😔😔😔 سلام مريوما حبيبتي انا حبيت نطلب منك طلب من القلب طلبي هو الدعاء لبابا لعزيز اسردي حكاية موت بابا وخلي الكل يدعيولو قلبي يتعصر عليه انا راني خسرت بابا الغاااالي منذ حوالي 25 يوم راني حابا نحكي عليه لعل جرحي يخف لأنو الموت خطفو منا خطف مريوما صدقيني لكلام لي راح نحكيه درك ماشي كي خاطر بابا إنما هو الحق بابا من خلال اخلاقو وصفاتو وصبرو ومعاملتو لجميع ناس وقلبو لكبير تحسو صحابي جليل تخلف وعاش لهاذ الوقت وكل الناس لي تعرفو تشهد انسان زاهد في الدنيا دائما سامح من حقو رغم انو الدنيا قصات عليه متسامح ينصح غير بالخير بابا لا هو عالم ولا هو مفتي ولا هو إمام بصح الجميع يأخذ برأيو لانو معروف بكلام الحق مجتهد في دينو صلاتو مكانش واش يلهيه عليها ابدا يكون يحكي معاك اذا سمع الاذان يقولك انوضو نصليو ونكملو مداوم على تلاوة القرآن يوميا اغلب صلاواتو فالمسجد كان بار بوالديه يقدس الأخوة وفوق هذا كامل اخر يوم فحياتو دليل على حسن خاتمته كان يتوجع حنا كونا حاسبين بلي من المرض ترلك هي الموت كانت تطعن فيه بصح هو ماتوقفش ابدا عن ذكر الله والدعاء وطلب العفو من الله قالنا انا راني حاس ربي راض عليا ورغم الالم يقول انا مع ربي راني الحمد لله ومتفاءل الحمد لله بابا رغم انو كان مريض بزاف حافظ على صلاتو وخذاها كاملا صلى صلاة العشاء ومات قبل اذان الفجر فلحظة وفاتو ماما حبت تهزلو صبعو تاع الشهادة تشهدلو لقاتو هاز صبعو وحدو الحمد لله شهد وحدو مات يوم الجمعة والحمد لله مات شهيد بسبب مرض السرطان في بطنه💔💔💔 ياااامريم اختي منقدرش نحكيلك واش صرا فينا باش منطولش عليك ونكمل نحكيلك على بابا وعلامات البشرى في موته بابا مات في نفس عمر الرسول و بحكم انو مات بالجمعة إمام المسجد خطب عليه في هذيك الجمعة والغاشي لي صلى عليه منحكيلكش احنا عندنا فالقرية زوج مساجد لزوج معمرين لداخل ولبرا ولخر صلى فطريق حط زربيتو على الرصيف الجنازة تاعو بقات ناس تحكي فيها قالو جنازة كما تاع الرياس ( الرؤساء) بابا لعزيز مكانش لي مايحبوش محبوب الجميع الكل يشهدلو بالخير وفثاني يوم بعد موتو المكان لي كان معروف انو يقعد فيه وهو تجمع تجاري تحسو حزين حتى المحلات مغلوقين رغم انو يوم السبت واحد مافتح المحل تاعو إلا زوج محلات برك مقهى ومحل تاع مواد غذائية أما الباقي كاااامل مغلوقين والمكان حزين ااااااه يااالغااالي توحشتو بابا قد ما فرحتلو لأنو مبشر قد ما راها نار الشوق تحرق فيا عليه بقالي غير صورو فالهاتف نشوفو ونحاول نلمسو من خلال الهاتف ومن كثر شوقي ليه نولي نتمنى تصرا معجزة ونقدر ندخل عندو للهاتف مااشبعتوووش 😭😭😭😭 غدرتنا الموت وخداتو وحنا نسناو فيه يبرا مريوما ربي يحفظلك لي عزاز عليك احكي على بابا وطلبي من المشتركين يترحمو على بابا ويدعيولو من الله عز وجل يبلغو المراتب العليا في الجنة ويحشره مع الانبياء والمرسلين والشهداء ومع سيدنا محمد صلى الله عليه وسلم وحسن اولئك رفيقا وأن يوفقنا في اتباعه بايمان ويلحقنا به ذرية صالحة لقوله عز وجل والذين آمنوا وتبعتهم ذريتهم بإيمان الحقنا بهم ذريتهم لأنو بابا قبل ما يموت كان دائما يقول انا متمني نكون مع الانبياء والمرسلين في يوم الحشر والحمد لله رزقه الله الشهادة ومات شهيد بسبب المرض وشكرا جزيلا وجزاك الله خيرا وربي يجازيك بقدر ماراح يدعيو لبابا ويارب ارحم جميع موتى المسلمين اللهم تقبل منهم صالح اعمالهم وتجاوز عن سيئاتهم واسكنهم الجنة خالدين فيها
