අවාරයේ සිරිපා කරුණාව
අවසාන දිනය...
කලබලයකින් තොර වූ බත්තලු ඔයේ දිය දහරාව සොදුරු ගීතයක හඩ මවමින්, මේ සුමිහිරි උදෑසන සංගීතවත් කරයි. එයටම ගැලපෙන පරිදි කූඩාරමට වැටෙනා පිනි බිංදු තාලය අල්ලනු ලබයි. රාත්‍රිය පුරා පැවති කුඩා වර්ශාව මේ වන විට අවසන්ව තිබිණි. "කට්ටිය තේ ටික ගන්න ඇවිල්ලා.. ගෙනල්ල දෙන්න බෑ.." ලොකු පීරිස් කූඩාරම තුල සිටම කෑ ගැසුවේ පාන්දර හතරේ සිට අප කණ්ඩායම අවදි කිරීමට ගත් උත්සාහයේ ජයග්‍රහණය සනිටුහන් කරවමිණි.
කූඩාරම් දොරින් පිටතට පැමිණීම, අධි ශීතකරණයකට අත පොවන්නාක් මෙනි. කෙසේ වෙතත් පාන්දරින් ගමන් ඇරඹීම සිදු කල යුතු නිසාවෙන් වරින් වර එකිනෙකා පැමිණ ලොකු පීරිස්ලාගේ කූඩාරමෙන් තමාට හිමි තේ කෝප්පය ලබා ගෙන පානය කලේ සීතල අකා මකා කර ගනු පිණිසයි.
වේලාව පහ පමණ වන විට අප රැදී සිටි කූඩාරම් සියල්ල නැවතත් අකුලාගෙන, බත්තලු ඔයෙන් මූණ කට සෝදා ගෙන සූදානම් වූයේ මේ දුශ්කර ගමනේ සොදුරුතම ඉසව්වට ගමන් කිරීමටයි. බත්තුලු ඔය හරහා වනාන්තරයේ අනෙක් අන්තයට ගමන් කල අප නැවතත් ගොඩ බට වූයේ, ගස් වැල් වලින් පරිපූර්ණ වූ උදෑසන මීදුමෙන් වැසී ගත් වනාන්තරයටයි. බත්තුලු ඔයෙන් පසු හමුවන ඒකාකාරී කඳු මුදුන් කිහිපය තරණය කිරීම ඉතා දුශ්කර කාර්යයක් වූ බව කිව යුතුය.
කුඩා දිය දහරා කිහිපයක් සහ කඳු මුදුන් කිහිපයක් තරණය කිරීමෙන් අනතුරුව හමු වූයේ තවත් දිය පහරකි. එතැන සිට දිස් වන සිරිපා ඉම! නෙත් සතන් වශී කරවන සුලු දසුනක් විය. මීදුම් වලල්ලකින් වැසී ගත් සමනොල කඳු මුදුන වෙහෙස නිවන ඔසුවක් බදු ය. පියවර ඉක්මන් කල අප කඩිමුඩියේ නැග ගියේ හරියාකාර මංපෙතක් නොමැති ලඳු කැලෑවෙන් වසා ගත් විශාල දුර්ඝයකි. සියලුම ශාක තෙත් වී තිබූ අතර අප හැද සිටි ඇදුම් පැලදුම් සහ බූට් සපත්තු සියල්ල තෙත් කර දැමීමට ගත වූයේ ඉතා කුඩා වේලාවකි.
පැයක පමණ කඳු තරණයකින් අනතුරුව අප හට සමනොල කන්දේ එක් අන්තයක මධ්‍යයට පැමිණීමට හැකි විය.අඩි තුන හතරකට නොඅඩු ශාක හැරෙන්නට ඇත්තේ සුන්දර හරිත පැහැ කඳු පල්ලමකි. එහි තැනින් තැනට පා තබමින් ඉහලට නැගීම දුශ්කර වුවත්, ඈතින් පේන වලාකුළු සිඹිනා කඳු වලල්ල වෙහෙස නිවන සුව දසුනකි. කුණු දිය පව්වත්, බෑන සමනොලත් අතරින් අවශේෂ කඳු වලින් වට වූ ගවර විල තැන්නත්, ඉහල ගාට්මෝර් දිය ඇල්ලත් මේ වන විට අප දෙස බලා සිටින්නාක් වැනිය.
