14 വർഷത്തെ വനവാസവും ഒരു വർഷത്തെ അജ്ഞാത വാസവും കഴിഞ്ഞു തിരിച്ചെത്തുന്ന പഞ്ചപാണ്ഡവർക്ക്, തങ്ങൾക്ക് അർഹതപ്പെട്ട രാജ്യം തിരികെ നൽകണമെന്ന അഭ്യർത്ഥനയുമായി യാദവനായ ശ്രീകൃഷ്ണണ് സഭയിലേക്ക് വരുന്നതാണ് കഥാസന്ദർഭം. കൗരവ സഭയിൽ വെച്ച് കൃഷ്ണനും (യാദവ) ദുര്യോധനനും (നൃപൻ/സുയോധനൻ) തമ്മിൽ നടക്കുന്ന സംവാദമാണ് ഈ ആട്ടം. ആദ്യം പകുതി രാജ്യം, പിന്നീട് അഞ്ച് ദേശങ്ങൾ, തുടർന്ന് അഞ്ച്പാ ഗൃഹങ്ങൾ, അവസാനം ഒരു ഗൃഹം എന്നിങ്ങനെ കൃഷ്ണൻ പാണ്ഡവർക്ക് വേണ്ടി സുയോധനനോട് യാചിക്കുന്നു. എന്നാൽ പാണ്ഡവർക്ക് സൂചി കുത്തുവാൻ പോലും ഇടം നൽകില്ല എന്ന് ദുര്യോധനൻ ശ്രീകൃഷ്ണനെ അറിയിക്കുന്നു. ഒപ്പം കൃഷ്ണനെ പിടിച്ചു കെട്ടുവാനും ദുര്യോധനൻ ആവശ്യപെടുന്നു. ഈ സമയം, ഭഗവൻ തന്റെ വിശ്വരൂപം പ്രദർശിപ്പിക്കുകയും, അത് കണ്ടു ദുര്യോധനൻ മോഹിച്ചു വീഴുകയും ചെയ്യുന്നു.
അതി ഗംഭീരം. ഒരു കാര്യം കണ്ടത്, ദുര്യോധനൻ നീയാണോ കൃഷ്ണൻ എന്ന് ചോദിച്ചത്, കഥയുമായി യോജിച്ചു പോകുന്ന ഒന്നല്ല. ബാലരമ ശിഷ്യൻ ആയ ദുര്യോധനന് വളരെ ചെറുപ്പം മുതലേ ശ്രീകൃഷ്ണനെ അറിയാം. ശ്രീകൃഷ്ണന്റെ മകൻ ആയ സാംബൻ കല്യാണം കഴിച്ചത് ദുര്യോധനന്റെ പുത്രിയെയാണ്.
പാണ്ഡവർക്ക് പകുതി രാജ്യം ചോദിച്ചു ദൂതുമായി ശ്രീകൃഷ്ണൻ എത്തുമെന്നും, പുള്ളിക്കാരനെ അത്രക്കങ്ങ്ങിട് ബഹുമാനിക്കേണ്ട എന്നും ദുര്യാധനന്റെ നിർദേശം സഭയിൽ ഉണ്ടായിരുന്നു. അതുകൊണ്ടു, നീയാണോ ശ്രീകൃഷ്ണൻ എന്ന ആ ചോദ്യം, ഒരു പരിഹാസമായി കണ്ടാൽ മതി.
