പുരാതന കാലത്ത് ഗ്രാമത്തിനകത്ത് നിന്ന് മാത്രമായിരുന്നു വിവാഹങ്ങൾ നടന്നിരുന്നത് എന്ന് വിഡിയോയിൽ പറയുന്നുണ്ട്. അത് സത്യമല്ല. പുരാതന കാലത്ത് പോലും അകലെയുള്ള ഗ്രാമങ്ങളുമായുള്ള വിവാഹങ്ങൾ നമ്പൂതിരിമാർക്കിടയിൽ സാധാരണമായിരുന്നു. ഈ അടുത്ത കാലം വരെ വരന്റെ വീട്ടുകാർ വരന്റെ കുടുംബത്തിന്റെ പരമ്പരാഗത താലി തന്നെ വധു ധരിക്കണമെന്നു നിർബന്ധം പിടിച്ചിരുന്നു. അതു തന്നെയാണ് പുരാതന നമ്പൂതിരി പാരമ്പര്യവും. അറിവുള്ളവർ അത് ഇപ്പോഴും തുടരുന്നുണ്ട്. പലപ്പോഴും വധുവിന്റെ നാട്ടിലെ തട്ടാനാണല്ലോ താലിയുണ്ടാക്കേണ്ട ചുമതല കൈവരുക. ഈ പാരമ്പര്യ താലി ഡിസൈനുകളും മണി ഡിസൈനുകളും അറിവുള്ള തട്ടാന്മാർ കേരളത്തിലുടനീളം ഉണ്ടായിരുന്നു. ഇപ്പോഴുമുണ്ട്. എന്നാലും, എല്ലാ താലി ഡിസൈനുകളും എല്ലാ മണി ഡിസൈനുകളും എല്ലാ തട്ടാന്മാർക്കും അറിഞ്ഞുകൊള്ളണമെന്നില്ല. അത്തരം സന്ദർഭത്തിൽ വരന്റെ കുടുംബത്തിന്റെ പരമ്പരാഗത താലി ഡിസൈൻ വധുവിന്റെ നാട്ടിലെ തട്ടാന് sample ആയി കാട്ടി കൊടുക്കുകയാണ് പതിവ്. കൃത്യ അളവിൽ തട്ടാൻ താലി ഉണ്ടാക്കി തരും. Dr. വിനോദ് ഭട്ടതിരിപ്പാട്
വീഡിയോ ഇഷ്ടമായി.. വളരെ ഉപകാരപ്രദം. പിന്നെ ചെങ്ങന്നൂർ ഗ്രാമത്തിലെ താലിയെക്കുറിച്ചെനിക്കറിയാവുന്ന കാര്യം കൂടി പറയട്ടേ. തട്ടാൻ നമ്മുടെ ഇല്ലത്തു വന്ന് താലിക്കുള്ള പൊന്ന് ഉരുക്കുന്നു. പരദേവതയുടെ മുന്നിൽ ഇരുന്നാണിതു ചെയ്യുന്നത്. ഇല്ലത്തെ മംഗല്യ സ്ത്രീ വാങ്ങി പരദേവതയുടെ മടിയിൽ വെച്ചിട്ട് എടുത്തു കൊണ്ടുവരുന്നു. നമ്പൂരാരും ചെയ്യാറുണ്ട്. ഒരു പവനിലാണു താലിയുണ്ടാക്കുക.അതിൽ നിന്നും ചെങ്ങന്നൂർ ഭഗവതിക്ക് ഒരു ചെറു താലിയുണ്ടാക്കി നടക്കുവെയ്ക്കും. താലിയ ടെ മുകളിൽ 9 മുത്തുകൾ കാണുന്നത് നവഗ്രഹങ്ങളെ സൂചിപ്പിക്കുന്നുവത്രേ. നന്ദി.🙏🏻🙏🏻
പറഞ്ഞു തന്നതിൽ ഒരുപാട് നന്ദി. ചെങ്ങന്നൂർ ഗ്രാമത്തിലെ വിവരങ്ങൾ കിട്ടാനാണ് എനിക്ക് ഏറ്റവും അന്വേഷിക്കേണ്ടി വന്നത്. നേരിട്ട് പരിചയമുള്ള ആരുമുണ്ടായിരുന്നില്ല.
