قصة واقعية حول الإعادة ( استفاد ) : أبن خالي وصديقي طالب سادس دفعة 2022 وهو طالب كلش شاطر اول سنة ارتكب اخطاء بفترة المراجعة بالتحديد وهاي الأخطاء بسببها جاب معدل 89 وهو حلمة طب أسنان لذا وقرر يعيد السنة مع العلم كلنا بانين امال علية وحتا اهلى بعدها تعرض لكثير من الكلام ولكن كان واثق بنفسه وعاد مع دفعة 2023 و جاب معدل 99.14 وهنا كانت أجمل فرحة بحيث كنت اشوفة وأبهج فرحا 😊 والان يدرس في الجامعة المستنصرية كلية طب الأسنان ❤ خليك دوما مع حلمك لانهو كلما كان الحلم كبير يجب عندها ان تكون التضحية كبيرة وشكرا
@Zozo-dt7bs اي قلبي لان المحذوفات رجعت هنا لازم تدرسين بجهد يعني 40% مادة جديدة 🆕 بس لا تخافين جدامج خير من الله وقت حتا توقعي امتحنات الدور الثاني تكون 9/1 توكلي على لله ترة ما يضيع تعبك وبالتوفيق 🤍
@@صادقالزيادي-ش2باي محذوفات تحجي عنها ترى كل لمواد مابيها حذف هاي السنة عدا الفيزياء سبع صفاات😂 والاحياء ربع الوراثة وموضوع من الفصل الرابع و٣ مواضيع من الفصل الثالث اصلاً عيب نسميهن حذوفات
@@Growth_9note تراا تجربة مراح تخسر شيي واحد يجرب وبعدين والله اعرف بنية جان كولش متاخرة وهم قرة واجلة للدور الثاني وامتحنت وهسه هيه صيدلة فخلو عدكم ايمان ويقين برب العالمين وادعو يوفقكم ان شاء الله
نصيحه دفعة 2025 فدوه طبقوها مو تتندمون من تقرون بالعطلة مو اهم شي تمكل مادة و تمشي بيها لا كون الي تقراه مضبطة و ممتحن بيه مو تجي المدرسة و انت ناسي كلشي
صدگوني يا طلاب محد ضدكم اني كليوم وانام مرعوووب مقاري زين مدارس محنجح الاسابيع اني اعاني ...بعدين عقلي حچالي كلام اني مو وحدي تره الله وياي واهلي هم وياي مو ضدي يعني اذا زعلو قابل للابد واني ابنهم ..بعدين هية مجرد اسئله مجرد امتحان وهوه مو النهاية هوه البداية والحياة اكبر من امتحان ..ما جبت معدل التريده ؟ادرس القسم الطلعلك ومن تكبر روح اهلي ..هاي اذا ما رضيت بقسمة رب العالمين وشفت قسمك كلش حلو ..محد ضدك كلنا وياك والله وياك
نفس تفكيري أني دفعة ٢٠٢٣ وهم كُلت لازم أجل سنه وتعبت ومالي خلگ ونفسيتي تعبانة ومن هاي الامور بعدين اكتشفت هلشي وهمي وماله أي صحه والحمدلله أني هسه صيدلة مرحلة أولى 🩷
الي يريد يدمر نفسه يعيد نقطه راس سطر .. جنت اسمع هاي الحجايه من هواي طلاب عايدين بس كلت اني مو مثلهم اعيد واشد حيلي بس صارت اتعس من السنه الاولى اي واحد يشوف تعليقي شد حيلك خلي ٣ مواد دور اول والباقي ع الدور الثاني ولا تعيد ودمر نفسك لان الاعاده عباره عن دمار تعديل: الي يكولون حسب الطالب واكو طلاب تعيد وتطلع صح اني وياكم بسسس مو كل الطلاب تكدر تتحمل الضغط الي يصير بالسنه الثانيه ومحد راح يفهم هذا الشي بس الي يعيد سنه ++ اني دا احجي على واقع الاعاده هاي السنين الي تقريبا ما بيها فايده مثل السنين السابقه الي جانت بيها المعدلات ناصيه ع الاقل الي يطلع٩٦ ينقبل شي زين مو يروح معهد !!!! هسه الي يعيد ويطلع ٩٧ مينقبل اي شي كل صديقاتي معدلاتهم ٩٧ و٩٦ وكلشييييي ما قبلهم راحوا اهليه اني مدا احطم معنويات طالب يريد يعيد او شي لا بس دا احذر انو الاعاده مو كل واحد يتحملها ليش الطالب يضلم نفسه ويعيد ولمن يعيد لا سامح الله لو يطلع ٩٨ ونص يا بلااها الاعاده 🤍
ترااا تعتمد على طالب اختي اول سنه جابت 67 وعادت وحيل استفادت جابت 95 وجان وهسه متعينه واختي الثانيه هم سنه الاولى ب 70 وسانيه 94 كله 100 بس الانكليزي ضلمه جابت 60 ونزل معدله اذا طالب يشوف نفسه ميستحمل يتوكل على الله ويطلع اي شي
نصيحتي الج اني شفت اغلبيه التعليقات وكلامهم اغلبيته صحيح نصيحه من شخص معيد اول شي تسوي حاولي تمتحنين وزاري هيه تجرّبه حتى فشلتي بيهن عادي المهم اقري وانطي نفسج فرصه شوفي مستواج هاي السنه وشوفي الأخطاء الي ممكن توكعين بيه بالامتحان فحاولي قدر الإمكان انو تمتحنين حتى لو مادتين والنقطه الثانيه إذا عديتي حاولي تركزين ع هدفج الي عدتي علموده حتى لوتكتبينه كدامج حتى يوميه تتذكرينه وما تتكاسلين وخلي بالج النجاح يريد تحضير خطه مسبقا وصبر واستمراريه وبنهايه الكلام كل التوفيق 🤍🤲
انت لهسه ما قاريه ومن زمان قررت اعيد وما قريت ف هسه عندي 8ايام اقره اسلاميه ومن اخلص اسلاميه اقره فيزياء لان الفيزياء يوم 7/1 يعني اذا كملت مثلا 5او 6افصل اروح امتحن
