സുബ്രഹ്മണ്യചൈതന്യം നിറഞ്ഞു വിളങ്ങുന്ന സ്തോത്രം. Subrahmanya Ashtaka, Lord Subrahmanya,  

🙏🙏🙏

❤🙏🙏🙏

നമസ്തേ മാം 🙏

🙏🙏🙏❤

♦️അർത്ഥം:- കാരുണ്യമൂർത്തിയും ദീനബന്ധുവും പാർവ്വതീ പരമേശ്വരന്മാരുടെ മുഖാരവിന്ദങ്ങൾക്ക് സൂര്യനായവനും, വിഷ്ണു തുടങ്ങിയ ദേവഗണങ്ങളാൽ പൂജിക്കപ്പെടുന്ന പാദപങ്കജങ്ങളോട് കൂടിയവനും വല്ലിയുടെ പതിയും ഭക്തരക്ഷകനുമായ അല്ലയോ സ്വാമിനാഥാ, നിന്തിരുവടിയുടെ തൃക്കൈയാകുന്ന അവലംബം എനിക്ക് നൽകിയാലും. ദേവന്മാരിൽ ആദ്യദേവനായ മഹേശ്വരന്റെ പുത്രനും ദേവഗണങ്ങളുടെ നാഥനും ദേവേന്ദ്രനാൽ വന്ദിക്കത്തക്കവിധം മൃദുവും താമരപോലെ മനോഹരവുമായ പാദങ്ങളോടുകൂടിയവനും ദേവർഷിയായ നാരദനാലും മുനീന്ദ്രന്മാരാലും നല്ലവണ്ണം ഗാനം ചെയ്യപ്പെട്ട കീർത്തിയോട് കൂടിയവനും വല്ലിയുടെ പതിയുമായ അല്ലയോ നാഥാ, നിന്തിരുവടിയുടെ തൃക്കൈയാകുന്ന അവലംബം എനിക്ക് നൽകിയാലും. നിത്യവും അന്നദാനം ചെയ്യുന്നതിൽ ശ്രദ്ധയുള്ളവനും സകല രോഗങ്ങളെയും നശിപ്പിക്കുന്നവനും ഭാഗ്യദായകനും ഭക്താഭീഷ്ടപ്രദനും വേദം, ആഗമം, പ്രണവം എന്നിവയാൽ വർണ്ണിക്കപ്പെടുന്ന സ്വരൂപമുള്ളവനും വല്ലിയുടെ പതിയുമായ അല്ലയോ നാഥാ, നിന്തിരുവടിയുടെ തൃക്കൈയാകുന്ന അവലംബം എനിക്ക് നൽകിയാലും. അസുരാധിപനായ ക്രൗഞ്ചനെ നിഗ്രഹിക്കുന്നതിനുള്ള വേല്, ശൂലം എന്നിവയോടുകൂടിയവനും വില്ല് തുടങ്ങിയ ആയുധങ്ങളാൽ അലങ്കരിക്കപ്പെട്ട ദിവ്യഹസ്തങ്ങളോട് കൂടിയവനും ശോഭയുള്ള സർപ്പശ്രേഷ്ഠനെ ധരിച്ചിരിക്കുന്ന ചുണ്ടോടുകൂടിയ മയിൽ വാഹനമായുള്ളവനും വല്ലിയുടെ പതിയുമായ അല്ലയോ നാഥാ, നിന്തിരുവടിയുടെ തൃക്കൈയാകുന്ന അവലംബം എനിക്ക് നൽകിയാലും. ദേവന്മാർക്കും ആദിയായ ദേവാ, വൃത്താകാരമായ രഥത്തിന്റെ മദ്ധ്യത്തിൽ പ്രവേശിച്ച് ദേവേന്ദ്രന്റെ സിംഹാസനം, നഗരം എന്നിവയോട് കൂടിയവനും കയ്യിൽ ദൃഢമായ വില്ലോടുകൂടിയവനുമായ ശൂരപത്മാസുരനെ വധിച്ചതുമൂലം ദേവസമൂഹത്താൽ വന്ദിക്കപ്പെടുന്നവനും വല്ലിയുടെ പതിയുമായ അല്ലയോ നാഥാ, നിന്തിരുവടിയുടെ തൃക്കൈയാകുന്ന അവലംബം എനിക്ക് നൽകിയാലും. സ്വർണ്ണം തുടങ്ങിയ രത്നങ്ങളോട് കൂടിയ ശ്രേഷ്ഠമായ കിരീടം, മാല, തോൾവള, കുണ്ഡലം, പ്രകാശിക്കുന്ന കവചം എന്നിവകൊണ്ട് മനോഹരനും താരകാസുരനെ ജയിച്ച വീരനും ദേവഗണവന്ദ്യനും വല്ലിയുടെ പതിയുമായ അല്ലയോ നാഥാ, നിന്തിരുവടിയുടെ തൃക്കൈയാകുന്ന അവലംബം എനിക്ക് നൽകിയാലും. പഞ്ചാക്ഷരം തുടങ്ങിയ മന്ത്രങ്ങളാൽ പൂതമായ ഗംഗാജലം, പഞ്ചാമൃതം എന്നിവ കൊണ്ട് ദേവേന്ദ്രൻ മുതലായ ദേവകളാലും മുനീന്ദ്രന്മാരാലും സന്തോഷപൂർവ്വം പട്ടാഭിഷേകം ചെയ്യപ്പെട്ടവനും ഇന്ദ്രപുത്രിയായ ദേവസേനയുടെ നാഥനും വല്ലിയുടെ പതിയുമായ അല്ലയോ നാഥാ, നിന്തിരുവടിയുടെ തൃക്കൈയാകുന്ന അവലംബം എനിക്ക് നൽകിയാലും. അല്ലയോ ശ്രീകാർത്തികേയ, കാരുണ്യാമൃതത്താൽ പൂർണ്ണമായ അവിടുത്തെ ദൃഷ്ടികൊണ്ട്, കാമം തുടങ്ങിയ രോഗങ്ങളാൽ കലുഷിതമായ എന്റെ മനസ്സിനെ ശുദ്ധീകരിച്ചിട്ട് രക്ഷിച്ചാലും. കോടിചന്ദ്രപ്രഭയോട് കൂടിയവനും വല്ലിയുടെ പതിയുമായ അല്ലയോ നാഥാ, നിന്തിരുവടിയുടെ തൃക്കൈയാകുന്ന അവലംബം എനിക്ക് നൽകിയാലും. പുണ്യകരമായ ഈ സുബ്രഹ്മണ്യാഷ്ടകത്തെ പഠിക്കുന്ന സർവ്വരും സുബ്രഹ്മണ്യ പ്രസാദത്താൽ മോക്ഷത്തെ പ്രാപിക്കുന്നു. ഈ സുബ്രഹ്മണ്യാഷ്ടകത്തെ പ്രഭാതത്തിൽ എഴുന്നേറ്റ് ഏതൊരുവൻ പഠിക്കുന്നുവോ, കോടി ജന്മങ്ങളിൽ ചെയ്ത അവന്റെ പാപം ഉടൻ തന്നെ നശിക്കുന്നു.♦️