#वासुदेवसंगीतसभा #vasudevsangeetsabha #gangastroram #dattatraya #dattaguru #Gangaashtakam
रचना - प. प. श्रीमद् वासुदेवानंद सरस्वती स्वामी महाराज.
संगीतकार - सौ. अश्विनी मेढेकर , साऊरकर.
बासरी - श्री. श्रीहरी पुराणकर
संगीत संयोजक
श्री अजिंक्य श्रौती
ध्व्नीमुद्रण : (GLR bliss sound studio pune) जि.एल.आर.( ब्लिस साऊन्ड स्टुडिओ पुणे )
गायन - सौ अश्विनी साऊरकर.सौ कल्याणी कुळकर्णी
वासुदेव संगीत सभा, वेद वासुदेव प्रतिष्ठान, पुणे
श्रीगंगाष्टक -
माँ गंगा आणि प.प.श्रीमद् वासुदेवानंद सरस्वती स्वामी महाराज या माता-पुत्रांचा हा अद्वितीय आणि अत्यद्भुत असा संवाद.
भगिरथाने केलेल्या तपश्चर्येच्या निमित्ताने जी स्वर्गातून या भूमीवर अवतीर्ण झाली, प्रत्यक्ष भगवान शंकराने जिला स्वजटांमध्ये धारण केले आणि चारही युगांमध्ये समस्त जीवांचे पापक्षालन करीत तापत्रयाच्या विळख्यातून सोडवीत जी साधकाला शाश्वत सुख प्रदान करण्यासाठी अखंड प्रवाहित आहे, अश्या मातृस्वरुप गंगामातेला तिची करुणा भाकण्यासाठी थोरल्या महाराजांनी घातलेली साद.
दुर्लभ अश्या नरदेहाची प्राप्ती होऊनसुद्धा केवळ अज्ञानामुळे-सारासार विवेक न उमगल्यामुळे क्षणिक सुखांचा मागोवा घेत केलेले जीवनयापन, क्षणा-क्षणाला चाललेले सत् व दुष् प्रवृत्तींचे अंतरद्वंद्व-प्रसंगी भय व त्यामुळे निर्माण होणारी अकर्मण्यता आणि या साऱ्यांच्याच ओघात संपुष्टात येत असलेल्या जीवनप्रवासाची जाणीव.
साधनमार्गात अश्याप्रकारच्या अदम्य कोलहलामुळे गलबलुन गेलेला साधक- अविद्येच्या विळख्यातून सुटू न शकल्यामुळे निर्माण होणारी असह्य तळमळ-बोलून दाखवावी कुणाला? ऐकेल कोण? या सर्वामध्ये आपलीच चूक आहे हे ओळखून सुद्धा जवळ घेऊन ईप्सित पुरवील कोण? अश्या असंख्य प्रश्नाने व्याकुळ होतो.
अश्यावेळी या व्याकुळतेला शांत करून त्याला जवळ घेऊन अभय देऊ शकते ती 'आईच'
साधक-मुमुक्षु-सिद्ध या सर्वांवर पुत्रवत् प्रेम करणाऱ्या, सर्वांचीच तळमळ समभावाने जाणणाऱ्या व त्यांची तळमळ शांत करीत अतीव वात्सल्याने आत्मानंदरुपी अमृतस्तन्याने तृप्त करणाऱ्या या गंगामातेस पाहून तिच्या वात्सल्याच्या ओढीने साक्षात् दत्तरुप अश्या श्रीमद्वासुदेवांचे हृदय द्रवित झाले व श्रीमुखातून शब्द उमटले:
मला तारी गंगे सकलभयभंगे त्रिपथगे...
धर्म-अर्थ-काम-मोक्ष अश्या चारही पुरुषार्थविहीन व ज्ञान-भक्ती-कर्म-योग यांचा लवलेशही नसलेले जीवन आजन्म अतिघोर अश्या निद्रे व तंद्रेमध्ये काढल्याची खंत व त्यानिमित्ताने निर्माण झालेला खेद या नित्यजागृताने भगवती गंगेसमोर व्यक्त करीत अभय मागितले. कुणासाठी? तर तुमच्या-माझ्यासाठी.
या प्रार्थनेच्या नित्य पठणाने, या गुरु-गंगा संवादाच्या नित्य अनुसंधानाने माझ्या व आपल्या सर्वांच्याच जीवनामध्ये वृत्ती व विचारांचे जागेपण येवो ही थोरल्यामहाराज व गंगामातेच्या चरणी अनन्यभावाने प्रार्थना.
15 окт 2024