#ekadashi #dwadashi #bhagavatam #parikshit #narayana #kavach #kavacham #narayanakavacham #நாராயணகவசம் #ஏகாதசி #துவாதசி
ௐ ஶ்ரீக³ணேஶாய நம꞉ .
ௐ நமோ நாராயணாய .
அத² ஶ்ரீநாராயணகவசம் .
ராஜோவாச .
யயா கு³ப்த꞉ ஸஹஸ்ராக்ஷ꞉ ஸவாஹான்ரிபுஸைனிகான் .
க்ரீட³ன்னிவ விநிர்ஜித்ய த்ரிலோக்யா பு³பு⁴ஜே ஶ்ரியம் .. 1..
ப⁴க³வம்ʼஸ்தன்மமாக்²யாஹி வர்ம நாராயணாத்மகம் .
யதா²(ஆ)ததாயின꞉ ஶத்ரூன் யேன கு³ப்தோ(அ)ஜயன்ம்ருʼதே⁴ .. 2..
ஶ்ரீஶுக உவாச .
வ்ருʼத꞉ புரோஹிதஸ்த்வாஷ்ட்ரோ மஹேந்த்³ராயானுப்ருʼச்ச²தே .
நாராயணாக்²யம்ʼ வர்மாஹ ததி³ஹைகமனா꞉ ஶ்ருʼணு .. 3..
விஶ்வரூப உவாச .
தௌ⁴தாங்க்⁴ரிபாணிராசம்ய ஸபவித்ர உத³ங்முக²꞉ .
க்ருʼதஸ்வாங்க³கரந்யாஸோ மந்த்ராப்⁴யாம்ʼ வாக்³யத꞉ ஶுசி꞉ .. 4..
நாராயணமயம்ʼ வர்ம ஸன்னஹ்யேத்³ப⁴ய ஆக³தே .
பாத³யோர்ஜானுனோரூர்வோருத³ரே ஹ்ருʼத்³யதோ²ரஸி .. 5..
முகே² ஶிரஸ்யானுபூர்வ்யாதோ³ங்காராதீ³னி வின்யஸேத் .
ௐ நமோ நாராயணாயேதி விபர்யயமதா²பி வா .. 6..
கரந்யாஸம்ʼ தத꞉ குர்யாத்³த்³வாத³ஶாக்ஷரவித்³யயா .
ப்ரணவாதி³யகாராந்தமங்கு³ல்யங்கு³ஷ்ட²பர்வஸு .. 7..
ந்யஸேத்³த்⁴ருʼத³ய ஓங்காரம்ʼ விகாரமனு மூர்த⁴னி .
ஷகாரம்ʼ து ப்⁴ருவோர்மத்⁴யே ணகாரம்ʼ ஶிக²யா தி³ஶேத் .. 8..
வேகாரம்ʼ நேத்ரயோர்யுஞ்ஜ்யான்னகாரம்ʼ ஸர்வஸந்தி⁴ஷு .
மகாரமஸ்த்ரமுத்³தி³ஶ்ய மந்த்ரமூர்திர்ப⁴வேத்³பு³த⁴꞉ .. 9..
ஸவிஸர்க³ம்ʼ ப²ட³ந்தம்ʼ தத் ஸர்வதி³க்ஷு விநிர்தி³ஶேத் .
ௐ விஷ்ணவே நம இதி .. 10..
ஆத்மானம்ʼ பரமம்ʼ த்⁴யாயேத்³த்⁴யேயம்ʼ ஷட்ஶக்திபி⁴ர்யுதம் .
வித்³யாதேஜஸ்தபோமூர்திமிமம்ʼ மந்த்ரமுதா³ஹரேத் .. 11..
ௐ ஹரிர்வித³த்⁴யான்மம ஸர்வரக்ஷாம்ʼ
ந்யஸ்தாங்க்⁴ரிபத்³ம꞉ பதகே³ந்த்³ரப்ருʼஷ்டே² .
