ശക്തമായ മഴയിൽ മുങ്ങി പിആൻഡി കോളനി
ശക്തമായ മഴയിൽ എറണാകുളം നഗരം വെള്ളക്കെട്ടിലായി. വർഷങ്ങളായുള്ള വെള്ളക്കെട്ടിന് പരിഹാരം കാണുന്നതിനായി ജില്ലാ ഭരണ കൂടത്തിന്റെ നേതൃത്വത്തിൽ കോടികൾ മുടക്കി ഓപ്പറേഷൻ ബ്രേക്ക് ത്രൂ പ്രവർത്തനങ്ങൾ നടത്തിയെങ്കിലും വെള്ളക്കെട്ടിന് പരിഹാരമാവാത്ത കാഴ്ചയാണ് കണ്ടത്. കടവന്ത്രയ്ക്ക് സമീപത്തെ പിആൻഡി കോളനി വെള്ളത്തിൽ മുങ്ങിയതോടെ ഇവിടുത്തെ താമസക്കാർ പ്രതിഷേധവുമായി റോഡിൽ കുത്തിയിരുന്നു. പൊലീസെത്തി പ്രശ്നങ്ങൾ പരിഹരിച്ച് ക്യാമ്പുകളിലേക്ക് മാറ്റുന്നതിനുള്ള നടപടികൾ സ്വീകരിച്ചു. കോറന്റെയിനിൽ താമസിക്കുന്നവരും ഇവിടെയുണ്ട്. എൺപതോളം കുടുംബങ്ങൾ താമസിക്കുന്ന കോളനിയിലുള്ളവരെ പുനരധിവസിപ്പിക്കാമെന്ന അധികൃതരുടെ ഉറപ്പിന് വർഷങ്ങളുടെ പഴക്കമുണ്ട്. വർഷന്തോറും മഴയെത്തിയാൽ ഇവരുടെ അവസ്ഥ ദുരിത പൂർണമാണ്
കാമറ: എൻ.ആർ. സുധർമ്മദാസ്
ഓപ്പറേഷൻ ചീറ്റി...ജില്ലാഭരണകൂടം നടപ്പിലാക്കിയ ഓപ്പറേഷൻ ബ്രേക്ക് ത്രൂ പദ്ധതിക്കും കൊച്ചിയെ കനത്ത മഴയിൽ നിന്നും രക്ഷിക്കാനായില്ല. കനത്ത മഴയിൽ എം.ജി. റോഡിൽ ഉണ്ടായ വെള്ളക്കെട്ടിലൂടെ നീങ്ങുന്ന വാഹനങ്ങൾ. കാമറ: ജോഷ്‌വാൻ മനു.
ശക്തമായ മഴയിൽ മുങ്ങിയ എറണാകുളം നഗരം
ശക്തമായ മഴയിൽ എറണാകുളം നഗരം വെള്ളക്കെട്ടിൽ മുങ്ങിയ അവസ്ഥയിലായി. വർഷങ്ങളായുള്ള വെള്ളക്കെട്ടിന് പരിഹാരം കാണാൻ കഴിഞ്ഞ ഉപതിരഞ്ഞെടുപ്പു ദിവസം പെയ്തമഴയിൽ നഗരം മുങ്ങിയപ്പോൾ ജില്ലാ ഭരണ കൂടത്തിന്റെ നേതൃത്വത്തിൽ കോടികൾ മുടക്കി ഓപ്പറേഷൻ ബ്രേക്ക് ത്രൂ പദ്ധതിയിൽ നഗരത്തിലെ കാനകളും ചെറു കനാലുകളും പുഴകളും ശുചീകരിച്ചെങ്കിലും ഈ ഒറ്റ മഴയിൽ വെള്ളക്കെട്ടിൽ മുങ്ങി. എം.ജി. റോഡിലെ ജോസ് ജംഗ്ഷൻ, രാജാജി റോഡ്, കെ.എസ്.ആർ.ടി.സി. സ്റ്റാൻഡ്, പിആൻഡി കോളനി, പനമ്പള്ളി നഗർ, കലൂർ തുടങ്ങിയ വിവിധ പ്രദേശങ്ങൾ വെള്ളത്തിൽ മുങ്ങിയ അവസ്ഥയിലാണ്. വിവിധ പ്രദേശങ്ങളിൽ ആളുകൾ പ്രതിഷേധവുമായി റോഡിലിറങ്ങി.
കാമറ: എൻ.ആർ. സുധർമ്മദാസ്
7 сен 2024