@@zz-co4cl لا والله من بداية السنة جنت اغيب وإلى ما قررت وكعدت بالبيت ب رمضان فأجني قرار فصل بنص رمضان وكعدت وسكتت والحمدلله جاي ادرس 📚 للسنة الجاية 🦭🌒
السلام عليكم ورحمة اللّه ِ وبركاتةُ خيتي صورتج ظاهرة حتلو مغوشة فمالهة داعي وأنت ِ تمثلين آل البيت عليهم السلام وتمثلين الشيعة وأنت ِ أيضاً مسلمة أنت ِ قدوة لي وللنساء جميعاً لأنك تمثلين والدتك وجدتك فاطمة الزهراء عليها السلام و زينب عليها السلام حتلو تكولين ما بيهة شي ومغوشة لكن الشباب بهذا الوقت تأتيهم غرائز وأحتمال أن تكوني سبب لهكذا أفعال لذلك تجنبي كل شيء لا يرضى اللّٰه ورسولة وأهل البيت عليهم السلام وفقك اللّٰه وجعلك من الثابتين بنبوة محمد وآل محمد وجعلك من أنصار إمام زماننا الإمام الحجة عجل اللّٰهُ فرجة ُ الشريف أتمنى أن تفكري في الموضوع لأن تمثلين المذهب الجعفري ولو كانت السيدة زينب عليها السلام أيضاً لنصحتك كما نصحتك وهذا الشيء قد قالةُ مراجعنا العظام حول نشر الفتاة صورتها حتى وأن كانت لا يبين وجهها وفقك اللّٰه لخدمة محمد وآل محمد ❤
يعني الف الحمدلله من دخلت على التعليقات وقريتهن لان جنت على حافة الانهيار وفكرة تجيبني وفكرة توديني مدري اعيد مدري اقره شكرا بنات الله يجعلها بميزان حسناتكم ويعوضكم هلسنه🤍🤍🤍 راح استمر والي كاتبه الله حيصير
واخيراً تعليق حلو فعلاً اشوف ماكو اي فائدة من اروح للامتحانات واضيع شهر كامل وبعدين يخلصن وادخل بدوامة اكتأب وراح تجر وياي للسابع والدوام يبلش من وكت ف على شنو واني من الأساس من الأساس عايدة عايدة
نفسي هم قررت اعيد العام بهيج وقت ومتندمت كل واحد يعرف نفسة وكل واحد يعرف اذا يتحمل الاعادة او لا وبالنهاية هذا مستقبلنا احنة بالتوفيق وابدي كأنما هاي أول سنة❤❤
*_ذكرى ٢٠٢٤/٧/٢٤ ✨تاريخ مميز✨_* *_قررت اعيد بعد مطلع معدلي ٨١ ومأجلة اربع مواد الحمد لله كلش فخورة لان وصلت لهاي المرحلة عبرت مشوار كلش طويل وصارت عندي خبرة درست بكل طاقتي بس جانت عندي كومة اخطاء سببتلي الاعادة واني اشوف السنة التجي راح تكون غير ان شاء الله لان جنت دائماً احب رقم ٢٥ يمكن بي خيرة اليه نتفائل لان احنه اقوياء لان هالقرار مو اي شخص يتخذة وكلها معارضة بس اهلي الحمد لله قابلين بقراري الباقي ميهمني لان عندي طموح اريد احققه باذن الله تعالى وراح ابدي بشهر الثامن اقرا كل النقوصات_* *_( وآتاكُم مِـن كُل مـا سَألتُموه)_*
حابه احجَي عن الاعادةَ : عنَ نفسي من داشوف هاي التعليقات والطاقه الي داتنطونه للبنيه والكلام عنَ نفسي اسمه تحطيم هسه تگولونَ ليشَ الاعادة تختلفَ من شخص لشخص مو معناهَا انو اگو شخص عاد ومجاب معدل وتحطمتَ السنه مالت الاعادة وندم وكلام وكلشَي مو معناها انو كُل الي حَ يعيدون راح يصيرون هيجي مو معنا انتَ اتحطمت بالاعادة وداتحطم وتعلق عن رأيك اقدارنه مگتوبه والشي الي يگتبه النه الله مو نفسه الي گاتبه لغيرنه فَ الاعادة عنَ نفسي شي كُلش عادي وفهمت الابنيهَ داتقصَد حتلو قرتَ وتعبتَ وامتحنتَ راح تنچح اي بس مراح تجيب المعدل الي يرضي اهلهَ ويرضيه وتبقئ تحجي بي هوهَ سادس يحدد مستقبلنهَ وياجامعه حَ ندخل الشخص الي خال اباله قسم يريد يوصله مراح يگدر يشيله من باله خصوصاً اذا حابه ف اذا امتحنت وماوصلت للقسم الي اريده هل نهاية العالم؟ بالعكس لا الشخص الي عندة ارادة وسعي ويريد يكمل راح يعيد ويوصل للي يريده مو معناها اكو اشخاص عادو ومجاوبو معدل او تعبو وراح تعبهم مو كل الاشخاص نفس الشي ولا نكدر نحكم علئ شخص بس التعليقات عن نفسي مو صح الي داتحجو ولا نعرف ظروفه ولانعرف كم مادة مكمله او متراكمه او اي شي فَ انت او انتِ من مُعيدة وداتكتبين الي مريتي بي مو معناها انو راح تمر بي هيه الي مشاكل الي صارت وياج بالاعادة مو معناها ح تصير وياها كل شخص كاتبه اله الله ح يصير وكل شي دا نسوي مقتنعين بي واصلاً صح انو ليش امتحن ومراح اجيب الي يرضيني و ح اتقارن ابقئ اكمل قرايتي منا للسنه الجديده وابدي من جديد ومو نهايه العالم اني داعيد حتئ اوصل للشي الي اريده ف ياعيني مو كُل شي داتمرون بي انو غيرك ح يمر بي كل شخص قدره مكتوب ويعرف شنو يسوي وشنو يريد وشنو يريد يوصل اله ومنكدر نحجي او الوم شخص لان يعيد ف لا تسونه كُلش وتخلون تعليقاتكم سلبيهَ وبس اتمنئ احد فهم قصدي .
