कोकणातल्या सामाजिक मुद्द्यांवर बोलायला हवं. इथल्या प्रश्नांवर चर्चा व्हायला हव्यात. इथल्या संपन्नतेवर बोलायला हवं. कोकणातली वैशिष्टे, नैसर्गिक देण, नव्या मिळकती ह्यांवर उत्साही चर्चा व्हायला हवी. इथल्या कला-संस्कृतीवर भरभरून बोलायला हवं, कौतुक करायला हवं... आणि सामाजिक अडचणींवर उपाय शोधायला हवेत.. म्हणूनच आम्ही अगदी बेसिक पासून बोलायचं ठरवलंय.. त्यासाठीचा हा प्रयत्न Back to Basic; झो मुदातच! .. प्रतिक्रिया नक्की कळवा!
Sponsor: Vinod Waingankar-Hotel Waingankar
Production Team: Dipti Vahalkar, Shreya Jadhav, Manasi Pathare
Concept and Host: Pradeep Shivgan
Special Thanx:Rajendraprasad Masurkar
आर्थिक सहकार्यासाठी -
Gpay/Phone pay: 7559461646 (Kz creative)
Bank Details
A/c Name: Kz Creative
A/c: 12761100000115
Bank: Punjab and Sind Bank
IFSC: PSIB0021276
Branch: Shivaji Nagar, Ratnagiri.
#social #motivation #rural #public #interview #history
मसुरकर सरांचा अल्पपरिचय:👇
राजेंद्रप्रसाद सखाराम मसुरकर हे रत्नागिरी शहर परिसरात राहणारे एक ज्येष्ठ पत्रकार. रत्नागिरी जिल्ह्यातील मंडणगड तालुक्यात जन्म आणि लहानपण गेल्यावर रत्नागिरी इथल्या 'आयटीआय'चा मोटार मेकॅनिक अभ्यासक्रमात प्रथम क्रमांकाने उत्तीर्ण होऊन त्यांनी पुण्याच्या 'बजाज ऑटो' कंपनीत नोकरी मिळवली. त्यानंतर पुणे विद्यापीठाचा पत्रकारिता अभ्यासक्रम पूर्ण केला, याबरोबरच 'असोसिएट मेंबर ऑफ इन्स्टिट्यूट ऑफ मेकॅनिकल इंजिनिअर्स' अर्थात AMIME ही पदवी प्राप्त केली. इतिहास आणि राज्यशास्त्र हे विषय घेऊन टिळक महाराष्ट्र विद्यापीठातून एमए पूर्ण केलं.
पुण्याच्या 'संध्या' या दैनिकातून त्यांनी बातमीदारीचा प्रारंभ केला. त्यानंतर रत्नागिरीतील वेगवेगळ्या वृत्तपत्रांसाठी विपुल लेखन केलं. चाकोरीबाहेरच्या विषयांवरील बातम्या, जागतिक घडामोडींवरील स्तंभलेखन आणि राजकीय- सामाजिक - विषयांवरील रविवार पुरवणीतील लेखन या माध्यमातून त्यांनी समाजप्रबोधनाचं सातत्याने काम केलं. सर्वात उल्लेखनीय गोष्ट अशी की मोटारवाहन या विषयाला वाहिलेलं पहिलं मराठी मासिक 'मोटार जगत' या नांवाने त्यांनी १९९७ साली सुरू केलं. त्यातून मोटारगाड्यांबद्दल तांत्रिक आणि बाजारपेठेची माहिती देतानाच रस्ता सुरक्षा या विषयावर मोलाचं प्रबोधनकार्य त्यांनी केलंय. पुण्यात 'साने गुरुजी कथामाला' या संस्थेच्या माध्यमातून समाजकार्याचाही अनुभव त्यांच्या गाठीशी आला.
पत्रकारिता, इतिहास, राज्यशास्त्र यांपासून मोटार दुरुस्ती आणि ड्रायव्हिंगपर्यंत अनेक विषयांचे शिक्षक अशी मसुरकर सरांची एक ओळख आहे. आणखी एक ओळख म्हणजे ते लेखक आहेत. रत्नागिरीचे सुपुत्र आणि ख्यातनाम चरित्रकार धनंजय कीर यांचं चरित्र मसुरकर सरांनी लिहिलंय. विशेष म्हणजे मराठी आणि इंग्रजी या दोन्ही भाषांमध्ये त्यांनी या चरित्राची स्वतंत्र पुस्तकं लिहिलीत. पत्रकारिता, सुरक्षित वाहतूक, इंग्रजी संभाषण कौशल्य या विषयांवरही त्यांनी सोप्या भाषेत अभ्यासपुस्तिका लिहिल्यात. 'राज्यघटना आणि नागरिक' या त्यांच्या अलीकडेच प्रसिद्ध झालेल्या पुस्तकाला वाचकांचा चांगला प्रतिसाद मिळाला.
मसुरकर सरांचं वैशिष्ट्य म्हणजे ते मराठी आणि इंग्रजी या दोन्ही भाषांतून ते सारख्याच सहजतेने लिहितात. धनंजय कीर यांनी लिहिलेल्या लोकमान्य टिळक चरित्राचा त्यांनी मराठीत अनुवाद केला आणि दत्तात्रेय अनंत आपटे यांनी लिहिलेल्या 'झोपाळ्यावरची गीता' या ओवीबद्ध पुस्तकाचं काव्यरूप इंग्रजी भाषांतर केलंय.
विविध विषयांवरची दोन हजार पुस्तकं आणि हजारो कात्रणं संग्रही ठेवणाऱ्या मसुरकर सरांनी कोंकणचा इतिहास, संस्कृती, कोंकण- विकास आणि समस्या याबद्दल भरपूर प्रासंगिक लेखन केलंय. आजच्या या मुलाखतीत कोंकणासंबंधी त्यांच्याकडून आपल्याला खूप मनोरंजक माहिती मिळेल.
6 июл 2024