ഓടുന്ന വാഹനങ്ങൾ തീപിടിച്ച് കത്തിനശിക്കുന്നത് നമ്മുടെ നാട്ടിൽ നിത്യസംഭവമാണ്. ഇത്തരത്തിലുള്ള നിരവധി സംഭവങ്ങൾ മുൻപും ഉണ്ടായിട്ടുണ്ട്. ഇത്തരം സംഭവങ്ങൾ പതിവായി സംഭവിക്കുന്നതിൻ്റെ കാരണങ്ങളെക്കുറിച്ച് ബന്ധപ്പെട്ട അധികാരികൾ പഠിക്കുന്നില്ല? , സുരക്ഷാ ചട്ടങ്ങൾ പാലിക്കുന്നതിന് ആവശ്യമായ മാർഗ്ഗനിർദ്ദേശങ്ങൾ വാഹന ഉടമകൾക്ക് എന്തുകൊണ്ട് അധികാരികൾ നൽകുന്നില്ല? അതുപോലെ ഇത്തരം അപകടകരമായ സാഹചര്യങ്ങൾ ഉണ്ടായാൽ അതിനെ നേരിടേണ്ട രീതികളെ കുറിച്ച് വാഹന ഉടമകൾ മുൻകൂറായി മനസ്സിലാക്കി വെക്കുന്നില്ല. കൂടാതെ, എന്തുകൊണ്ട് വാഹന നിർമ്മാതാക്കൾ അവരുടെ ഉൽപ്പന്നങ്ങളിൽ സംഭവിക്കുന്ന ഇത്തരം വിനാശകരമായ സാഹചര്യത്തെക്കുറിച്ച് പഠിക്കുന്നില്ല? അതുപോലെ സർക്കാർ ഒരു കാര്യം കൂടി ചെയ്യണം. വാഹനത്തിൻറെ നിർമാണത്തിൽ സാങ്കേതികപരമായ സൂക്ഷ്മത പാലിക്കുന്നില്ലെങ്കിൽ ആ വാഹനം നിർമ്മിച്ച സ്ഥാപനത്തിനെതിരെ നടപടി എടുക്കുകയും ആ സ്ഥാപനം ഇനിമേലിൽ നമ്മുടെ രാജ്യത്ത് പ്രവർത്തിക്കാൻ അനുവദിക്കുകയും ചെയ്യരുത്.