Sandrayude അവതരണം ആണ് എന്നും ഇഷ്ടം.. കണ്ട് കൊണ്ടിരിക്കുമ്പോൾ രണ്ടു ഭാഗത്ത് തലമുടി കെട്ടി പഴയ കൂട്ടുകാരിയെ തന്നെ ഓർമ്മവരുന്നു🤗🤗🤗... വീഡിയോ നന്നായിട്ടുണ്ട് ഡാ
നല്ല അന്വേഷണം .. അവതരണം... അഭിനന്ദനങ്ങൾ സാന്ദ്ര... 21 ദേശത്ത് താലിക്കൂട്ടത്തിന് പകരം ചരടിൽ നിറയെ മണിയാണ് ത്രെ പണ്ട് ധരിക്കാറുള്ളത് എന്ന് കേട്ടിട്ടുണ്ട്. പിന്നീട് പല ദേശങ്ങളിൽ നിന്നുള്ള സ്വാധീനം മാറ്റങ്ങൾ വരുത്തിയതാകാം
അതെയോ... 😀 എന്റെ അന്വേഷണത്തിൽ ഞാൻ കേട്ടത് പണ്ട് സ്ഥിരം അണിയുന്ന ചരടിൽ തന്നെ ധാരാളം മണികൾ ഉണ്ടായിരുന്നു എന്നും പിന്നീട് സാമ്പത്തിക ക്ലേശങ്ങളുടെ ഫലമായി മൂന്നു മണിയും താലിയും നിലനിർത്തി ബാക്കിയെല്ലാം അഴിച്ചു മാറ്റുകയുമാണ് ഉണ്ടായത് എന്നാണ്. മണിയുടെ എണ്ണം കുറഞ്ഞെന്നേ ഉള്ളൂ എന്നാണ് എനിക്ക് മനസ്സിലായത് ട്ടോ. കൂടുതൽ അന്വേഷണങ്ങളും പഠനങ്ങളും ഈ വിഷയത്തിൽ ഇനിയും നടക്കേണ്ടിയിരിക്കുന്നു.
മൂക്കോലക്കല്ല് എന്നും കുറ്റി വച്ച മോതിരം എന്നും അറിയപ്പെടുന്ന ആഭരണത്തെക്കുറിച്ച് അറിയാൻ - ru-vid.com/video/%D0%B2%D0%B8%D0%B4%D0%B5%D0%BE-KZgFWkbn83Y.htmlsi=A8G4VjMiBxQuocN9
വളരെ ഇഷ്ടപ്പെട്ടു. നമ്മുടെ കമഴ്ത്തി താലിയും മലത്തി താലിയും മാത്രമേ കണ്ടിട്ടുള്ളൂ. ഇത്ര അധികം രുപ വ്യത്യാസം ഉണ്ട് എന്ന് ധരിച്ചിരുന്നില്ല. വളരെ നല്ല ഗവേഷണം 🙏🏻 Comment ൽ കുടൂതൽ പേരിൽ നിന്നും വിവരങ്ങൾ ലഭിക്കുമെന്നും ഇതിന് ഒരു തുടർ ഭാഗം ഉണ്ടാകുമെന്നും പ്രതീക്ഷിക്കുന്നു...
