മനിയ്യ് ശക്തിയായി പുറത്തു വരണമെന്ന നിബന്ധന പണ്ഡിതന്മാർ പറയാത്തതോ? ജനാബതിന്റെ വിധിവിലക്കുകളെ കുറിച്ച് സംസാരിക്കവെ ‘ഉണർച്ചയിൽ മനിയ്യ് പുറത്തു പോകുന്ന വേളയിൽ, ആസ്വാദനം അനുഭവിക്കുകയും, മനിയ്യ് ശക്തിയായി തെറിച്ച് പുറത്തു പോവുകയും ചെയ്താലാണ് ജനാബത് കുളിക്കേണ്ടത്’ എന്ന് പറഞ്ഞിരുന്നു. ഒരു പണ്ഡിതനും ലോകത്ത് പറഞ്ഞിട്ടില്ലാത്ത ഒരു കാര്യം ഞാൻ പറഞ്ഞതു പോലെ ചിലർ ഇത് പ്രചരിപ്പിക്കുന്നത് ശ്രദ്ധയിൽ പെട്ടു. യഥാർത്ഥത്തിൽ ഈ അഭിപ്രായം അബൂ ഹനീഫയുടെ ശിഷ്യനായ അബൂ യൂസുഫിന്റെ അഭിപ്രായമാണ്. ഹനഫീ ഫിഖ്ഹിലെ ആധികാരിക ശബ്ദമായിരുന്ന ഇബ്നു ആബിദീൻ ഈ അഭിപ്രായം തന്റെ ഹാശിയയിൽ എടുത്തു കൊടുത്തിട്ടുണ്ട്. (ഹാശിയഃ: 1/160) ഹനഫീ പണ്ഡിതന്മാരിൽ പ്രമുഖനായ ഇമാം സർഖസി തന്റെ പ്രസിദ്ധ ഗ്രന്ഥമായ മബ്സൂത്വിലും ഇക്കാര്യം പറഞ്ഞിട്ടുണ്ട്. (മബ്സൂത്വ്: 1/67) മറ്റു മദ്ഹബീ ഗ്രന്ഥങ്ങളിലും ഇത് വന്നിട്ടുണ്ട്.
മാലികീ മദ്ഹബിലെ ആധികാരിക ഗ്രന്ഥമായ മവാഹിബുൽ ജലീലിൽ ഇമാം ഹത്വാബും ഇത് വിവരിച്ചിട്ടുണ്ട്. മനിയ്യിന്റെ മൂന്ന് വിശേഷണങ്ങളിൽ ഒന്നായാണ് ഇക്കാര്യം അദ്ദേഹം എണ്ണിയിട്ടുള്ളത്. (മവാഹിബുൽ ജലീൽ: 1/317) ഹമ്പലീ മദ്ഹബിലെ പ്രസിദ്ധമായ അഭിപ്രായവും ഇത് തന്നെയാണ്. മൻസ്വൂർ ബ്നു യൂനുസ് അൽ ബഹൂതി കശ്ശാഫുൽ ഖനാഇൽ ഈ അഭിപ്രായത്തിന് തെളിവുകളാൽ ബലം നൽകിയിട്ടുണ്ട്. (കശ്ശാഫ്: 1/142)
രണ്ട് തെളിവുകൾ ഈ അഭിപ്രായത്തിന് ബലം നൽകാനായി പറയപ്പെട്ടിട്ടുണ്ട്. ഒന്ന്: ഖുർആനിൽ സൂറ. ത്വാരിഖിലെ 6 ാമത്തെ ആയത്തിൽ അല്ലാഹു മനിയ്യിനെ വിശേഷിപ്പിച്ചത് ‘മിൻ മാഇൻ ദാഫിഖ്’ എന്ന പദത്തോടെയാണ്. തെറിച്ചു വീഴുന്നത് എന്ന അർത്ഥം ദാഫിഖ് എന്ന പദത്തിനുണ്ട്. അതിനാൽ പുരുഷന്മാരുടെ മനിയ്യ് തെറിച്ചു വീഴുന്ന അവസ്ഥയിൽ പുറപ്പെട്ടാൽ മാത്രമേ കുളി നിർബന്ധമാകൂ എന്ന് ചിലർ പറഞ്ഞു. ഒരു തവണ മനിയ്യ് പുറത്തു വരുകയും, അതിന്റെ കുറച്ചു ഭാഗം ശരീരത്തിൽ കെട്ടികിടക്കുകയും, പിന്നീട് മൂത്രമൊഴിക്കുകയോ നടക്കുകയോ ചെയ്തപ്പോൾ ഒന്നോ രണ്ടോ തുള്ളി മനിയ്യ് പുറത്തു വരികയും ചെയ്താൽ കുളിക്കേണ്ടതില്ല എന്ന് പണ്ഡിതന്മാർ പറഞ്ഞതിന്റെ പിന്നിലെ ന്യായം ഇതാണ്.
