@colorsmarathi
शुभरायाचा मठी मिळवला वैकुंठीचा हरी पाहिली पंढरी सोलापुरी
नुकतीच आषाढी एकादशी झाली त्यानिमित्ताने....
(सोबत दिलेल छायाचित्र एकादशीचा रथयात्रेतील आहे त्यात सद्गुरू शंकर महाराज , श्री जनार्दन बुवा उर्फ जनू काका आणि इतर भक्त मंडळी)
शुभराय मठ सोलापूर येथे २०० वर्ष पेक्षा जुनी स्वयंभू वालुकामय पांडुरंगाची मूर्ती आहे.अनेक संत महात्म्यांनी त्याची पूजा देखील केली आहे त्यात अक्कलकोट स्वामीमहाराज आणि सद्गुरू शंकर महाराज ह्यांचा ही समावेश आहे.
आषाढी एकादशी आणि कार्तिकी एकादशी ह्या दोन दिवशी पांडुरंग सोलापूरची प्रदक्षिणा करतात.
यंदा रथयात्रेचे २३७ वे वर्ष आहे.
हा रथ शुभराय महाराजांचा मार्गदर्शनाखालीच तयार झाला होता. दोनशे वर्षाहून अधिक जुना रथ दुमडून ठेवता येईल असा तीन मजली, अष्टकोनी असलेला रथ. सगळीकडून खांब, वर मोठा पाट. खाली एकावर एक ठेवला तर पाच फूट बसलेला रथ बांधल्यावर २६ फूट होतो.रथात उत्सवमूर्ती ठेऊन काढण्यात येते. रथ बांधणीचा मान आणि उत्सवाचे नेतृत्व सोमवंशीयआर्य क्षत्रिय समाजाकडे शुभराय महाराजांनी दिली. यंदाची आषाढी एकादशी जणू जुन्या आठवाणीना उजाळा देणारी होती. शंकरमहाराज सोलापूरात असायचे तेव्हा रथयात्रेत अनेक वेळा सहभागी होत. यावर्षी कलर्स मराठी वाहिनी वरती प्रसारित होणारी स्वामी समर्थ, बाळूमामा, जय शंकर या मालिकेतील मुख्य भूमिका करणाऱ्या कलाकारांनी मठाला भेट दिली, छोटे शंकर महाराज भूमिकेतील कलाकार, त्यांची आई व वडिलांची भूमिका करणाऱ्या कलाकारानी रथ यात्रेत सहभाग नोंदविला आणि पुन्हा महाराजांची आठवण करून दिली.
जय शुभराय महाराज
जय शंकर महाराज
30 сен 2024