دفعة 24 ان شاء الله السنة الجايه نطلع الطب حتى ننسى الظلم أول مرة احس بجهل ما اكدر اباوع عل احد من اصدقائي ولا اي احد لان اول مرة اعيد بس الجاي اعظم بأذن الله
ابد ما انصح بالتاجيل الواهس بالسنة الأولى مو مثل السنة الثانية ابدااااااااااا انا عدت وبقت ايام وامتحن ولليوم متندمة لأن قررت اعيد جان افشل قرار بحياتي كلشي صار موحلو ابد ما انصح بالاعادة كلشي بصالحكم بس انتوا قررتوا تختارون أسهل طريق لأن ماعدكم صبر وقوة وحتى ماراح تحققون احلامكم لأن تنازلتوا بسهولة وما استمريتواا عدكم بعد ١٥ يوم لاول امتحان وعدكم عطلة العيد ٩ ايام وإذا تاجلون تصير الفترة هوايه هواية كلشششش بس انتوا اختاريتوا الطريق الاسهل والي رح يتعبكم هواية ويجي يوم تتندمون 😅
++ نصيحة ثانية الج حبيبتي جنات 🩷 إذا تردين تطلعين مُعدل حلو انصحج تمتحنين وزاري وتصير عندج خبرة وتطلعين ع كلشي يخص الدفتر الوزاري والاسئلة ليلة الإمتحان لأن إذا من هسه قررتي تعيدين ف ماراح تستفادين هواية وتعتبرين حالج حال الطالب سنه أولى أما إذا اطلعتي ع الوزاري حرفيًا رح تتقوين وتصيرين خبرة بكُلشي 💕
@@min5635 ابد ماكو مشكلة اصلا ترتاحين ويقل عليج الضغط وقسمي ثلاثة مواد ع دور ثاني وامتحني اربع دور اول أحسن لان اذا اجلتي هوايه لا سامح الله خاف تعيدين 🤍.
افضل قرار سويتي هو الاعادة والقران بالسنة الثانية الخوف يقل وتكونين واثقة من نفسج وعندج وقت هواي .. هاي اني كدامج دفعة 23 وعدت ويه 24 ورح امتحن وبالي مرتاح لا خوف لا قلق مو مثل السنة الاولى .. انصحج بالاعادة لان كلش تفيد وتخليج تطمأنين ومعليج بالكلام السلبي
اول مره اشوف شخص ينصح بلاعاده اني هم دفعه 2024 صارت عليه تراكمات وفضلت اعيد ع رغم اهلي عارضو هذا شي فاحاولت اكمل وشوف وين توصل بس امس متحنت اسلاميه ومجاوبت اني علمي واليوم راح امتحن عربي بس كفيان شر علمود اكعد وكل لهلي ماكدرت وماجاوبت بس امتحن لان همه يغضون عليه لان يخافون اعيد وتعب واهمل دراسه وتروح مني سنه ثانيه يخافون اسوين ثلاث سنوات يس اني عندي ايمان راح تكون افضل لان راح اكدر ارجع وقره ع كيفي واني مرتاحه لذالك شكرا ع النصيحه وهم شونج بلسلاميه بشري وانتي علمي أو ادبي ❤❤
@@AliAyad-m3x اني ماكدرت اكمل الماده وصارت عندي تراكمات الوقت ضيق شسوي مثلن ماكو حل غير اعيد وأقره الماده اكثر واحاول شسوي بعد واذا ع صعوبه بله هيه كل سنه هيج شنو يختلف
@@AliAyad-m3x لا ورده حاولت لحد هذا اليوم ومتحنت اسلاميه وعربي اليوم وراح امتحن احياء بس اني اريد معدل مو هيج شون مجان فلازم اعيد علمود ادرس أكثر علمود المعدل بس اذا ادور نجاح فا اسلاميه وعربي زينه يعني اكدر انجح من سادس إذا اريد بس نجاح بس اني اريد معدل 👍🏻
حبيبي شنو صرتي ويه دفعة 25 اعرف هاي حياتچ بَس دا احچي وياچ كوحدة المفروض دفعة 23 وصرت 24 تعرفين شنو اعادة ؟ يعني الضغط النفسي اضعاف اللي انتِ بي يعني الضغط الدراسي اضعاف اللي انتِ بي يعني يومچ عبارة عن نفسية صفر والفرص اللي عندچ هسة السنة اللي تجي ما موجودة خاصةً بالعراق ماكو فرق بين واحد مطلع 97 واحد مطلع 79 الاثنين يگعدون بنفس القسم والكلية ونبي اعرف وحدده طلعت 98 نقبلت معهد طبي يعني حتى ميصير عندها شهادة بكالوريوس يصير عندها دبلوم بس الاعادة صعبة حيل واني چنت نفسچ اگول اعيد واشد حيلي وياما اجوي ناس نفسي هسة شلون دا انصحچ كوحدة عاشت التجربة وهم ما قتنعت وچنت اگول لا اعيد واشد حيلي ونبي بس كلام لان الانسان طاقة اني متاكدة هالسنة هواي تعبتي وهواي بچيتي خلي بالچ السنة اللي تجي اضعاف هالشي لا تعيدين ونبي گلبي يوجعني من اسمع واحد يعيد لان اتذكر كلشي صار من عدت وشلون كلشي صار اصعب ونبي بعد اكو فرصة بنفس الوقت اللي انتِ قررتي تعيدين اني قررت اعيد وچان عندي وقت اني اگدر اروح مجموعة طبية واگعد ويه ابو مُعدل 97 بَس چنت اوهم نفسي انُ لا ماكو وقت يعني حتى لو انتِ متاخرة كُلش امتحني 3 مواد سهلة تعتبر واجلي 4 عندچ 60 يوم اذا تقرين من صدُك هاي ال 4 مواد تاكليهن اكل وبخصوص الدور الاول اختاري مواد سهلة وابدي من جديد بهاي ال 16 يوم اقطعي النت وابقي بس درسي وحتدعيلي ونبي تدرين كم مرة طلعلي الڤيديو مالتچ بالاقتراحات بس مچنت ادخل واصلاً ما منتبهه للعنوان وسبحان الله چنت اسولف ويه اختي ودخلت بالغلط وانتبهت ع العنوان وبسرعة انقبض گلبي لان اعرف بهل فترة شنو انتِ تفكرين وشلون عقلچ تحت ضغوط اعتبريني رسالة من رب العالمين وحط وحدة عايشة التجربة اللي تردين تسويها وراجعي قرارچ❤.
