ஆன்மாவின் இயல்பு நிலை ஆனந்தம் என்பதை இந்த ஆரத்தி பாடலைக் கேட்கும் போது புரிகிறது. ஸ்ரீசந்திரசேகர சுவாமிகள் எழுதியுள்ள இந்த ஆரத்தி பாடலில் உள்ள ஒவ்வொரு வார்த்தையும் ஆழமான நம்பிக்கையை நம்முள் வளர்க்கிறது. * வேதனை மாற்றும் விளக்கே..., *எதை அறிந்தால் நான் தன்னை உணர்வேனோ..., * மூர்த்திகள் மூவருக்கும் அரசே... * அன்பெனும் ஜோதி வடிவே, அறிவெனும் ஞானச்சுடரே இப்படி குறிப்பிட்ட சில வார்த்தைகள் இன்னும் ஆழமான விளக்கத்தை தந்து புரிதலை அதிகமாக்குகிறது. நமது ஆரா எனும் தீயை ஒளிரச் செய்யும் இந்த ஆரத்தி... இந்த ஆரத்தி நமது வினைகளை எரித்து நிறைவான ஆனந்த அமைதியைத் தருவதாக அமைந்துள்ளது. "உன்னை வணங்கும் பக்தர் யாரும் கலங்கிடக்கூடாதே" என்ற வரிகளில் சற்குரு அப்பாவின் பிள்ளைகள் மீதான ஸ்ரீசந்திரசேகர சுவாமிகள் அவர்களின் பேரன்பை வெளிப்படுத்துகிறது. இப்படி ஒவ்வொரு வார்த்தைகளையும் கவனிக்கும் போது ஆன்மாவின் இயல்பு நிலையான ஆனந்தமும்... இப்படி ஒரு மகா சக்தி வாய்ந்த தெய்வத்திடம் நாம் இருக்கிறோம் என்று பேரானந்தம் ஏற்படுகிறது. மதுரை ஞானசபைக்கு இதயப் பூர்வமான நல்வாழ்த்துக்கள் மற்றும் நன்றிகள் 🙏
