرحم و المبايض و ربي يرزقك اختي و ماتنسايش الصدقة و لو بالقليل خاصة إطعام الطعام
زوجي مرات يزعق تع نعاود الزواج نقوله عاود بصح أنا ندبر راسي في حياتي يعني مخليتهاله كغموض بصح الحمد لله عندي البنت والولد وماندخلهش الفكرة في راسه ونتي جيتي غي سبة عليه هو بروحه كان باغي ماتلوميش روحك ربي يفرحك بوليد تان نتي يارب .نظن مكاش وحدة ماعقش معاها راجلها بهاد الكلمة بصح لي يكون من نيته ما تشدهش مرته ماتلوميش روحك ختي ❤
صاحبة القصة هذي العقلية تاعك بزاف منتشرة في النساء التبهليل انتبهوا الراجل لكل النقائص حتى هو يكون مشي منتبه انتوما تالمون تندبوا على هذا النقص حتى هو يولي ينتبه و يولي يحوس على مخرج منك يعني انتي كنتي عايشة لاباس عليك كعادتي تنكدي على روحك حتى نبهتيه باللي هو معندوش ذراري و راه ناقص بلا بيهم دروك اشبعي بزاف كما هاك نصيحة مهما يكون عندك اي نقص حتى لو كنتي عقيم ابدل ما تبينيش ضعفك روحو اخرجو حبسوا حسيبه دايما انك مرتاحة و فرحانة بعمرك و مقتنعة بروحك صدقوني هذي الغلطة للأسف بزاف يديروها
لا تحزني😔 كل ماحدث كان مكتوب في علم الغيب عند الله عرضك الزواج على زوجك ماهي الا حجة تأكدي ان الامر كان ايدور في راسه ومصر عليه ومقتنع بتنفيذه من قبل ماانت تفاتحيه فالامر لكن كنت القطرة الي افاضت الكأس والدليل ماستناش حتى انت تحوسي له على بنت الي انت تقتنعي بها ودخليها لدارك به تجيب اولاد انما بسرعة راح خطب واكيد كان موجدها من قبل في ذهنه وماقدرش ايصارحك وانت سهلتي عليه الخير الي عملتيه انك فرحتي بنتك وجبتيلها سند عندها اخوة
حبيبتي الراجل ما بيه لا أطفال ولا أولاد و لا بنات ولا والوا بيه النساء و خلاص المهم الرجل خداع مهما كان طيب ولا يبينلك الحب مهما طال الزمن ما يتامنش بتاتا
انا نشوف شي جيد لى درتى وان شاء ربي يجازيك على العمل نتاعك ومدام راه عادل بيناتكم جيد وماشى نكار تلخير مع الوقت تولى تانية عندو عادى المهم صحتك أختى صح انا افضل عدم سكن الضرة ف نفس البيت ربي يعينك
شوفي هو صبر 14 سنة ونتي الملايكة نطقوك وربي هو لي سيرك باش تعطيلو الفكرة وربي جازاه على صبرو بلاك كان يدعي بزاف ربي عالم بكل شيء وزيد عطاه ربي وحدة ماشاءالله على حساب نيتو وزيد هو انسان عادل بيناتكم شفتي ربي كيفاه يفرج على عبدو سبحان الله
يبقى مكتوب ربي ، ما عندك ما ديري ختي ، سلمي امرك لله لقوله تعالى " و عسى أن تكرهوا شيئا و هو خير لكن "، ما تعرفي يا ختي واش مخبيتلك الأيام، ربي يكون معاك يا ختي
أ نا شحال من مرة نقول لراجلي تزوج جيب وحدة تقوم بيك وبدار بدراري خطرش أنا مريضة بالسكر وساعات نعيا وو لادي صغار هو يقولي انا مستعد نخدم برا وفدار علاجك المهم نشوف الدبدوب تعي تضحك وفرحانة
هذا كان يستنى الضوء الاخضر من عندك كيفاش لقاها بهذه السرعة اكيد كاين خلفية ماتعرفيهاش استعيني بالله وفوضي امرك لله وربي يتولى الصالحين قل لن يصيبنا الا ما كتب الله لنا
سلام اختى كل هذا مقدر ومكتوب من عند الله ان شاء الله تعيشو فى سلام ولعلى وعسى نيتك الطيبة ربى يرزقك الذرية والمهم اهتمى بنفسك وبصحتك وعيشى فى سلام وطمئنى
حقيقة كاين زوجة ديما كي يقولها راجلها نروح نتزوج ب ضحكة تقوله اتزوج اذا لقيت لي تقبل بيك و قالت نقعدو نضحكو .دارت ليام و تزوج و جابهالها للدار و حطها امام الامر الواقع و قالها هاني لقيت لي تقبل بي .اياك صح تضحكي في هاد الصوالح
السلام عليك اختي صفية يا اختي ربي كتبلك ضرة مش انتي مين قلتي لا واصلا كانت في راسه تحوم فكرة الزواج متقنطيش روحك المهم زوجك مهملكش ومقاسكش انتي وبنته الحمد لله على كل حال
يعطيك الصحة حبيبتي راك هديتيه امرأة على طبق من ذهب اندبي سعدك ❤اللي دارهابيديه يفكها بسنيه❤غي امرأة تأمن الرجل؟!!!!¡!!!!!❤راه كان ناوي عليك قبل ماتجربيه❤متخافيش صفية رانا معاك للاخيريسنياليوبراحتهم رانا معاك باللجام❤
سبحان الله علاه يقولك ماتقوليش مانبغيش نحمل الدراري حتى نكمل خدمتي خليها على ربي في الحمل .وخاصة بعدما جريتي على الدراري وماكانش علاه دخلتيله الفكرة في راسه تع الزواج ? وقنعتيه بيها وحتى هو جاته كي العسل على قلبه وماصدق !!!!!
ما تلوميش روحك خلاص عند روحك انت لي دفعتيه للزواج، والله راكي نية كون جا صح مبقي عليك عمرو ما يعاود زواج حتى كون تحاوليه، مالا راه معول نت برك سهلتيلو هادو هما الرجال كييزيدو يكبرو يزيد يحلالهم الزواج
انا اللي محيرني ،هذوك النسا اللي يقبلو يتزوجو براجل عندو مرا 🤔🤔🤔 تقبل تكون زوجة ثانية ،وتبرطاجي راجل 😔😔😔 نقبل كلش الا هذا 😁😁 موحال على ما اظن هذي سبة برك ،مام لوكان مقلتيش لو ،راح يتزوج ،متلوميش روحك
😂مظحكيني نساء لي تقولها انا وانا والله ☝لو في قدر ازواجكن يعاود والله تتحايلي مثل ماتحبي يعاود سيك يعاود برك احمدي ربك وبركاو خرطي انا وانيا 😂لانه الله لم يرد وليس ذكائكن وشطارتكن من منعت اعادة زواج ازواجكن عليكن الخارق الظاحك 😂😂 وهي كانت ثايقة في نسفها انه متمكنة داهية وزوجها لن يعيد زواج عليها هاهي اعتبرو واحمدو ربكم