صرف ایک یتیم بچے کو پتہ ہوتا ہے کہ باپ کے بغیر زندگی کتنی تلخ ہوتی ہے۔ خاص طور پر اگر یتیم بچہ غریب گھرانے کا ہو۔ رشتہ دار اس کی مدد اور سرپرستی کی استطاعت نہ رکھتے ہوں اور اس کو سر چھپانے کے لئے جانوروں کے بھاڑے میں یا کسی گھر کے گودام میں رہنا پڑتا ہو۔
میرے فرسٹ کزن نعیم اللہ نے ایسے چار سو یتیموں کے لئے نہ صرف چھت فراہم کی ہے، بلکہ انہیں نئے جوتے، نئے کپڑے، عیدین، سالگرے اور دیگر تقریبات پر تحائف، بہترین، صاف ستھرا، نہایت آرام دہ رہائش، صبح ’ماوں‘ کے ذریعے انہیں سکول کے لئے تیار کرنے، بہترین سکولنگ اور یہاں تک کے اعلیٰ تعلیم تک کے انتظامات کئے ہیں۔
اگر آپ کو میری بات مبالغہ لگتی ہے، تو آپ حق بجانب ہیں۔ لیکن آپ ایک بار سوات میں پرورش ہوم دیکھ لیں تو میری طرح اپنے آنسووں کو قابو نہ رکھ سکیں گے۔
میں نے کئی بار پرورش ہوم کے بارے میں لکھنے کی کوشش کی، لیکن لفظ اپنی کم مائیگی کی شکایت کرنے لگتے ہیں اور مجھے لگتا ہے کہ میرے پاس وہ الفاظ نہیں، جن سے پرورش آرگنائزیشن کی تعریف کر سکوں۔
ساٹھ کنال پر مشتمل ایک عظیم تعلیمی، رہائشی اور تربیتی منصوبہ کی تکمیل ویسے بھی کوئی آسان کام نہیں، لیکن ایف اے ٹی ایف قانون کے بعد سمندر پار سے آنے والی عطیات میں مزید مشکلات سامنے آگئی ہیں جن کی وجہ سے پرورش انتظامیہ کو مالی مشکلات کا سامنا ہے۔ پرورش کا مالیاتی نظام نہایت شفاف ہے۔ ہر سال تھرڈ پارٹی آڈٹ ہوتا ہے۔ ایف بی آر سے ٹکس استثنی سند کی وجہ سے ٹیکس دہندہ گان اپنا واجب الادا ٹیکس یا اس کا کچھ حصہ سرکار کی بجائے براہ راست پرورش کو دے سکتے ہیں، یہ بھی ان کے حسن انتظام کی ایک نشانی ہے۔
پرورش پر لکھنا ہو تو پوری کتاب بھی کم ہے۔ لیکن فی الحال اسی کو کافی سمجھ لیں اور وقت ہو تو یہ ویڈیو ضرور دیکھ لیں۔ پرورش کی مدد ایک انسانی، اسلامی اور قومی فریضہ ہے۔ اپنے زکوۃ، صدقات، خیرات اور غمی خوشی میں اس ادارے کو یاد رکھیں، جو ہم سب کی نجات کا ذریعہ بن سکتا ہے۔
رابطہ کے لئے پرورش کے ڈائریکٹر نعیم اللہ کا وٹس ایپ اور ایزی پیسہ نمبر
03449224444
عطیات کے لئے بنک الحبیب کا اکاؤنٹ نمبر
55330081002681019
حبیب بنک اکاؤنٹ نمبر
02217900842103
دونوں اکاونٹس کا ٹائٹل ہے
Parwarish Organization
20 сен 2024