والله العظيم كلامچ صح مية بالمية هاي غير القهر الي تحس بي من اهلك يگلولك مو گنالك اطلع المعدل بعد ما يفيد اكو اهليات وانتِ ما سمعتي كلامنا لو من تشوفين صديقاتچ بالجامعة وانتِ تدرسين اني والله لوما الانتساب يمكن چان انتهيت من الدوام بالمدرسة والضغط الكارثي ، الاعادة يشوفوها سهلة لان بالبداية يرتاحون من فكرة انو ماكو امتحان بس من يعيشون بيها صدگ راح يعرفون الجحيم مالتها
حاولي تكملين لمواد قبل لدوام حتى متمكنة تصيرين بدوام وخلي هدفج ل ١٠٠ بشهريات وبنصف لسنه هاي جذبه من يكولون مو مقياس لا هيه مقياس وهيه لي تخليج صامده وتعرفين استحقاقج لل اخير وتسيطرين هم ع للمواد وتقدرين مستوى تضبيطج للماده وصيري قويه ونفذي لخطه لي تحطيها مو فقط تخطيط بدون تطبيق وولمراجعه سويها مراجعه فعليه مو قرايه منهج ووخلي صبرج طويل وحلي وزاريات بعد كل موضوع تقرينه مو الا تخلين لوزاريات للمراجعه او تتراكمين شي وتتتهاونين بشي ووخلي الامتحانات لشهريه مراجعه مو قرايه من جديد وبس موفقه
كُل تأخيرة بيهة خيرة ، يجوز إنتِ صاحبة حلم وچنتي ناوية تحققينه وصارت عندچ ظروف وأضطريتي تعيدين سنة ، كُلش عادي لتضوجين ولا تنقهرين ، مابيهة شيء إذا شخص عاد وبالأخص أصحاب الأحلام الحلوة المثلهم 😊 ، إن شاء الله تكون سنة خير على كُل طالب مُعيد ويا رب كون ميشوف تعب بس الراحة ويحقق حلمة وهو مرتاح . كُل التوفيق لكُل المراحل الدراسية ❤❤ ومثل ميگولون " قد تتأخر السِباق ، وتتسبِق الجَميع " إنتوا گدهة بإذن الله سبحانه وتعالى ❤
كمية الطمئنية بالتعليقات تجنن 🩵🩵 واتفق وياكم ما المفروض تقررين من هسه اكو الاسوء من احوالنا لكن ديحاولون عسى ولعل ف ابقي حاولي لاخر يوم بالوزاري حتى لو اضطر الامر تأجلين كل المواد بكل حالة حتصير عندج فرصة وبعدها كلشي يبان وانت تقررين ان شاء الله 💗
خلوها تعيد اللي اباله حلم يريد يوصله عسى ما يبقى عشر سنوات بالسادس 👍🏻كلنا مملحگين نكمل المواد بس دنحاول نمتحن نص والنص الثاني دور ثاني اذا طلع معدل زين نكمل واذا لا نعيد والحياة مامتوقفه 🤏🏻💔
حبيبتي للي يكولولج لا تعيدين ومدري ايش مادام انتِ قررتي نقطة رأس سطر ما عليج بيهم اني من دفعة ٢٠٢٣ وعدت بس هاي احلى سنة دراسية درستها لأن بديتها صح ووعيت عن السنة الأولى وتعلمت من اخطائي وحرفيا درجاتي ما شاء الله كلها ما تنزل عن ال ٩٨ بفضل الله وبفضل تعبي وتعب اهلي ويايه وأن شاء احصد ثمار تعبي بالوزاري وأطلع الدرجة الكاملة إن شاء الله 🤲🏻💗 فا الزبدة من كلامي لا تخلين كلام الناس عائق ونظمي وكتج صح وتوكلي على الله والله يوفقج يارب وتوصلين للي تردينه 🫂💖
@@laraali-n2l هلوو حبوبتي، طبعا من الأشياء اللي ما سويتها هل سنة راح احجيلج المختصر ومو مثل السوالف اللي نشوفها على الميديا من الأوائل وهاي المهم أولاً والأهم قويت علاقتي وي ربي وجنت دائماً ملتزمة بصلواتي وأنصحج كلش بهل شيء وثانياً ما سختت وجنت حرفيا أقرأ اليوم بيومه لأن بس يوم واحد تسخيت يخرب السستم لسنة كاملة وأتمنى إذا جنتي دفعة ٢٠٢٥ ما تسختين وتقرين بجد لأن هيه بس هل سنة وتخلص عاد ويروح كل التعب وصدكيني من تشوفين الفرحة بعيون الأشخاص اللي تحبينهم تنسين تعب السنين كلها، وثالثاً واللي تعتبر ركيزة النجاح وهيه تلكين مدرسين تعتمدين عليهم من عطلة الخامس لحد أخر يوم مراجعة وحرفيا هذي هي السر بأنج تتذكرين كل المعلومات اللي درستيها وهي انج ما تغيرين المدرس او المدرسة او حتى الملزمة لأن تكون شكل الصفحات والكلام مطبوع بعقلج فا من تعتمدين على مصدر جيد طول السنة الدراسية راح تكون السنة سهله كلش وتكونين مثمرة بيها وتزيدين المخزون الفكري مالتج وتضمتين المية إن شاء الله ورابعاً وأخيراً أقري وزاريات يعني اسئلة السنين السابقة لأن كلشش راح تفيدج وحلي الحلول النموذجية بأيدج ولمن اكول السنين السابقة يعني مو ٢٠٢٣ او ٢٠٢٢ لا لازم حتى لو تتطلعين على اسئلة التسعينات هم مو اشكال لان تكونين شايفة الأنماط على مر عقود وتكونين متطلعة وفاهمة السالفة شني وبسس ادري ما يمكن كلش يفيدج كلامي لأن اتفلسف جثير بس والله هذا اللي سويته خلال مسيرتي الدراسية وكلش فادني وأتمنالجج المعدل اللي تردي وسنه دراسية ممتعة وترفعين راس أهلج وراسج بيها 🫂💋💖💖