السلام عليكم اخت مريومة الي يفوت من هنا،يترحم علي امي الغالية عندها 20يوم ملي توفاه ربي يرحمها ويغفر لها ويسكنها فسيح جناته يارب العالمين وربي يصبرني علي غيابك حبيبتي القلب تقطع علي فراقها ابي عندو غير عام ونص وانتي لحقتيه 😢😢😢😢😢😞😞😞😞
القصة الأولى:مادام تقدم لخطبتك كان لازم يحضر نفسه و أنت من البداية تدخلت في ما لا يعنيك.و كثرة الكلام مع أهل الخطيب تجلب المشاكل و سوء الفهم.أنت اللي غلطت في حق نفسك.اسمعي كلام أمك.يعطيك الصحة مريومة .أنا منعت بناتي يتكلموا مع خطيبة أخوهم إلا في عيد ميلادها و العيدين.الحمد لله دخلت العروسة و لا يوجد مشاكل بينها و بيني و بين بناتي.الإحترام مطلوب.هذه البنت 'داصرتهم'وحصلت .'الدصارة'تجيب الخسارة.
كلامك صواب و زيد انتي راح تتزوجي بالراجل وعلابالك ماعندوش تقبلي واش جاب و تسكتي ختو ماش مظطرة تجيبلك القضيان تاع الخطبة والله انا جابولي ڨندورة مطاشي بالجافيل وعمري هدرت لحد اليوم راني خمس سنين زواج رغم انو راجلي اللي مدلهم دراهم بزاف باش يقضولي الخطبة و جابولي خطبة تبهدل بصح ما هدرتش لا لراجلي لا لماليه انا كنت عاجبني راجلي و حوايج الخطبة ما يهمونيش وكثرة الهدرة مع اهل الزوج قبل الزواج دصارة و تجيب المشاكل ديري قدر لروحك يقادروك
5:25 قبل ما نكمل القصة أكبر خطأ درتيه أمورهم العائلية معندكش الحق تدخلي فيها لا قبل الزواج لا بعد الزواج هو كون وجد روحو كي عاد قضيان تاع خطبة معندوش وين رايح
يعطيك الصحة مريومة قلتي كامل واش حبيت انقول بالنسبة للقصة الاولى والله قلقتني واش ا.ديها تهدر مع خوتاتو في كل وقت هاذي مزال ما دخلتش ودارت بين خطيبها وخوتاتو وحتى بنات عمو فتنة ربي يهديك
القصة الثانية 😔 حسبنا الله ونعم الوكيل في قوم لوط الذين خسف الله بهم الارض انا اتساأل ماحكم القانون اوالتشريع الجزائري في اشباه هؤلاء الا يوجد لهم ردع وهل بنات ةلناس لعبة من راي كيما البنت تروح تثبت عذريتها عند جينيكولوغ الولد ايضا ايروح ايدير شهادة تثبت انه مسلم بالغ شريف عفيف والا بناتنا راهم في خطر هد البنت عندها المعرفة وعندها رجال ارغاز فحولة لكن وحدة اخرى ممكن حياءها يمنعها او تسكت خوفا من الفضيحة وما تخبرش اهلها ياربي عافينا بما بتليت به غيرنا 🤲🏼
بالنسبة لصاحبة القصة الاولى واش هاذ الخالوطة لي حطيتي فيها روحك واش بيك اختي اسمحيلي غلطتي غلط كبير تقولي للخت خطيبك خوك معندوش علاه ماعونتيهش ماشي من حقك توريها واش دير مع خوها ياختي لوكان تسمعيها تسبه قدامك ممنوع عليك تهدري ودافعي عليه في الاخير يبقى خوها ونتي تربحي في العيب ممنوع عليك تهدري مع عائلة خطيبك حتى في المناسبات غير إلى هما عيطولك قوليلي واش خليتي كي دخلي عليهم عروسة متبقى غير نتيف الشعر أوالقدر رآه تجرراختي ربي يهديك السلام عليكم