രണ്ട്: ഇമാം അഹ്മദ് മുസ്നദിൽ നൽകിയ നബി -ﷺ- യുടെ ഹദീഥ്. وإذا فَضَختَ الماءَ فاغتَسِل നബി -ﷺ- പറഞ്ഞു: “നീ മനിയ്യ് ശക്തിയായി പുറത്തേക്ക് കളഞ്ഞാൽ കുളിക്കുക.” (അഹ്മദ്: 868, അബൂ ദാവൂദ്: 206, നസാഈ: 193) ചുരുക്കത്തിൽ ഖുർആനിലും ഹദീഥുകളിലും സൂചന വന്ന, രണ്ട് മദ്ഹബുകളിൽ സാന്നിധ്യമുള്ള ഒരു അഭിപ്രായമാണ് ഞാൻ പ്രസംഗത്തിൽ പറഞ്ഞത്. ശാഫിഈ മദ്ഹബിലെ അഭിപ്രായം ഇതിന് വിരുദ്ധമാണ് എന്നത് ശരി തന്നെ.
എന്നാൽ മറ്റു മദ്ഹബുകളുടെ അഭിപ്രായങ്ങളെല്ലാം തള്ളുക എന്നത് ഇമാമീങ്ങളോട് തരിമ്പെങ്കിലും ബഹുമാനമുള്ളവർക്ക് ചേരുന്നതാണോ?! അവയെ പരിഹസിക്കുക എന്നത് ‘ഞങ്ങളാണ് മദ്ഹബിന്റെ ആളുകൾ’ എന്ന് മേന്മ പറയുന്ന ഒരാൾക്ക് ചിന്തിക്കാൻ കഴിയുമോ?! യഥാർത്ഥത്തിൽ, ഇതെവിടെയും കേട്ടുകേൾവിയില്ലാത്ത അഭിപ്രായമായി പ്രചരിപ്പിക്കുന്നവരുടെ ഉദ്ദേശം തൗഹീദീ പ്രബോധനത്തെ ഇതു പറഞ്ഞ് ദുർബലപ്പെടുത്തുക എന്നതാണ്. ജാറം കെട്ടിപ്പൊക്കുകയും, അവിടെ അല്ലാഹുവല്ലാത്തവരോട് തേടുകയും, ത്വവാഫും നിസ്കാരവും ഖുർആൻ പാരായണവും ഖബർ മൂടലും നടത്തുകയും ചെയ്യുന്ന തനിച്ച ശിർകിനെ എതിർക്കുന്നതിന്റെ ഇത്തരം തട്ടിപ്പുകൾ കൊണ്ട് നേരിടാൻ കഴിയില്ല എന്ന് മനസ്സിലാക്കുക.
അതു കൊണ്ട് ഈ തർക്കങ്ങളെല്ലാം അവസാനിക്കുന്ന പരലോകത്തെ ഭയപ്പെട്ടു കൊള്ളുക. നമ്മുടെ റബ്ബായ അല്ലാഹുവിന്റെ മുൻപിൽ നിൽക്കുന്ന ദിവസത്തെ സൂക്ഷിക്കുക. ശിർകും ബിദ്അതുകളും ഉപേക്ഷിക്കുക. തൗഹീദും സുന്നത്തും മുറുകെ പിടിക്കുക. അബ്ദുൽ മുഹ്സിൻ ഐദീദ് (1/3/2022)
ബക്കറ്റിൽ നിന്ന് വെള്ളം കോരി ഒഴികുമ്പോൾ അതിലേക് തന്നെ കുറച്ചു വെള്ളം വീഴുമല്ലോ അപ്പോൾ ആ വെള്ളം കൊണ്ട് കുളിക്കാൻ പറ്റോ. Exmp:- മൂന്ന് പ്രാവശ്യം തലയിൽ മുകളിൽ വെള്ളം ഒഴിക്കുക അല്ലെങ്കില് ശരീരം മുഴുവനും കഴുകണം അപ്പോൾ ബക്കറ്റിൽ നിന്ന് വെള്ളം കൊരുമ്പോൾ ബക്കറ്റിലേക് തന്നെ ശരീരത്തിലെ വെള്ളം വീഴിലേ.. ആ വെള്ളം കൊണ്ട് തന്നെ ജനബത്തിൻ്റെ കുളി പൂർത്തികരികാൻ പറ്റുമോ?
ഉസ്താദ്.. എനിക്ക് Quran hifz ചെയ്യാൻ വല്ലാത്ത ആഗ്രഹം ഉണ്ട്.. നിയ്യത്ത് ഉണ്ട്.. ഞാൻ 5ഉം 6ഉം വയസ്സുള്ള randu മക്കളുടെ ഉമ്മയാണ്... സമയം കുറവാണെങ്കിലും എനിക്ക് വല്ലാത്ത ആഗ്രഹമാണ്,Hifz പഠിക്കാൻ പോകുന്നുണ്ട്.. ഒരു juzuh ആയിട്ടേ ulloo.. സമയക്കുറവ് കാരണം അടുക്കളജോലിക്കും മറ്റു ജോലികൾക്കുമിടയിൽ ആണ് ധൗറ ചെയ്യുന്നത്.എന്റെ മക്കളെയും ഹാഫിളീങ്ങൾ ആക്കുവാൻ നിയ്യത്ത് ഉണ്ട്... ദുആ ചെയ്യണം.. ഖുർആൻ എളുപ്പത്തിൽ ഹിഫ്ള് ചെയ്യാൻ ഉള്ള നല്ല വഴികൾ പറഞ്ഞുകൊണ്ട് ഒരു video ചെയ്യാമോ..