@@love.my.self3 ياعمري انتِ ان شاءلله بأذن الله وأهل البيت وعلى گولتج ان شاءلله ألتزم بصلاتي وكل وقت بوقتها لان هي اساس النجاح بهاي الحياة لان احنا نحتاج رب العالمين بهاي الرحله الله يسمع منج وادخل بكلية طب الاسنان والله العظيم هذا حَلمي من جنت زغيرة ولسه 🥺✨💜.
اني هم راح اعيد اتخذت القرار بعد ايام من التفكير والبجي والصراع مع نفسي بين اكمل لو اجل لو اعيد لحد ما وصلت الاخر المطاف بقرار الاعاده اني شجاعه لان اخذت هيج قرار صعب واعرف عواقبه شنو بس حلمي يستاهل و ان شاء الله راح اكون كدها اني واثقه من نفسي جدا راح اجيب المعدل الي استاهله + لحد يرد عليه ويكلي الاعاده دمار وعندج وقت ومن هل خريط اني اعرف نفسي اكثر منكم واني مسؤوله عن قراري والاعاده تعتمد على الطالب يكدر يخليها تجربه ناجحه ومليانه تفوق او يخليها فاشله 👍🏻
شنو السالفة واذا عَادت اني برأيي الي عِنده هدف يسوي كُلشي حتى يحققه وفعلاً احنه دُ 24 كلشي مفهمنا من السنه احسها اسبوعين وخلصت وگعدنه نراجع ف مو كل واحد يريد بَس النجاح .. اني فهمت قصدها انو هيه رايدة اقل شي صيدلة وهاي الفوضى الي سوتها الوزارة مو كُل شخص يگدر يقاومها ف هذة مو استسلام هذة فهم واقع حال انو امكانياتنه للسنه هاي ضعيفه بالنسبه لأحلامنه ، كُل التوفيق الچ يارب واوثقي بقرارتج الثقه اهم من كل التعليقات الموجودة 🤎🫂 .
@@zharash8505 اذا هي تريد النصيحه جان كالت انصحوني هي اساسا اتخذت القرار من زمان مال واحد يتخذ قرار ويجي واحد يعترض ع قرارة شعلية هوه ؟ وهوه اساسا مايعرف شنو يريد المقابل ومايعرف بضروفة نصائحم اجت بوقت غلط حتخلي البنية تدخل بدوامة قلق واكتئاب !!!! برائيج نصيحتهم حتسوي شي زين ؟ اكيد مجرد سلبية للمقابل
اني طالبة سادس دفعة 2024 وراح اعيد لأن عندي اسبابي الخاصه بس من هسه راح ابدي زين وكل مره راح ارجع واعلق ع هذا المنشور شخلصت وووين وصلت لأنو السنه لأولى مادرست هواي يعني كد الي يدرسو الابتدائية 🙂♥بالتوفيق
طلاب دفعة 2025 نصيحة من طالبة سادس دفعة 24 اقرو على المدرسين اللي راح اكتبهم لان اكثر الطلاب يقرون عليهم قريبين العقل الطالب كلش راح تفتهمون او ال100 سهلة عدكم اتصير شوفو كم محاضرة منهم يالله تحكمون عليهم اذا زينين لو لا يعني مو اول محاضرة مافهمتوهة معناتة ميفهم عربي. احمد النعيمي /حسين عبيدة اثنينهم شرحهم ممتاز كلش اذا مافهمتو على واحد ف الثاني هم راح تفهمون عليه انگليزي محمد احمد العبيدي كلشش زين والله متلگون مثل شرحة ايخبلل حتى قطعة كتاب يشرحهة او تحفظوهة ابنفس اللحضة تطلعون من الفيديو قارين اوفاهمين او متونسين لان الفيديو كلش نفه او حلو اتندمت لان عرفتة ابفترة المراجعة 💔 رياضيات حيدر وليد / حيدر عبد الأئمة فيزياء /حسين محمد كيمياء /هاشم الغرباوي احياء/ سالم آل منصور. كلش زين شرح ممتاززز / او الاستاذ حسن فلاح هم زين اسلامية /حمود لديكم لاخوف عليكم حلو شرحة😂 او بالتوفيق ♥
إذا أنتي عندج طموح وتردين معدل عالي وتعرفين بنفسج ما تگدرين تجيبي هاي السنة لان ما مكملة المواد فنصيحة انطي لنفسج فرصة صح بالسنة الثانية راح تحسين بمشاعر مو حلوة ورُبما كلام سلبي من المحيطين بس انتي ابقي مركزة على هدفج ولا تهتمين لأحد و هي كلها كم شهر وتخلص السنة فاتحمليهن علمود ما تتندمين بعدين لان ما انطيتي لنفسج فرصة وهسه امتحني كم مادة وجربي لامتحان الوزراي واجوائه وكملي نقصج بالمواد حتى من يبدي الداوم تكونين مسيطرة لا تتأثرين بكلام أحد وخليج انتي المسؤولة عن قرارج وأخذي القرار المناسب ألج ولطموحج ،بالتوفيق يارب 🤲🏻 🤍.