ചില ക്രിസ്തീയ വിഭാഗങ്ങൾ വിവാഹത്തിന് മിന്ന് കെട്ടുന്ന ചടങ്ങ് ഉണ്ട്....അതിൽ പയ്യന്നൂർ ❤️ ഹൃദയതാലിയിൽ (ഏകദേശം രൂപം)കുരിശു ആലേഖനം ചെയ്ത മിന്നുകളാണ് ഉപയോഗിച്ചു കാണുന്നത്.... മലയാളി ക്രൈസ്തവ സ്ത്രീകൾ മാത്രം ആണ് ഇത് ചെയ്യുന്നത്.... തുണി നൽകുന്ന ആചാരവും ഉണ്ട്.... വീഡിയോ വളരെ ഇഷ്ടപ്പെട്ടു....അവതരണവും...
അണിയുന്നതിൽ തെറ്റൊന്നും ഉണ്ടെന്ന് കരുതുന്നില്ല. ഓരോന്നും ഒരു സംസ്കാരത്തിന്റെ, ഒരു കാലഘട്ടത്തിന്റെ മുദ്രകളായിരുന്നു. അവ നിലനിർത്തുക എന്നത് മാത്രമേയുള്ളൂ.
അച്ഛനാണ് താലി കെട്ടിക്കുക എന്ന പരാമർശത്തെ സംബന്ധിച്ചാണ് ഈ ചോദ്യം എന്ന് പ്രതീക്ഷിക്കുന്നു. അച്ഛൻ ജീവിച്ചിരിപ്പില്ലെങ്കിൽ അച്ഛന്റെ സഹോദരന്മാരാണ് സാധാരണയായി ആ ചുമതല ഏറ്റെടുത്ത് കാണാറുള്ളത്. എന്നാൽ ഇല്ലത്തെ ആർക്കും ചെയ്യാവുന്നതാണ്. ഇല്ലത്തെ പുരുഷന്മാർ ആരും ഇല്ലെങ്കിൽ 10 പുലയുള്ള ഇല്ലത്തുള്ള നമ്പൂരാർക്കും ആവാം. അതുമില്ലെങ്കിൽ 3 പുലയുള്ള ഇല്ലത്തുള്ള നമ്പൂരാർക്കും ആവാം. അതുമില്ലെങ്കിൽ അമ്മാത്തുള്ളോർക്കും ആവാം. അതുമില്ലെങ്കിൽ ഏതു നമ്പൂരിക്കും ആവാം എന്നാണ് അന്വേഷണത്തിൽ കിട്ടിയ വിവരം.
ഓരോ താലിക്കൂട്ടവും അതാത് സ്ഥലങ്ങളിലെ അഥവാ നമ്പൂതിരി ഗ്രാമങ്ങളിലെ അന്തർജ്ജനങ്ങളാണ് ഉപയോഗിക്കാറുള്ളത്. അതുപോലെ, വടക്കൻ കേരളത്തിൽ താലിക്കൂട്ടം ഉപയോഗിക്കുന്ന പതിവ് പണ്ടുണ്ടായിരുന്നില്ല എന്നാണ് മനസ്സിലാക്കുന്നത്.
താലിക്കൂട്ടവും ശരപ്പൊളിമാലയും വ്യത്യസ്തമാണ് ട്ടോ. തെക്കൻ നാട്ടിലാണ് ശരപ്പൊളി മാലക്ക് കൂടുതൽ പ്രാധാന്യവും ജനപ്രീതിയും. മൂന്നിഴ മണി പോലെ ഏതെങ്കിലും പ്രത്യേക അവസരങ്ങളിൽ മാത്രം ധരിക്കുന്നതാണെന്ന് മനസ്സിലാക്കിയിട്ടില്ല. എന്നാൽ സുമംഗലികളാണ് അത് ധരിക്കാറുള്ളത്.
