योगेश्वर विद्यालय दावचवाडी
योगेश्वर विद्यालयात वारी सोहळा संपन्न
दावचवाडी येथे आज दिनांक 17 रोजी देवशयनी आषाढी एकादशी निमित्त शालेय विद्यार्थ्यांनी वारीचे आयोजन केले. संस्थेचे विश्वस्त प्रभाकर कुयटे, स्कूल कमिटी सदस्या शिलताई आहिरे,मुख्याध्यापक एन. डी. शिरसाट,ग्रामस्थ यांच्या हस्ते पुजा पार पडली. या मध्ये माऊलींची पालखी, विठ्ठल रुक्मिणीच्या वेशभूषेत विद्यार्थी, टाळकरी, विनेकरी सहभागी झाले होते. ह. भ. प. गायकवाड महाराज व विद्यार्थी भजनी मंडळाने वारकरी संप्रदयातील विविध भजने, गवळण, अभंग, गायली. नंतर दावचवाडी गावातून शिस्तबद्ध वारीचे संचलन करण्यात आले. गावकर्यांनी वारीचे व पालखीचे स्वागत करत पूजन केले. गावातील हनुमान मंदिरासमोर रिंगण सोहळा भजन, फुगड्यानी परिसर भक्तिमय झाला. सदर कार्यक्रमासाठी मुख्याद्यापक, सर्व शिक्षक, शिक्षकेतर कर्मचारी आदींनी परिश्रम घेतले.
15 окт 2024