దిగుబడిలో భేష్ ఎల్.బి.జి -904 నూతన మినుము రకం|| New Black Gram Variety LBG - 904 || Karshaka Mitra
New Black Gram Variety LBG - 904.
Complete yellow vein mosaic Virus resistant Black Gram Variety LBG - 904.
పల్లాకు వైరస్ తెగులును పూర్తిగా తట్టుకునే సరికొత్త మినుము వంగడం ఎల్.బి.జి - 904.
పల్లాకు వైరస్ తెగులును పూర్తిగా తట్టుకుని, ఎకరాకు 10 నుండి 12 క్వింటాళ్ల దిగుబడినిచ్చే సరికొత్త మినుము వంగడాన్ని గుంటూరు జిల్లా లాం ప్రాంతీయ పరిశోధనా స్థానం శాస్త్రవేత్తలు రూపొందించారు. 2019 సం. రబీలో మినీకిట్ గా అందించిన ఈ నూతన వంగడం రైతుల పొలాల్లో సత్ఫలితాలు అందిస్తోంది. ఖరీఫ్, రబీ, వేసవి ఇలా అన్ని కాలాల్లోను సాగు చేసుకునేందుకు అనువుగా ఈ వంగడాన్ని రూపొందించారు. దిగుబడిలో మేటిగా రైతుల ఆదరణ పొందుతున్న ఈ రకం, గింజ నాణ్యతలో వ్యాపారుల దృష్టిని అమితంగా ఆకర్షిస్తోంది. గింజ నాణ్యతలో ఎల్.బి.జి - 645 రకాన్ని పోలిన ఈరకం పూర్తిగా పాలిష్ రకం. మొక్క గుబురుగా అధిక పంగలు వేసి పెరగటం వల్ల ఒక్కో మొక్కలో 250 నుండి 300 కాయలు వస్తున్నాయి. ఈ ఏడాది అధిక వర్షాల వల్ల అపరాల పైర్లు చాలావరకు దెబ్బతిన్నాయి. అయితే ఎల్.బి.జి - 904 రకం అధిక వర్షాలను సైతం తట్టుకుని పెరగటం విశేషం. ప్రతికూల వాతావరణం పంట పెరుగుదలను కొంతవరకు దెబ్బతీసినప్పటికీ ఆశాజనకమైన ఫలితాలు సాధించారు కృష్ణా జిల్లా, ఘంటసాల మండల, ఘంటసాల పాలెం గ్రామ రైతు ఉప్పల ప్రసాద రావు. ఈ రైతు క్షేత్రాన్ని చూసిన చుట్టుపక్కల రైతులు కూడా ఈ రకం గుణగణాలను అడిగి తెలుసుకుంటూ ఫలితాల పట్ల సంతృప్తి వ్యక్తం చేస్తున్నారు. పూర్తి వివరాలు ఈ స్టోరీలో చూడండి.
రైతు చిరునామా:
ఉప్పల ప్రసాద రావు
ఘంటసాలపాలెం గ్రామం
ఘంటసాల మండలం
కష్ణా జిల్లా
సెల్ నెం : 77298 91870
#karshakamitra #blackgramvarietylbg904 #highyieldingblackgramvariety #LBG904Blackgramvariety
Facebook : mtouch. maganti.v...
9 окт 2020