అచ్యుతం కేశవం రామనారాయణం కృష్ణదామోదరం వాసుదేవం హరిమ్ | శ్రీధరం మాధవం గోపికావల్లభం జానకీనాయకం రామచంద్రం భజే || 1 || అచ్యుతం కేశవం సత్యభామాధవం మాధవం శ్రీధరం రాధికా೭రాధితమ్ | ఇందిరామందిరం చేతసా సుందరం దేవకీనందనం నందజం సందధే || 2 || విష్ణవే జిష్ణవే శంఖినే చక్రిణే రుక్మిణీ రాగిణే జానకీజానయే | వల్లవీవల్లభాయా೭ర్చితా యాత్మనే కంస విధ్వంసినే వంశినే తే నమః || 3 || కృష్ణ గోవింద హే రామ నారాయణ శ్రీపతే వాసుదేవాజిత శ్రీనిధే | అచ్యుతానంత హే మాధవాధోక్షజ ద్వారకానాయక ద్రౌపదీరక్షక || 4 || రాక్షస క్షోభిత స్సీతయా శోభితో దండకారణ్యభూ పుణ్యతాకారణమ్ | లక్ష్మణేనాన్వితో వానరై స్సేవితో అగస్త్య సంపూజితో రాఘవః పాతు మామ్ || 5 || ధేనుకారిష్టహానిష్టికృద్-ద్వేషిణాం కేశిహా కంసహృద్వంశికావాదకః | పూతనాకోపక స్సూరజా ఖేలనో బాలగోపాలకః పాతు మాం సర్వదా || 6 || విద్యుదుద్-యోతవత్-ప్రస్ఫురద్-వాససం ప్రావృడమ్-భోదవత్-ప్రోల్లసద్-విగ్రహమ్ | వన్యయా మాలయా శోభితోరఃస్థలం లోహితాంఘ్రిద్వయం వారిజాక్షం భజే || 7 || కుంచితైః కుంతలైః భ్రాజమానాననం రత్నమౌళిం లసత్ - కుండలం గండయోః | హారకేయూరకం కంకణ ప్రోజ్జ్వలం కింకిణీ మంజులం శ్యామలం తం భజే || 8 || అచ్యుతస్యాష్టకం యః పఠేదిష్టదం ప్రేమతః ప్రత్యహం పూరుష స్సస్పృహమ్ | వృత్తత స్సుందరం వేద్య విశ్వంభరం తస్య వశ్యో హరి ర్జాయతే సత్వరమ్ ||
10 авг 2020