الله يهدي ماخلق 😤😤 والله غير حاسبين بنات الناس مصحة نفسية😩خاصة الاهل تتحملو كامل المسؤولية والله الذنوب كامل على رقبتكم علبالكم بولادكم وتتسترو عليهم 👇 جهنم وبئس المصير 😤😤😤 بزاااف بنات ضيعتولهم حياتهم ربي يهديكم وين رايحين بهاذ العقلية تاع الجهل 😡
عاهد نفسك ألّا يذبل قلبك من أجل أشياء عابرة ألّا يذبل طهر مبسمك لأجل أحگام مقدرة لا بأس إن أحسنت الظن بمن لا يستحق وليس عيبًا إن أهديت مشاعر... لم تُصان احمد الله دائمًا أنك في الجهة النقية من الحياة وافتخر أنك كنت و مازلت إنساناً يحمل قلباً من ذهب
القصة لولى غلطت بزاف لي دارت علاقات معاهم انا عامين خطوبة وراني قدك 21 سنة ما نهدر معاهم ما نفخرهم و اهلو منعرفهمش اصلا من غير دارهم نتلقاو غير في الاعياد وبس ضك راني متزوجة في عام واحد ماعلبالو بفيسبوكي من غير راجلي ماتخلط في النخالة ما ينڨبك الجاج و ضك واحد ما يتجرأ يغلط معايا في الهدرة و انا ندافع على روحي لي يغلط يخلص
والله كلامك صواب نفس اجابتي ناس البيت تعيشي معاهم وديريلهم الف خير ميقروش بيك انا لوستي زوجتها بصاحب خويا ودارها وحدها والبلاد منبعد ارماو عليا الماء ربي وكيلهم 😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔
القصة الأولى يالاطيف منها كانت مرت خويا تدير الفتنة بين خويا وبيناتنا حنا لبنات ختي كان يضربها باش تريح ويبرد قلبها وكانت تدير الفتنة بيناتنا حنا لبنات بصح فقنالها الله لايبلي المومن يدخل عروسة كما هذي لدارو شربنا معاها لمرار من هذا المنبر نقولها الله لاتربحك إن شاءالله عمرك ماتشوفي لهنا ربي يجعل تدبيرك تدميرا عليك يارب العالمين
اختي صاحبة القصة الاولي سمحلي نقولك المداسرة تخسر اهل العريس متحكلهمش سرارك و زيد واش دخلك بينه و بين اخته تعونهش مكان مدخلك حمدي ربي زوجك كان معاك ! و الا متوصليش ليه كفاه تروحي تشتكي لاخته الصغيرة علي اختها الكبيرة انتي الغالطة حبيبتي و كما قالت تشكري في روحك ! يا اختي بدلي شخصيتك و زيد حتي بنات عمو مداسرتهم و تحكلو من بعد تقولي محبيتش ندير الفتنة يا اختي كيري شوية انا راني متزوجة سنين و سنين و الله مزال منحكيش صوالح نعرفهم علي دارهم و انا عايشة في الغربة قادرا نحكي عادي
عندك الحق مريومة في كلامك انا والله عام كامل شافوني 3 مرات فالخطبة والفاتحة ومرة في لمهيبة وفي التلفون عمرهم مسمعو صوتي او سمعت صوتهم ونهار جيت عندهم من ولاية الى ولاية أخرى عزيتعم وعزوني وبقا الاحترام بيناتنا على مدار اكثر من عشر سنوات والحمد لله
القصة الثانية .أعوذ بالله انتشرت ظاهرة المخنثين يا لطيف.((ربنا لا تؤاخذنا بما فعل السفهاء منا )) والله الحالة تخوف من سخط الله وعقابه . الله يتمم لك بالخير ويسترك ويستر بناتي وكل بنات المسلمين ٱمين يا رب العالمين .
