සැගවුණු දියඇලිදාමයක් සොයා නැවතත් දුම්බරට!
මේක කාලෙක ඉදන් මගෙ ඔලුව කැරකුන ගමනක්.. හිතුවෙම යාගන්න බැරිවෙයි කියලා ඒත් අවසානෙට ඒකත් ඉවරයක් කරගත්ත..
අපි දන්නෙ නැහැ අපිට මොනවගේ බාදක වලට මූනදෙන්න වෙයිද කියල, ඒ වගේම අපිට මොනවගේ locations හමුවෙයිද කියලාවත් අපිට කිසිම අදහසක් තිබ්බේ නැහැ.. ඉතින් අපි වතුරපාරක් දිගේ යනව.. එක තැනකදි අපේ GPS Connection එක lost උනා.. අපිට කරගන්න දෙයක් නැ.. අපි අපිවම විශ්වාස කරලා ඉදිරියට ගියා..
හරි අපි දැන් ඉන්නෙ දියඇලි දාමයක් මුදුනෙ.. කලින් අඩි දෙකක් තුනක් ලොකුවට තිබුනු දියපාර දැන් මහ විශාල දිය ගඟක් වෙලා ඉවරයි අපිටත් නොදැනිම. දැන් අපි මේක බහින්න ඕනි.. වටෙන්ම ගල්තාප්පයක් විතරයි තියෙන්නෙ.. පහලට එන්න කිසිම විදිහක් නැහැ.. ගෙදරින් offline map එකක pins දාගෙන ආවත් අපේ GPS lost නිසා අපිට මොකුත්ම කරගන්න විදිහක් නැහැ.. අපිට ආපහු හැරෙන්නත් බැරිතරම් දුරක් අපි ඇවිල්ලත් ඉවරයි.. මීටර් තුන්හාරසීයක බෑවුමක අපි හිරවෙලා. පුලුවන් කට්ටක් කාල පහලට යනවා ඇරෙන්න අපිට වෙන කරන්න දෙයක් තිබුනෙම නැහැ.. නැතත් අපේ ගමන ඉවර නොකර මගදාල යන්න කවුරුත්ම සූදානම් නැහැ.. ඉතින් අපිත් ඕනෙ දේකට රෙඩිවෙලා ආව නිසා අපි පැකිලීමකින් තොරව අවදානම බාරගත්ත..
ඉතින් අපි කැලේ පීර පීර පහලට බැහැගන්න ලේසි තැන් හොයනවා දැන්.. අපේ GPS Connection එක තිබුනානම් එකපාරින් පහලට යන්න හරි පාරක් අපිට හොයාගන්න පුලුවන්.. ඒත් අපිට එහෙම පහලට බහින්න තැනක් හොයාගන්න බැහැ අපේ GPS එක lost නිසා.. අපි පහලට බහින්නෙ හරි තැනකින්ද වැරදි තැනකින්ද කියලා අපිට හිතාගන්නත් බැහැ.. මොකද මේවල පාරවල් නැහැනේ.. අපි මගදි උඩට එන්නත් බැරිව පහලට යන්නත් බැරිව හිරවෙන්න උනත් පුලුවන්. අපි එ අවදානම පොඩ්ඩක් අරන් එක තැනකින් පහලට බැස්ස.. හරියන්නෙ හැහැ.. කැලේ ඇතුලෙ අංශක හැත්තෑවෙන් හැත්තැපහෙන් බැහැපු බෑවුමත් අසාර්ථකයි. ඒ එක තැනක අපි හිර උන නිසා.. අපිට අපේ රෝප් එකවත් ගැටගහලා පහලට යන්න තරම්වත් අවස්ථාවක් නැ.. ඒ තරමට බෑවුමයි උසයි වැඩී.. එ තරම් ලොකුවට ගල්තාප්පයක් තියෙන්නෙ.. ඉතින් අපි තව තවත් කැලේ වටේ කැරකෙනවා.. ඉතින් අපිටම තේරුනා මේක හරියන වැඩක් නෙමේ කියල.. වෙන ඕනෙ දේකට මූනදෙන්න බලාන ආයෙ උඩට එන එක ගැන නොහිතා " හිර උනොත් හිරවෙච්චාවේ " යන මානසිකත්වයෙන් අපි එක තැනකින් පහලට දැම්ම.. අපි අංශක හැත්තෑවෙන් අසූවෙන් උඩ බෑවුමක් බහිනගමන් ඉන්නෙ.. ගස් අල්ලන්, පදුරු වලට බර දිදී යනව පහලට.. අපිට විශ්වාසයක් නැ අපිට පහලට යාගන්න පුලුවන් වෙයිදෝ කියලත්.. හැබැයි එක දෙයක් විශ්වාසයි අපිට ආපහු උඩටනම් යන්න බැහැ.. මොකක්දෝ පෙර පිනකට පැයක දෙකක නොසෑහෙන කට්ටක් කාල අපි ඒ මුදුනෙන් පහලට බැහැගත්ත.. අපේ කණ්ඩායමටම පුදුමයක් අපි ඒක කරේ කොහොමද කියන එක..මේක කියවන ඔයාට ඒකේ අවදානම Feel නොවෙන්න පුලුවන්.. ඒ අවදානම වචනෙන් විස්තර කරන්න බැහැ මොනදේ උනත්..
දියඇලි දඩයම පටන් ගන්නේ දෙවෙනි කොටසෙන්.. ඉතින් අපි දෙවෙනි කොටසෙන් හමුවෙමු!
#knuckles #unseen #forest #sony #gopro #waterfallhunting #hunting #unknown #saduwasdiary
7 июл 2024
