કાનુડા ને કહેજો કોઈ દી ગોકુળમાં  

કાનુડા ને કહેજો કોઈ દી ગોકુળ માં આવે રાત દિવસ તારી યાદ સતાવે
ખાવુ ના ભાવે મુજને પીવુ ના ભાવે
રાત દિવસ તારી યાદ સતાવે
જબકી ને જાગુ નીંદર ના આવે
ગોકુળની ગલીઓમાં તારા વાગે ભણકારા
માયા લગાડી ઓ મોરલીવાળા
રાત દિવસ તારી યાદ સતાવે
કાનુડા ને કહેજો કોઈ દિ વૈકુંઠ માં આવે
રાત દિવસ તારી યાદ સતાવે
કાના તારી સાથે પ્રીત બાંધી રંગ રસિયા
ગોકુળ છોડીને તમે મથુરા માં વસીયા
નંદ જશોદા ની તને દયા ના આવે
રાત દિવસ તારી યાદ સતાવે
વનરાવન ની વાટે તને શોધુ શામળિયા
સખીયો તો તને પાગલ ખોળે
ઝુરી ઝુરી જીવવુ હવે અમને ના ફાવે
રાત દિવસ તારી યાદ સતાવે
રાધા રાણી ને તમે ભૂલી ગયા છો
રાત દિવસ તારી યાદ સતાવે
કાનુડા ને કહેજો કોઈ દી ગોકુળમાં
રાત દિવસ તારી યાદ સતાવે
ખાવુ ના ભાવે મુજને પીવુ ના
રાત દિવસ તારી યાદ સતાવે