த³ராரிசர்மாஸிக³தே³ஷுசாப-
பாஶாந்த³தா⁴னோ(அ)ஷ்டகு³ணோ(அ)ஷ்டபா³ஹு꞉ .. 12..
ஜலேஷு மாம்ʼ ரக்ஷது மத்ஸ்யமூர்தி-
ர்யாதோ³க³ணேப்⁴யோ வருணஸ்ய பாஶாத் .
ஸ்த²லேஷு மாயாவடுவாமனோ(அ)வ்யாத்
த்ரிவிக்ரம꞉ கே²(அ)வது விஶ்வரூப꞉ .. 13..
து³ர்கே³ஷ்வடவ்யாஜிமுகா²தி³ஷு ப்ரபு⁴꞉
பாயாந்ந்ருʼஸிம்ʼஹோ(அ)ஸுரயூத²பாரி꞉ .
விமுஞ்சதோ யஸ்ய மஹாட்டஹாஸம்ʼ
தி³ஶோ வினேது³ர்ன்யபதம்ʼஶ்ச க³ர்பா⁴꞉ .. 14..
ரக்ஷத்வஸௌ மாத்⁴வனி யஜ்ஞகல்ப꞉
ஸ்வத³ம்ʼஷ்ட்ரயோன்னீதத⁴ரோ வராஹ꞉ .
ராமோ(அ)த்³ரிகூடேஷ்வத² விப்ரவாஸே
ஸலக்ஷ்மணோ(அ)வ்யாத்³ப⁴ரதாக்³ரஜோ(அ)ஸ்மான் .. 15..
மாமுக்³ரத⁴ர்மாத³கி²லாத்ப்ரமாதா³-
ந்நாராயண꞉ பாது நரஶ்ச ஹாஸாத் .
த³த்தஸ்த்வயோகா³த³த² யோக³நாத²꞉
பாயாத்³கு³ணேஶ꞉ கபில꞉ கர்மப³ந்தா⁴த் .. 16..
ஸனத்குமாரோ(அ)வது காமதே³வா-
த்³த⁴யஶீர்ஷா மாம்ʼ பதி² தே³வஹேலனாத் .
தே³வர்ஷிவர்ய꞉ புருஷார்சனாந்தராத்
கூர்மோ ஹரிர்மாம்ʼ நிரயாத³ஶேஷாத் .. 17..
த⁴ன்வந்தரிர்ப⁴க³வான்பாத்வபத்²யா-
த்³த்³வந்த்³வாத்³ப⁴யாத்³ருʼஷபோ⁴ நிர்ஜிதாத்மா .
யஜ்ஞஶ்ச லோகாத³வதாஞ்ஜ்ஜனாந்தா-
த்³ப³லோ க³ணாத்க்ரோத⁴வஶாத³ஹீந்த்³ர꞉ .. 18..
த்³வைபாயனோ ப⁴க³வானப்ரபோ³தா⁴-
த்³பு³த்³த⁴ஸ்து பாக²ண்ட³க³ணப்ரமாதா³த் .
கல்கி꞉ கலே꞉ காலமலாத்ப்ரபாது
த⁴ர்மாவனாயோருக்ருʼதாவதார꞉ .. 19..
மாம்ʼ கேஶவோ க³த³யா ப்ராதரவ்யா-
த்³கோ³விந்த³ ஆஸங்க³வமாத்தவேணு꞉ .
நாராயண꞉ ப்ராஹ்ண உதா³த்தஶக்தி-
ர்மத்⁴யந்தி³னே விஷ்ணுரரீந்த்³ரபாணி꞉ .. 20..
தே³வோ(அ)பராஹ்னே மது⁴ஹோக்³ரத⁴ன்வா
ஸாயம்ʼ த்ரிதா⁴மாவது மாத⁴வோ மாம் .
