#Starvision #News #samavedam #sivakarannamboothiriy #vedamgyan
ആര്ഷഭാരത സംസ്കൃതി ലോകത്തിന് നല്കിയ അമൂല്യമായ അറിവിന്റെ അക്ഷയ ഖനികളാണ് വേദങ്ങള്. 4 വേദങ്ങളും, 6 വേദാംഗങ്ങളും, 18 പുരാണങ്ങളും, 108 ഉപനിഷത്തുകളും, ബ്രാഹ്മണങ്ങളും, സംഹിതകളും, ആരണ്യകങ്ങളും, ദര്ശനങ്ങളുമെല്ലാം ഉള്ക്കൊള്ളുന്ന ഭാരതീയ സാംസ്ക്കാരിക പൈതൃകത്തെക്കുറിച്ചറിയാന് ദീര്ഘകാലത്തെ കഠിന തപസ്യ ആവശ്യവുമാണ്. ഋക്ക്, യജുസ്, സാമം, അഥര്വ്വം എന്നിങ്ങനെ വേദവ്യാസനാല് വ്യസിക്കപ്പെട്ട ചതുര് വേദങ്ങളില് ഉപാസനയെക്കുറിച്ച് പ്രതിപാദിക്കുന്ന സംഗീത സാന്ദ്രമായ സാമവേദത്തിന് പ്രാധാന്യമേറെയാണ്. സംഗീത സാന്ദ്രമായ സാമവേദം ചിട്ടകളനുസരിച്ച് ഹൃദിസ്ഥമാക്കിയ 2 പേര് മാത്രമാണ് ഇപ്പോള് ജീവിച്ചിരിക്കുന്നത്. സാമവേദ പണ്ഡിതരായ തോട്ടം കൃഷ്ണന് നമ്പൂതിരിയും, സഹോദരനായ ഡോ. തോട്ടം ശിവകരന് നമ്പൂതിരിയുമാണ് വേദ പാരമ്പര്യം ചിട്ടയോടെ നിലനിറുത്തുന്നത്. ഇന്ത്യയിലും, വിദേശത്തുമുള്ള സര്വ്വകലാശാലകളിലും, വേദികളിലും സാമവേദത്തെക്കുറിച്ച് പ്രഭാഷണങ്ങള് നടത്തിയിട്ടുള്ള ഡോ. ശിവകരന് നമ്പൂതിരി വേദത്തിന്റെ ഉത്പത്തിയെക്കുറിച്ചും വേദം പകര്ന്നു നല്കുന്ന അക്ഷയമായ അറിവിനെക്കുറിച്ചും വിശദീകരിക്കുന്നു. പൈതൃകമായി ലഭിച്ച വേദപരിചയം വരും തലമുറകളിലേക്ക് പകര്ന്നു നല്കേണ്ടത് തന്റെ കടമയാണെന്ന് വിശ്വസിക്കുന്ന ആയുര്വേദ ഭിഷഗ്വരന് കൂടിയായ ഡോ. ശിവകരന് നമ്പൂതിരി ഇപ്പോള് കുറിച്ചിത്താനത്ത് ഒരു വേദപാഠശാല ആരംഭിച്ചിരിക്കുകയാണ്. വേദത്തെക്കുറിച്ചും, കുറിച്ചിത്താനത്തെ വേദപാഠശാലയെക്കുറിച്ചും ഡോ. ശിവകരന് നമ്പൂതിരി വിശദീകരിക്കുന്നു.
Thank you all for your support. Please subscribe our channel for latest updates...
tinyurl.com/st...
10 дек 2022