తెలంగాణ, చత్తీస్‌గడ్‌ రాష్ట్రాల సరిహద్దులోని ప్రాంతంలోనున్న భారీ జలపాతం ఇదీ. జయశంకర్‌ భూపాలపల్లి జిల్లా వెంకటాపురం(కే) మండలంలో ఈ జలపాతం ఉంది. వెంకటాపురం - భద్రాచలం ప్రధాన రహదారికి వీరభద్రవరం నుంచి సుమారు 8 కి.మీ. దూరం అడవిలో కాలినడన ప్రాణాణిస్తే ఈ ముత్యం ధార జలపాతం వద్దకు చేరుకోవచ్చు. రామచంద్రాపురం నుంచి వాగులు దాటుకుంటూ వెళ్లినా ఈ జలపాతాన్ని చూడవచ్చు.
దట్టమైన అడువుల్లోని ఎత్తైన గుట్టల నడుమ నుంచి సాక్షాత్తు ఆకాశ గంగే కిందకు దిగివస్తున్నట్లుగా కనిపిస్తున్న జలపాతం పర్యాటకులను కనువిందు చేస్తోంది. అంత ఎత్తు నుంచి పడటం వలన జల ధార ముత్యాల్లా మెరుస్తుంటాయి.
వరంగల్‌ అర్బన్‌ జిల్లా కేంద్రం నుంచి ములుగు మీదుగా జయశంకర్‌ భూపాలపల్లి మండలం ఏటూరునాగారం మండలం ముల్లకట్ట.. వాజేడు మండలం పూసూరు మధ్యనున్న బ్రిడ్జిని దాటుకుంటూ అంటే ఏటూనాగారం దాటాక రైట్‌ తీసుకుని వెంకటాపురం మండలం కేంద్రానికి వెళ్లాలి.
10 сен 2024
