ශ්‍රී ලංකේය ජනප්‍රවාදයෙහි එන භයානකම යක්ෂයා ලෙස මහසෝනා සළකනු ලබයි. වලස් මුහුණකින් සහ මිනිස් ශරීරයකින් යුක්ත බව පැවසේ. අති ප්‍රබල යක්ෂයෙකු ලෙස පිළිගැනෙන මහසෝනා අනෙක් යක්ෂයන් මෙන් බැල්ම හෙළීමෙන් පමණක් ලෙඩ ඇති නොකරයි. සොහොන් පලකදී, තොටමුණකදී, පාළු කනත්තකදී පහර දී ලෙඩ කරන්නේ මිනිසා අපේක්ෂා නොකරන අවස්ථාවලදීය. මහසෝනා පහර දුන් විට පහර දුන් ස්ථානය නිල් පැහැ වී අතේ ඇගිලි සටහන් පවා පිහිටන බව විශ්වාසයයි. මෙසේ ලෙඩ වූ ආතුරයින් උදෙසා දොස් දුරු කර සෙත් ශාන්ති කිරීම අරඹයා මහසෝන් යක්ෂයා පිදීම පහතරට නර්තන ශාන්තිකර්ම කලාව තුළ සිදු කරනු ලබයි.
24 окт 2020