ضجت من التعليقات لا عبالكم الاعاده سهلة والله صعبة بالاخص اللي عادوا علمود المعدل حتموتون الف موته اسأل مجرب ولا تسأل واحد بس حجي وممجربشاطر بس يهنبل وابدي من جديد ومدري شنو ....
باعي بما انتي راح تعيدين سنه والله العظيم نصيحه من اخ واني عايد سنه يعني سنه ثانيه اقري المواد الفهميه بالعطله احياء واسلاميه وادب عوفيهن ويه المدرسه وهسه خلصي الفهميات حتى متعبين بالدوام
نصيحة الي يريد ضبط الماده من صدك يقرا ورقه وقلم يعني دتحفظ شي دتراجع شي اكتبه لا تقرا شفهي ترا هيج تضيع المشيتين تخسر وقت وأيام واشهر بدون فائده اني دفعه ٢٠٢٥ وان شاء الله يارب احنه كدها ✨🤍
لاتأجلون لاتعيدون اني طالبة دفعة 2022وطلعت اول سنة 78 وماعجبني معدلي وعدت والعام رسبت ب5 وامتحنت دور ثاني وطحت ب2 وما امتحنت دور ثالث لأن درجاتي زفت وهم عدت ومتندمة الفرصة تجي مرة وحدة لاتضيعونها *طالبة خارجي
اي والله صحيح كلامج اني دفعة 23 وعدت ونفس الشي تراكمات وصارت الي ظروف ومن غير كل أسبوع مريضه هسه بس اريد تخلص السنة النفسية تتعب اكثر من تعب الجسد بالسنة الثانية
@@janatsalim. صح متعب ومهلك وهمين مو نهاية الدنيا انا المفروض دفعة ٢٠٢٥ بس تأخرت سنة وي دفعة ٢٠٢٦ وشيء جدا طبيعي احنة مو بسباق ولا حرب واكيد اهم شيء الصحة والراحة النفسية وما انصح احد ابدا بالدور الثاني لئن درجة الدور الاول الي تنضاف على المعدل احتمال تغير قسمك كلة وترفعك للاعلى وبالتوفيق يا رب معليج بالتعليقات كملي وضبطي نفسج والله يوفقج
هاي ثاني سنه اليه بلسادس وهماتين متأذيه نفس الظرف الي خلاني اعيد سنه نفسسسه بلضبط ديعيد نفسه بهل الفتره لحد هسه ممكمله اي ماده ادعولي اكمل العربي والانكليزي بهل الفتره ❤
@@Aya_1t بس باعي هو صح هاي الدفعه متأذيه حيل يشهد الله بس قرار الاعاده ولا ندمانه عليه رغم اني حالتي هسه كلش فظيعه رغم هلشي ولا ندمانه الله يوفق الجميع يارب كلبي انتي
نصيحتي لطلاب دفعة 25 ،وودي كل طلاب يطبقوها لان بتسهل عليهم دراستهم، كرر كل يوم تاج الذكر ، عجيبببب ينطيك راحة نفسية وصبررر وتحس الامور متسخرة الك من الله، و العين والحسد والسحر ما ياثرون بيك لان متحصن،، ويعتبر تحصين الك،،حتى مشاكلك وامورك المتعطلة كلها تنحل باذن الله بس كرره كلما تضوج او تريد تبدي تدرس او تنام او تاكل،، حرز التاج(لا اله الا الله وحده لا شريك له، له الحمد وله الملك وهو ع كل شيء قدير)،، ابدي استشعر ان لا يوجد لا استاذ ولا اي شخص قادر يحققلك شيء غير الله، اذا أمر الله ان ما تفهم شيء فعلياّ محد راح يساعدك،،فكرر التوحيدد واعتمد ع الله بالذكرر، وكلما انسد بوجهك باب گول الله لا اله الا هو، هو راح يساعدني وشوف المعجزززات من تجررررربة
ميخالف الله ويانه انا هم اريد اعيد احس راح اطلع المعدل الي ببالي واوصل لحلمي لان جان الغلط مني وما درست زين ابد ما درست بس بالمراجعه طاح حظي وما لحكت وهاي اني عود جنت كله من الاوائل رابع وخامس معدلي فوك ٩٥ بس ما عرفت شنو اسوي وشلون انظم وقتي وحياتي تخربطت وهم ما جان عندي مكان معين ادرس بيه وحياتي مخربطه ف كلت ابدي كلشي من جديد ولا تخافين الله ويانه
اختي القرار قرارج لا تسمحين لاي أحد يدخل بقراراج ويكلج كذا وخرابيط لان أنتِ ادرى بنفسج وطاقتج وقرارج وتعرفين مصلحتج وتذكري الله بعد كل هذا التعب راح ينطيج الشي الجنتي تحلمين بي +بالتوفيق
شوفي اني دفعة 2024 بقاالي 14 يوم وامتحان ان شاءالله نصيحه لوجه الله اقري بملازم وحاولي انچ تضغطين على نفسچ حتى تكملين شكم ماده قبل المدرسه لئن بالمدرسه ما راح تكملين كلشي
اخوان اني هم راح اعيد قبل الامتحانات ب يومين قررتت اعيد وكعدت عطله اسبوعين وراها قررت امتحن وهم قررت اعيد وهكذا اربع مرات حاولت وفقدت الشغف قررت اعيد ف صارلي اسبوعين كاعدة بس احس كل ما اريد ابدي بقوة مادري يجيني شغور غصه وماقره
الي يردون معدلات من 50الى93 موازي قبل متعيدون امتحنوا عدكم دور أول وتاني واحتمال يجي دور ثالث وتحميل كلشي يصير أني معيدة 23تندمت أنو مستغليت دور ثالث وتحميل العام جان رسوب هواي فاطونا دور 3وتحميل احتمال كبير هالسنة هم يطونا