ഏട്ത്തീ.... വരന്റെ ദേശം എവിടെയാണ് അവിടെ ഉള്ള താലിയാണ് നവ വധുവിന് അണിയിക്കേണ്ടത് എന്ന് കേൾക്കാറുണ്ട്. പിന്നെ ഒരു സംശയം ഉണ്ട് ഗുരുവായൂർ ഭാഗത്ത് ഒരു പ്രത്യേക തരം താലി കാണാറുണ്ട് ഏതാണ്ട് ഒരു നെറ്റിപ്പട്ടത്തിന്റെ ആകൃതി നടുവിൽ ഒരു കല്ലും. Well explained dear sister...🙌
നെറ്റിപ്പട്ടത്തിന്റെ ആകൃതി കോഴിക്കോട്ടെ 21 ദേശക്കാരുടെ തന്നെ ആകാനാണ് സാധ്യത. ചിലപ്പോൾ അതിൽ തന്നെയുള്ള രൂപമാറ്റങ്ങൾ ആകാം. ഫോട്ടോ കിട്ടുകയാണെങ്കിൽ അയച്ചു തരാമോ? kunjaaathol@gmail.com ആണ് email id.
ദാരിദ്ര്യം മൂലം ആഭരങ്ങൾ ഇല്ലാതിരുന്ന അഥവാ മറ്റു ഇല്ലങ്ങളിൽ നിന്ന് കടം വാങ്ങി ഉപയോഗിച്ചിരുന്ന അവസരങ്ങളെക്കുറിച്ച് കേട്ടിട്ടുണ്ട്. വിലക്കിനെക്കുറിച്ചൊന്നും കേട്ടിട്ടേ ഇല്ല. ചില ചടങ്ങുകൾക്ക് ധരിക്കേണ്ടതായ പ്രത്യേക ആഭരണങ്ങൾ ഉണ്ടായിരുന്നു. വളകൾ പ്രധാനമായും ഓട്ടുവളകൾ ആയിരുന്നു. ആഭരണങ്ങളെക്കുറിച്ച് കൂടുതൽ വിവരശേഖരണം നടത്തിയ ശേഷം ഒരു വിഡിയോ ചെയ്യാം. അതിൽ കൂടുതൽ വിവരങ്ങൾ ഉൾക്കൊള്ളിക്കാൻ ശ്രമിക്കാം.
ഒരു വേളി കഴിഞ്ഞ നമ്പൂതിരി സ്ത്രീ എന്നാൽ ശരിക്ക് ഗൃഹസ്ഥാശ്രമമുള്ള സന്യാസിനി തന്നെയല്ലെ ? ഭർത്താവിന്റെ മരണ ശേഷം പൂർണ്ണ സന്യാസവും. അങ്ങിനെയല്ലായിരുന്നോ പഴയ രീതികൾ. ഞാനിതിൽ വിദഗ്ധ നല്ല , അറിയാൻ വേണ്ടി ചോദിച്ചു എന്ന് മാത്രം. ചിലപ്പോ തെറ്റായിരിക്കും. ബ്രാഹ്മസ്വം മഠങ്ങളിലെ സാമിയാരുടെ ഒക്കെ അതേ വേഷത്തിന്റ സ്ത്രീ വേർഷൻ അല്ലായിരുന്നോ നമ്പൂതിരി സ്ത്രീകളുടെ വേഷം. ഇതിനെ പറ്റി കൂടുതൽ അറിയാൻ വേണ്ടി ചോദിക്കുന്നു എന്ന് മാത്രം.
തീർച്ചയായും അല്ല. ഉള്ളടക്കത്തിന്റെ കാര്യത്തിൽ വിവാഹച്ചടങ്ങുകളും സന്യാസച്ചടങ്ങുകളും ഒരുപാട് വ്യത്യസ്തമാണ്. വിവാഹച്ചടങ്ങുകളിലൂടെ വിവാഹിതരായി തീർന്ന നമ്പൂതിരി സ്ത്രീകൾ ഒരിക്കലും സന്യാസിമാരാകുന്ന പ്രശ്നമേയില്ല. നമ്പൂതിരിസ്ത്രീകളുടെ വേഷവിധാനങ്ങൾ സന്യാസിമാരുടേതുമായി ഒരു സാമ്യവുമില്ല.