தோ³ஷே ஹ்ருʼஷீகேஶ உதார்த⁴ராத்ரே
நிஶீத² ஏகோ(அ)வது பத்³மநாப⁴꞉ .. 21..
ஶ்ரீவத்ஸதா⁴மாபரராத்ர ஈஶ꞉
ப்ரத்யூஷ ஈஶோ(அ)ஸித⁴ரோ ஜனார்த³ன꞉ .
தா³மோத³ரோ(அ)வ்யாத³னுஸந்த்⁴யம்ʼ ப்ரபா⁴தே
விஶ்வேஶ்வரோ ப⁴க³வான் காலமூர்தி꞉ .. 22..
சக்ரம்ʼ யுகா³ந்தானலதிக்³மனேமி
ப்⁴ரமத்ஸமந்தாத்³ப⁴க³வத்ப்ரயுக்தம் .
த³ந்த³க்³தி⁴ த³ந்த³க்³த்⁴யரிஸைன்யமாஶு
கக்ஷம்ʼ யதா² வாதஸகோ² ஹுதாஶ꞉ .. 23..
க³தே³(அ)ஶநிஸ்பர்ஶனவிஸ்பு²லிங்கே³
நிஷ்பிண்டி⁴ நிஷ்பிண்ட்⁴யஜிதப்ரியாஸி .
கூஷ்மாண்ட³வைநாயகயக்ஷரக்ஷோ-
பூ⁴தக்³ரஹாம்ʼஶ்சூர்ணய சூர்ணயாரீன் .. 24..
த்வம்ʼ யாதுதா⁴னப்ரமத²ப்ரேதமாத்ருʼ-
பிஶாசவிப்ரக்³ரஹகோ⁴ரத்³ருʼஷ்டீன் .
த³ரேந்த்³ர வித்³ராவய க்ருʼஷ்ணபூரிதோ
பீ⁴மஸ்வனோ(அ)ரேர்ஹ்ருʼத³யானி கம்பயன் .. 25..
த்வம்ʼ திக்³மதா⁴ராஸிவராரிஸைன்ய-
மீஶப்ரயுக்தோ மம சி²ந்தி⁴ சி²ந்தி⁴ .
சக்ஷூம்ʼஷி சர்மஞ்ச²தசந்த்³ர சா²த³ய
த்³விஷாமகோ⁴னாம்ʼ ஹர பாபசக்ஷுஷாம் .. 26..
யன்னோ ப⁴யம்ʼ க்³ரஹேப்⁴யோ(அ)பூ⁴த்கேதுப்⁴யோ ந்ருʼப்⁴ய ஏவ ச .
ஸரீஸ்ருʼபேப்⁴யோ த³ம்ʼஷ்ட்ரிப்⁴யோ பூ⁴தேப்⁴யோம்ʼ(அ)ஹோப்⁴ய ஏவ ச .. 27..
ஸர்வாண்யேதானி ப⁴க³வந்நாமரூபாஸ்த்ரகீர்தனாத் .
ப்ரயாந்து ஸங்க்ஷயம்ʼ ஸத்³யோ யே ந꞉ ஶ்ரேய꞉ப்ரதீபகா꞉ .. 28..
க³ருடோ³ ப⁴க³வான் ஸ்தோத்ரஸ்தோப⁴ஶ்ச²ந்தோ³மய꞉ ப்ரபு⁴꞉ .
ரக்ஷத்வஶேஷக்ருʼச்ச்²ரேப்⁴யோ விஷ்வக்ஸேன꞉ ஸ்வநாமபி⁴꞉ .. 29 ..
ஸர்வாபத்³ப்⁴யோ ஹரேர்நாமரூபயானாயுதா⁴னி ந꞉ .
பு³த்³தீ⁴ந்த்³ரியமன꞉ப்ராணான்பாந்து பார்ஷத³பூ⁴ஷணா꞉ .. 30..
11 окт 2024