طبعا زين قررتي من هسه تعيدين اني سنه ثانيه بس شنو قررت اعيد من دور ثالث وممتحنته رجعت للمدرسه بادين امتحانات شهر اول اصلن ماكدر ادرس من تعب حتى درجاتي مو زينات بس الاعاده اكثر شي يعتمد على طالب وصبره وان شاء الله هل سنه تعوضيها
انصحج تأجلين للدور ثاني كلهن ومن اليوم ليوم دور 2 عندج بل 100 يوم تكملين بيها كل مواد وتراجعين هم خلي 60 يوم للمواد وقسمي وهاي ويبقالج وقت مراجعة وامتحني وذا معجبج عيدي لان الاعادة من تجي ببالج تحسين امور سهلة وان اي وحقرا وهيج بس سالفه صعبة وخاصة تكدرين تختصرين الاعادة بل فكرة الي كتلج عليها عندي صديقتي العالم اجلت4 وطلعت، ممعدل 98 معليج بل يكولون دور2 وهاي لا جذب اليقرا كل شيء يجيب100
ربي يوفقج 🩷 اني هم راح اعيد هاي السنة وبالنسبة للطلاب الي يقولون اكبر غلط وهيج اعرف هو نوع من التشجيع واحد يكمل وما يستسلم بس خلينا واقعيين" هو باقي اسبوعين الي ماقاري اكيد يعيد وخصوصاً اذا يريد معدل عالي يعني اني بالگوة دخلت وزاري واريد معدل ٩٧ مستحيل هو كل واحد يعرف نفسه ومو عيب اذا انت وصلت لهيج مرحلة وانت ماقاري او سختت وصار عندك اهمال عادي كلنا بشر ونغلط بس العيب اذا عدت وماتعلمت من أغلاطك اي شي وعدت نفس الخطأ" هذا الكلام جنت اتمنى اسمعه واتمنى احد يحجيلي هيج من قررت اعيد لان بالنهاية الي يعيد مو شخص استسلم بالعكس عنده صبر واصرار اكثر وبالنهايه ماكو حلم جبير يجي بسهولة ❤️
@@zoozal18 يروحي الله يصبرج عليهم بس 🤲🤍 دائماً اگول البنت ميصير يسمعوها كلام مو حلو ولا يأذوها ربي يهديهم عليج و باوعي بس لا تستعجلين وتقارنين نفسج بغيرج شوي شوي وتصير عندج الامور تمام صدقيني، وربي ينطيج القوة وتتحملين شدي حيلج هاي السنة علمود مستقبلج وخليهم يتندمون لان رادو يبطلونج + شلون يعني متعرفين تدرسين؟ يعني قصدج طريقة الدراسة لو شنو بس قولي اي سؤال محتاجة واني موجودة ان شاءالله اساعدج باللي اقدر عليه وربي يوفقج وتوصللين للي تستاهلي 🤲❤️
@@callmeZJ7 ياروحي اقصد ان. بقى على الامتحانات ١٢ يوم هيج واني اريد معدل عالي واني باول افصل درستهم من كل مادة ونسيتهم لان صار سنة من درست ،، وحاولت ورب العرش حاولت لدرجة وصلت مرحلة الزم كتاب اموت بجي اريد بس ادرس مكدر والوقت فضيع
@@zoozal18 حبيبتي اذا تريدين معدل عالي ومتأكدة متقدرين تطلعينه السنة يعني تعرفين روحج ماقارية شي من المواد ماكو حل غير تعيدين، + لاتبجين حبيبتي انتي قوية والله يشوفج تتعبين مستحيل يضيع تعبج حتى اذا تأخر سنة او سنتين بالنهاية راح تحصلين الي تستاهلينه بإذن الله 🤲💓 احس كتبت جريدة الصباح بس اتمنى تفهمين😂❤️❤️…… بالنسبة للنسيان هو مشكلة كل طلاب السادس واني جنت من ضمنهم 🥲سبب النسيان هو المادة انتركت فترة طويلة وخصوصاً مادة السادس مو صعبة بس ضخمة كلش زين هسة الحل شنو؟ لازم تغيرين الفكرة الي ماخذتها عن الدراسة السر هو؛ *بالسادس المراجعة اهم بهوااي من التقدم بالمادة* يعني انتي اذا كلش مهتمة بالمعدل اكيد راح تخلين هدفج تخلصين المواد وتضبطيهن لازم تخلين جدول خاص انتي تسوينه بي كوومة مراجعة للمواضيع لان التقدم ميفيد اذا متراجعين تنسين الاول والتالي وهذا شي طبيعي المعلومة الي متراجعيها وتتركينها عقلج راح يحسبها معلومة غير مهمة لان ماجاي تستعمليها ولا تعيديه فيمسحها وبالتالي نسيتي كلشي… اتمنى وصلت الفكرة اذا خلصتي موضوع واثنين وراجعتيهن وعدتي نفس الشي هاي خلصتي فصل وانتي كل مواضيعه مراجعتها يعني ضبطتي الفصل وارتاحي وحلي وزاريات وانتي فرحانة🥳🎉 ضبطتي الفصل وسوي نفس الشي ب باقي الفصول وخلصتي المادة وطبقي نفس الطريقة على باقي المواد بس هذا الموضوع وهذي النتيجة الحلوة المفرحة متجي بسهولة ابدد ولا بسرعة لازم وقت واستمرار مو سهلل ابد يعني شي متعب مرات تحسين بملل او يأس لا تستسلمين ابداً واتذكري المراجعة ثم المراجعة ثم المراجعة صح تعب بس النتيجة حلوة وتستاهل والله مستقبلج يسوى كل التعب علموده + اسفة اذا التعليق كلش طويل بس ماعرفت اشرح بغير كلام اتمنى وصلت الفكرة ، وكل التوفيق ان شاءالله 🤲💗💗 + اذا تحتاجين شي قولي حتى ادزلج معرفي التلي مالتي.
