දෙවොල් මඩු ශාන්තිකර්මයක් ආරම්භයේදී දෙවියන් උදෙසා පහන් දල්වා මල්, බුලත්, පඬුරු, සුවඳ දුම්, සුවඳ පැන් පූජා කිරීම දළුමුර පිදීම නම් වේ. පහතරට සම්ප්‍රදායේ නොයෙකුත් ගුරු පරම්පරාවල්වලට අනුව මෙම පෙළපාලියේ විධි රටාවන්වල වෙනස්කම් දක්නට ලැබේ. නිදසුනක් ලෙස රබලිය ගුරු පරම්පරාවට අනුව මෙම පෙළපාලිය සිදු කරනු ලබන්නේ පත්තිනි නර්තනය සිදු කර පත්තිනි ආභරණ තොරන් මස්තකයට වැඩම කිරීමට පෙරාතුව ය. එයට හේතුව වනුයේ සියලු ම දෙවියන් වැඩම කරනු ලබන්නේ පත්තිනි ආභරණ තොරන් මස්තකයට වැඩම කිරීමෙන් පසුව බවත් එමනිසා දළුමුර පූජා කිරීම පත්තිනි නර්තනයට පෙර සිදු කිරීම කල යුතු බවත් රබලිය ගුරු පරම්පරාවේ විශ්වාසය නිසාවෙනි. එහෙත් සම්ප්‍රදායට අනුව අනෙකුත් ගුරු පරම්පරාවන් මෙම පෙළපාලිය සිදු කරනු ලබන්නේ දෙවොල් මඩු ශාන්තිකර්මයක් ආරම්භයේ දී ය.
13 ноя 2020
