एव्हरेस्ट बेस कॅम्प -एक सुंदर हिमस्वप्न
‘कृष्णकमळ’ सादर करीत आहे- डॉ माधव पुराणिक यांनी लिहिलेले प्रवासवर्णन - एव्हरेस्ट बेस कॅम्प -एक सुंदर हिमस्वप्न.
लेखकाने व त्याच्या पत्नीने, युवाशक्ती या संस्थेच्या, हिमालयातील अति उंचीवरच्या पस्तीस दिवसांच्या परिभ्रमण मोहिमेत भाग घेतला. मोहिमेची सुरवात ४५०० फुटांवरच्या काठमांडू या शहरापासून झाली. वीस हजार फूटांवरच्या एव्हरेस्ट बेस कॅम्प या ठिकाणी जाऊन परत येताना , १५७०० फूटांवरच्या गोकियो लेकच्या वेगळ्या मार्गाने, ही मोहिम काठमांडूला परतली.
हा सर्व दऱ्याखोऱ्यांतला, बर्फाळ वातावरणातला प्रवास सुंदर, चित्तथरारक व रोमांचकारी होता. हिमालयातील निसर्गसौंदर्याला लेखकाने, ऊस्फूर्त शब्दांद्वारे दिलेला, हा तरल प्रतिसाद आहे. या भव्य पार्श्वभूमीवर स्वतःच्या व इतर सहप्रवाशांच्या मनात उठणाऱ्या भावनांची आंदोलनेही, लेखकाने सहजतेने टिपली आहेत.
लेखकाने ‘आकाशामधलं, हिमशिखरांमधलं गूढ व अद्भुत’ टिपलेलं आहे.
गोरक्षेपहून लेखकाला व त्याच्या पत्नीला झालेले माउंट एवरेस्टचे दर्शन अलौकिक व अनुपम होते. हिमशिखरांच्या मालिका, हिमनद्यांच्या शेजारुन जाणाऱ्या पायवाटा, हिमवर्षावाचा रौद्रपणा व हिमस्फटिकांच्या चमकणाऱ्या प्रकाश छटा लेखकाने काव्यात्मकतेने टिपल्या आहेत.
सादर करित आहोत-
एव्हरेस्ट बेस कॅम्प- एक सुंदर हिमस्वप्न भाग १ ,
अभिवाचक -श्री. विजय घमंडे
2 июл 2024