ജനാബത്ത്കാരന് നോമ്പെടുക്കാൻ അനുവാദമുണ്ടോ..അതുപോലെ തന്നെ അവർക്ക് ഭക്ഷണം വെള്ളം കഴിക്കാമോ...ജനാബത്ത് ദീർഖിക്കാമോ...അത്യാവശ്യമായി യാത്ര ചെയ്യേണ്ടി വന്നിരുന്നു എന്റെ ഒരു സുഹൃത്തിനു..ചിലർ അങ്ങനെ ചെയ്താൽ കുഴപ്പമുണ്ടോ എന്നുള്ള സംശയം എന്നോട് ചോദിച്ചിരുന്നു..യാദൃഷികമായി കണ്ട ഈ വിഡിയോയിൽ അതിനെ പറ്റി ഒന്നും ഉണ്ടായിരുന്നില്ല.. ദയവായി ഉസ്താദ് കൂടിയുള്ള ഉത്തരം തരണം.
എല്ലാ മുസിലിയാക്കന്മാർക്കും ഒരു പാട മാണ് ഈ വീഡിയോ. കാരണം മറ്റുള്ളവർ ഒരു കാര്യത്തെ കുറിച്ച് പറഞ്ഞ് കൊടുക്കുമ്പോൾ ഉദാഹരണം. ഒരു ധിക്കർ ചൊല്ലിയാൽ ഇത്ര ഗുണം ഉണ്ട് എന്ന് പറഞ്ഞ് അവർ എഴുതും പക്ഷെ. ഒരിക്കലും അവർ ആ ധിക്കർ പറയില്ല അവരുടെ സംസാരം എല്ലാം കഴിഞ്ഞു ലാസ്റ്റ് പറഞ്ഞാൽ ഭാഗ്യം. ഇതു കണ്ടു പടിക്ക്. ജനങ്ങളെ ബുദ്ധിമുട്ടിക്കല്ലേ 🙏
ജനാബത്ത് കുളിക്കുന്നതിനു മുൻപ് ഒരാൾ തേച്ചുരച്ച് കുളിച്ചതിനു ശേഷം ആ നനവോട് കൂടി വുളു എടുക്കുകയും അതിനുശേഷം ജനാബത്തിന്റെ മുറ പോലെ വെള്ളം ഒഴിച്ചാൽ മതിയാകുമോ? പിന്നെയും തേച്ചുരച്ച് കുളിക്കേണ്ടതുണ്ടോ?
ഒരു സംശയം ഉണ്ട്, ഹയള് ഉണ്ടായി (ഹയളി ന്റെ സമയം കഴിഞ്ഞു )കുളിക്കുന്നതിന് തൊട്ട് മുന്നേ ബന്ധത്തിൽ ഏർപ്പെട്ടു. എന്നാൽ കുളിക്കുമ്പോൾ രണ്ടു നിയത്തും ഒരുമിച്ചു വെക്കണോ, രണ്ടു പ്രാവശ്യം ആയി കുളിക്കണോ, ഇങ്ങനെ ചെയ്തതിൽ തെറ്റുണ്ടോ.?
അസ്സലാമു അലൈക്കും.. കിണറ്റിലെ ഉറവുള്ള വെള്ളത്തിൽ മുങ്ങി കുളിക്കാമോ..? പിന്നെ രണ്ട് ഭാര്യമാർ ഉണ്ടെങ്കിൽ ഒരാളുമായി ലൈംഗികബന്ധത്തിലേർപ്പെട്ട ശേഷം രണ്ടാമത്തെ ആളുമായി ലൈംഗികബന്ധം പുലർത്താൻ ആഗ്രഹിക്കുന്നുണ്ടെങ്കിൽ അതിനിടയിൽ കുളിക്കേണ്ടതുണ്ടോ..?
പ്രായമുള്ളവർ പറയുന്നത് കേട്ടതാണ് ശെരിയാണോ തെറ്റാണോ എന്നറിയില്ല.... മുല കുടിക്കുന്ന കുട്ടികളുള്ള സ്ത്രീകൾ ജനാബത്തിൽ ഏർപ്പെട്ടുകഴിഞ്ഞതിനു ശേഷം കുഞ്ഞു പാൽ കുടിക്കാൻ കരഞ്ഞാൽ പാൽ കൊടുക്കുന്നതിൽ തെറ്റുണ്ടോ.... അല്ലെങ്കിൽ എന്തെങ്കിലും പ്രതിവിധി ഉണ്ടോ...എന്തായാലും എന്റെ ഈ സംശയത്തിന്റെ മറുപടി തരുമെന്ന് വിശ്വസിക്കുന്നു...🥰