මෙසේ යම් දුරක් ඉහලට ගමන් කිරීමෙන් අනතුරුව හමු වන්නේ රත්නපුර පලාබද්දල මාර්ගයේ පියගැටපෙළයි. ඇහැළ කණුවට මදක් පහලට වන්නට මහගිරිදඹය මැද කොටසට එකතු වූයේ දින තුනකට පසු හමු වූ පළමු සිමෙන්ති පඩියට පා තබමිනි. එතැන් සිට සුදු ඇදුමින් සැරසී ආගමික වතාවත් සිදු කොට සිරිපා ඉම දක්වා ගමන් කලේ,අවාරයේ ඇති සොදුරු හුදකලා සුන්දරත්වය අත්විදිමිනි.
අප ගමන ආරම්භයේ සිට පැවති වර්ශාව අකා මකා වී ගොස් සුන්දර හිරු කිරණකින් සිරිපා ඉම වසා ගත්තේ අවට පරිසරය ඒකාලෝකමත් කරවමිණි. සීතල වූ පඩිපෙල් මත පා වහනින් තොර වූ පාද තබමින් මහගිරිදඹය පසුකොට, අප ගොඩ බට වූයේ සිරිපා ඉම මුදුනතටයි. සොදුරු පාරාදීසයක් බදු වූ අවාරයේ සිරිපා ඉම මනසට භාවනාවක් වැනිය. පැයකට අධික කාලයක් උඩ මළුවේ ගත කල අප සිරිපා පියුම වැද පුදා ගෙන නැවතත් පහලට කරුණා කිරීම ආරම්භ කලේ සිරිපා කරුණා කිරීමට අප තෝරාගත් දුරින් වැඩිම සහ දුශ්කරතම වූ මූක්කුවත්ත මාර්ගයට නැවතත් ගොඩබට වෙමිනි.
සිරිපා මලුවේ සිට නැවතත් මූක්කුවත්ත ගම්මානය දක්වා පැමිණි ගමන අප කණ්ඩායමට කිසි දිනක අමතක නොවන ගමනක් වනු ඇත. පාන්දර පහට ආරම්භ කල පා ගමන රාත්‍රි අට පසු වන තුරුත් සිදු කිරීමට සිදුවීම, මේ ගමනේ මතකය තව තවත් අප හදවත් තුල සදාකාලිකවම සොදුරු මතකයක් ලෙස සටහන් වීමට හේතු සාධක විය.
නැවත මෙවැනිම චාරිකාවකින් හමු වන තුරු සමු ගනිමු.
රූප රචනාව අද දහවල් දොලහ හමාරට. මේ වැස්සෙ කෝපි කෝප්පෙකුත් හදාගෙන ලෑස්ති වෙමු රූප රචනාව නරඹන්න.
ආයුබෝවන් මම දිනේෂ්.
➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖
Instagram - / dinesh_a_pathum
Tik tok - www.tiktok.com/@dinesh_a_pathum
➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖
මෙබදුම වූ සංචාර කිහිපයක්
ලකේගල තරණය - • Lakegala-Meemure | මීම...
හදපාන් ඇල්ල සොයා - • Hadapan Ella Camping |...
කතරගම පාද යාත්‍රාව - • Kataragama Pada Yatra ...
කටුසු කොන්ද, සැගව ඇති නුවර - • Kandy As You've Never ...
ලංකාවේ පාරාදීසයන් සොයා - • Nature Trails of Parad...
නුවරගල තරණය - • Nuwaragala | Ampare | ...
බලාන (ආදිතමයන්ගේ ගල් ලෙන් සොයා)
Part one - • උරුමය සොයා අම්පාර "බලා...
Part two - • උරුමය සොයා අම්පාර "බලා...
අවාරයේ මහ වනාන්තරය මැදින් - • අවාරේ සිරිපා | Off sea...
DAP production
20 окт 2022
