എന്നിലേക്കെത്തിയ സമ്മാനങ്ങൾ എന്നെ കാണാനെത്തും നീലമിഴികൾ മുടിയിഴകൾ മെല്ലെയൊതുക്കി പിൻകഴുത്തിൽ മുത്തം തന്നൊന്നു പുണർന്നപ്പോൾ പിൻ തിരിഞ്ഞു ചുണ്ടുകളിൽ നീയേകിയ മധുരസ്വപ്നം ചെവിയിൽ മന്ത്രിച്ച ഭാഷാ വിസ്മയങ്ങൾ ഒരു പൂക്കാലത്തിൻ പുഞ്ചിരികൾ ഓർമകളിലെന്നും നിറഞ്ഞു നിൽക്കും ഇന്നുമെന്നിലുണരും ഈറൻ സന്ധ്യകൾ സ്മരണകൾ ഈ സ്വപ്നത്തിൻ ശൂന്യതകളിൽ പ്രണയത്തിൻ പാഠങ്ങൾ പറഞ്ഞു തരുവാൻ പ്രണയ ദേവതയെന്നെ പുൽകി നിന്ന കാലം ഒരു വട്ടം കൂടി കാണുവാനെത്ര മോഹം ഒരിക്കൽ മറന്നത് ചൊല്ലിത്തരാൻ എന്റെ കൺ നിറയും വിഷുക്കണിയായി ഏകാന്ത സ്വപ്നങ്ങളിൽ നിറങ്ങൾ ചാർത്തീ നീ വരൂ ഇനി എന്നരികിൽ ഈ കുളിരിൻ സഖിയായി ഇന്നിൻ ഗീതമായി കാഴ്ചാവസന്തമായി നീയണയൂ ചന്ദനസുഗന്ധം നിറയുമ്പോൾ ചാരത്തണയൂ പൊൻവസന്തമായി ഒരു കാലത്തിൻ ഓർമയുമായി ഒരു നാളും പിരിയാത്ത കൂട്ടുകാരിയായി
മന്ദസ്മിതങ്ങളിലൊളിക്കും സന്ദേശങ്ങൾ മൗനത്തിൻ മനോഗതങ്ങൾ ഒരു പുഞ്ചിരിയിൽ വിടരും വികാര സാഗരം ഒരായിരം വചനങ്ങളെ വെല്ലും ബ്രഹ്മാസ്ത്രം മനസിൽ നിറയുന്ന ഓർമകൾ മനോഹര കാലത്തിൻ ശേഷിപ്പുകൾ മറന്നു പോയ കാലം മിഴിവോടെ വീണ്ടും മിന്നിമറയുന്നു മിന്നാമിന്നികൾ പോലെ പാറിപ്പറക്കും ഓർമകളിൽ ഒളിച്ചിരുന്ന മുഖം പിന്നെയും ഉണരുന്നു, തെന്നലായതു തഴുകുന്നു കണ്ണിൽ തെളിയും കാമനകൾ കവിൾ തുടുത്താൽ വസന്തമുണരും പുഞ്ചിരികളിൽ മിന്നിമറയും പെൺകൂട്ടങ്ങളിൽ മോഹങ്ങൾ വിണ്ണിൽ നിന്നും പറന്നിറങ്ങും വർണങ്ങൾ വാരി വിതറും ഉൻമാദങ്ങൾ എന്നിലലിയും ഏകാന്തതകൾ ഏതോ സ്വപ്നമായലിഞ്ഞു പോയി ഇനി കൂട്ടായി വരും വാസന്തം ഇത്രയും കാലം ജീവനേകിയ സ്വപ്നം വർണങ്ങളേകും പുഷ്പജാലം വിരുന്നു വരും വാതായനങ്ങളിൽ മന്ദമാരുതനും പൂമ്പാറ്റകളും മിന്നാമിന്നിയും മിടിക്കും ഹൃദയവും നിനക്കായേകാം സമ്മാനമായി നീലക്കണ്ണിൽ നാണവുമായി നിത്യ വസന്തമായി നീയണയും കാലം
