विश्व मानचित्रमा नेपालको भौगोलिक अवस्थिति जसरी भिन्न छ, विश्वका झण्डाहरुको लहरमा पनि नेपालको झण्डा बेग्लै छ। इतिहासको प्रारम्भिक कालदेखि नै अस्तित्वमा रहे पनि यसलाई एकरुपता दिने गरी भने २ हजार १९ सालमा इञ्जिनियर शंकरनाथ रिमालले गरेका हुन् । तिनै रिमालले आफ्ना कृतिको प्रदर्शनी काठमाडौंको नक्सालस्थित घरमै गरिरहेका छन् । केहीबेर लागौं त्यही प्रदर्शनीस्थलतर्फ ।
नेपाल संयुक्त राष्ट्रसंघको सदस्य राष्ट्र बन्दै थियो । मुलुकको पहिचान खुलाउने झण्डाको स्थिर स्वरूप भने बनिसकेको थिएन । कहिले सूर्य माथि त कहिले चन्द्रमा माथि भएको दुई त्रिकोण जोडिएको ध्वजा प्रचलनमा थियो । त्यति नै बेला नेपालको संविधान २ हजार १९ बनाउँदै गर्दा झण्डाको प्रसंग आयो । इञ्जिनियर शंकरनाथ रिमालले ऐतिहासिक झण्डालाई नै वैज्ञानिक रुपमा विश्लेषण गर्न सक्ने गरी गणितीय हिसाब निकाले । रातो भुइँमा निलो घेरा भएको, माथिल्लो त्रिकोणमा चन्द्रमा र तल्लो त्रिकोणमा सूर्य रहने गरी झण्डाको आकृति बनाए ।
विश्वलाई पूर्वीय दर्शन अनुसार फरक स्वरुपमा झण्डा बनाएका रिमालले सहिद गेट, जनकपुरको रामानन्द द्वार, पशुपतिको उन्मत्त भैरवको मन्दिर लगायत धार्मिक तथा ऐतिकासिक स्मारक समेत बनाएका छन् । कलाकार रिमाल कुनै घटना विशेषमा निर्माण गरिने स्मारक बनाउँदा समेत समयकाल फेरिँदा पनि त्यस परिस्थितिलाई जीवन्त राख्न सक्ने बनाउनुपर्ने मान्यता राख्छन् ।
नेपालको छुट्टै पहिचान हुने झण्डालाई वैज्ञानिक ढंगले एक रुपता दिएका रिमालले राजधानी बाहिर धेरै सहरलाई आधुनिक स्वरुपमा व्यवस्थित सहरको निर्माण गरेका थिए । यिनै रिमालले विभिन्न समयमा रचना गरेका कृतिलाइ आफ्नै घरमा प्रदर्शनीमा राखेका छन् ।
Kantipur TV HD को सम्पूर्ण कार्यक्रम RU-vid मा समयमै हेर्न र कार्यक्रम बारे जानकारी प्राप्त गर्न हामीसँग RU-vid मा जोडिनुहोस् : www.youtube.co...
Click here to Download our Apps: www.kantipurtv....
Visit our Website: www.kantipurtv.com
Facebook: www.faceabook....
Twitter: / ourktv
Instagram: / kantipurtelevision
21 июн 2019