سلام اول مرة نشتارك والله ياختي قلتي واش كنت حابة نقول الله يمدللك كل الفرج على هاذ النصيحة انا ننصحها ترفد روحها وتروح تعتذر منهم بلوحدة وتنح الفايسبوك هاذي مستحيل تقدر تعيش معاهم وتكمل
هاذي فحلة وننصح كل بنت ما تسكتش على حقها ولوكان يديرلك جنة فيها ذراع الراجل والزمان مافيهم لمان ديرو احطياتاتكم عند طبيبة النساء كبرهان او دليل وجزاكي الله خيرا يا مريومة على هاذ الحكايات الواقعية باه بناتنا ياخذ العبرة ولاه كاين بنات نيةبمعنى الكلمة ربي يكون معاهم.
لازم تفهمي بلي انت عروسة تقعدي برانية الغلطة ديالك دصرتيهم بالزاف ما كانش النية ناس دارك اقعدي بعيدة وعزيزة ما دخليش روحك في صوالحهم وما ادخليش رجالك في سوق النساء .
القصة الاولى نقوللها ماشي هاك فيمي روحك وماكالاه ادخلي روحك في شيئ لايعنيك والتعليق كان في محلو والقصة الثانية ربي يهنيها ولخرين ربي ينتقم في ناس كيما هاك
والله انا نهار كنت مخطوبة يا مريومة نعيط غير فلمونسبات لباس لباس ونكوبي جامي عيط و تونست حتا نهار دخلت معزة مكرمة حطوني فوق روسهم الحمد لله اني 6 سنين زواج جامي تعركنا ولا حشمنا بعضنا كل واحد في دارو نتلاقاو ظحك و لعب و نتفرقو
صاحبة القصة الاولى الدسارة ماشي مليحة انا تخذي رأي فضيها الخطبة لان مكتوب باين من عنوان ورايح تشربي لمرار وراح تكوني نكرة في دار الشيخ و وراح تمرض لان نتي خلطتي
القصة الأولى واش هاذ العلاقات كثرة الهدرة والدصارة الزايدة عائلة الزوج نعبد عليهم وتحبس في فترة الخطوبة كي تدخلي روحي وحدة وحدة او يا ربي .قالك عاش من شد قدرو.
سبحان الله العضيم هذي نصيحة ممتازة كي تكون وحدة دمها خفيف و الله خطيرة تلقايها تدخل في كلاش انا ام حكيم كي فتحو عليا والله كي تجي عندي عزوزتي نغبرمنها من الحشمة ومانهدرش معاهم
القصة الاولى نصيحة لبنات كي تتخطبو مكان لاه داصرو لافامي تاع الخطيب ولا تاع الزوج يقولو عليك رهج وما تعطيهمش عقليتك عيشي حياتك ليك و لرجلك و اجبدي عليهم كااااامل
والله انا ثاني عطيتلهم الحق لانو دخلتي روحك في العايلة نو حبيبة انا من الجزائر وناس راجلي من جلفة وراني ساكنة وحدي وشوية قريبة لدار عجوزتي بصح منروح منقطع صباطي عليهم