ثقي بقرارج وكوني كد مسؤوليه لان قرار هذا يتخذوه بس أبطال وعندهم شغل وحلم وطموح بس بنفس وقت نصيحه ادخلي اجواء امتحان حتى لو بس تروحين شوفين شنو جو وشنو نمط حتى سنه جايه متتفاجئن بنمط أو تكون عندج رهبه من اسئله وبتوفيق ❤
كمية الاحَباطات اللي بالتعليقات مو طبيعية! يعني اللي جرب وفشل مو معناها الكُل راح يفشل اذا انتَ رجعت كررت الاخطاء فـ هذي مو معناها الكُل راح يكرر نفس الشي بالنهاية الانسان عندة ارادة والارادة تصنع المُستحيل واللي عندة هدف فـ هذا ما راح ينخاف عليَ ابداً انتَ تحدد هل راح تتفوق او راح تفشل وانت بهذي التجربة وانا عن نفسي اتكلم من سابع المُستحيلات استمع لأي تجربة لشخص اذا كانت نجاح او فشل انا اللي اصنع فشلي ونجاحي ما اگعد استمع لكمية الاحباطات واوهم نفسي بشيء اسمة (ماكو واهس وملل)هذي المصطلحات الناس طلعتها اللي تدل على الفشل يمكن اول مرة اشارك قصتي واول مرة اكتب تعليق . بس انا مريت بالاعادة ولكن بمرحلة الخامس اعدادي اعرف راح تستغربون الامر ولكن نعم عدت سنة دراسية كاملة اللي المفروض هي مايحتاجلها اعادة ولكن بسبب مرضي حفظكم الله هملت دراستي رغم تفوقي بالمراحل الدراسية السابقة ومررت بفترة الخذلان والندم ولكن بالنهاية الأمر ليس بيدي وهذهِ حكمة الله وبالنهاية الله عز وجل وفقني ونجحت الى السادس الاعدادي وتفوقت بُمعدل 99.29 وكل ما بالامر (لا يوجد مستحيل فقط ضع هدفك وامضي) والتوكل على الله هو من اسباب التوفيق وادعوا الله ان يحقق مُرادكم واحلامكم❤️
@@I0t_5 حَبيبتي اول شي الله يسهل عليكم الامتحانات ثانياً ماكو شي بالحياة سهل صدگيني كُل خطوة نخطيها هي صعبة واكيد وانا وياج الاعادة حرب نفسي تُعتبر ويمكن يصير خمول بس يعني شنو قابل نهاية العالم؟ طبعاً لا وهسه انتِ ليش جربتي تعيدين مو حتى توصلين لحلمج وتشوفين نفسج فرحانة بالتخصص اللي راح تدرسي فـ نصيحة اتركي كُلشي يسببلج احباط وركزي على المواد واهم شي القرآن اهم من كل شي صدگيني من بعد كُل دراسة واستراحة تقرين قرآن راح تشوفين فد شي عظيم بالحفظ والفهم ويارب تطلعون بنتائج تفرحكم وتزيح همكم وتصير سوالف.
نصيحة من طالب معيد .. انتِ بعد اتخذتي قرارج بخصوص الإعادة لان شفتي هذا الشي الصح والأنسب الج لذلك لا تسمعين كلام ناس والي يحجون سلبي لان كل طالب يمثل نفسه .. وبالتوفيق ان شاء الله
اني هم قررت اعيد وقررت ابدي من جديد ومن وكت ادري بنفسي اجيب معدل ب ٨٠ لان مخلصة من المواد هواي بس ما يفيدني هيح معدل واني اعرف بنفسي كلش زين هذا القرار بصالحي واثقة بنفسي انو اذا بديتها صح من البداية راح احقق اللي في بالي واني كد قراري كتبت التعليق 2024/5/26 رجعوني السنة الجاية
@@I6bi لا عادي أتحملت الاصعب ماتحمل هاي بس هوه شويه خوف لان أول سنه وأول مره أعيد ف شويه متوتره أصلاً أريد أعيد لان ثاقه بنفسي أجيب معدل عالي اذا أعيد +++الانكليزي هالسنه صُدك ح يتغير؟
ليش تعيدين حرامات ولله ما مكمله مادة اجلي كل المواد دور ثاني وعندج شهرين ونص حرامات علمود شهرين ونص تعيدين سنه واكثر من سنه ولله ما يصير عندج طاقه يعني جربي هل السنه فترة المراجعه وبالكوة انت جاي تدريسين مو سنه ثانيه
