చిరంజీవి యర్రంశెట్టి ఉమామహేశ్వర యువకునికి హార్దికాభినందనలు. ఈ మనీషి తన ప్రతిభతో, కృషితో అవధాన, సాహితీ శిఖరాలను అందుకోవాలని నా ప్రగాఢాకాంక్ష. నేటి రోజులలో అవధాన ప్రక్రియలో ఆనందముగా తేలియాడుతున్న ఎందరో బాలురులను, యువకులను చూడడం ఎంతో గర్వకారణం, ఆ రకంగా బహుళ విశిష్టమైన మన తెలుగు భాష పునరుజ్జీవనం కావడం మనందరికీ ఎంతో అదృష్టం. అటువంటి అవధానులను తీర్చి దిద్దుతున్న ప్రతియొక్క సాహితీ దార్శనకుడికీ వేవేల వందనాలు.
మరుమాముల దత్తాత్రేయ శర్మ గారు బహుముఖ ప్రజ్ఞాశీలి. పృచ్ఛకరంగంలో ఏ పాత్రకైనా సముచిత న్యాయం వారు చేయగలరని అందరికీ అవగతమే, ముఖ్యంగా నిర్వాహక బృందానికి. అందువల్ల, వారికి అప్రస్తుత పృచ్ఛకత్వాన్ని కేటాయించడం “శోచనీయం” అని భావించడం సరివకాదని నా వినమ్ర అభిప్రాయం, ప్రియ సోదరా.
కడు రమణీయం ఈ అష్టావధానం. అధ్యక్షులు, సంయోజకులు, పృచ్ఛకులు, నిర్వాహకులు-అందరూ విద్వన్మణులే. అటు సాహిత్యం, ఇటు గాత్ర సంగీతం, ఒక పక్క అవధానం, మరొక పక్క హరికథా సృజన-వీటినన్నిటినీ అలవోకగా పుణికి పుచ్చుకొన్న శ్రీమాన్ నల్లాన్ చక్రవర్తుల కృష్ణమాచార్యుల వారి శతజయంతి సందర్భంగా ఈ కార్యక్రమాన్ని నిర్వహించడం ఎంతో శ్లాఘనీయం, అభినందనీయం, స్ఫూర్తిదాయకం.
