යම්කිසි පවක් කරොත් ඒ පවත් අපේ පස්ස්සෙන් එනවා පිනක් කරොත් ඒ පිනත් අපේ පස්සෙන් එනවා 

Ven Matara Mahinda Thero - Neth FM Dharma Dakshina 2024-07-24
පූජ්‍යපාද මාතර මහින්ද ස්වාමීන්ද්‍රයන් වහන්සේ නෙත් FM ධර්ම දක්ෂිණා 2024-07-21
ඉතාම වටිනා දහම් කථාවක් ඇසුරෙන් ධර්ම දේශණාව
බුදුරජාණන් වහන්සේ මෙය දේශණා කරන්නේ ජේතවනාරාමයේ වැඩ සිටින සමයේ
මම මේ කරන සුළු සුළු පව් මම කරන පින් වලින් යටපත් වෙලා යාවි කියල සමහරුන්ගේ සිතිවිල්ලක් තිබෙනවා
සමහරු හිතනවා
තමන් කරපු පාප කර්මයෙන් ගැලවෙන්නේ කොහේ සැඟවිලා හිටියත් බැරි බව
සමහරු හිතාගෙන ඉන්නවා කඨින පිංකමක් සිදු කරගත්තම ආනන්තරීය පාප කර්ම හැරෙන්න සියළු පවු අහෝසි වෙනවා කියල.
වස් කාලයේ පින්කම් උපස්ථාන කරලා බොහෝ පිනක් අපිට ලඟා කරගන්න පුළුවන්
යම්කිසි පවක් කරොත් ඒ පවත් අපේ පස්ස්සෙන් එනවා පිනක් කරොත් ඒ පිනත් අපේ පස්සෙන් එනවා
අතීතයේ බොහොම ලස්සන රූපයක් තිබෙන ස්ත්‍රියක් හිටියා, ඇයට බොහොම ලස්සන කේශ කලාපයකුත් තිබුණා.
මැයගේ රූපයට ඉරිසියා කරන ස්ත්‍රීන් මේ ස්ත්‍රියට ආවතේව කරපු දාසිය යහළු කරගෙන දවසක් මේ ස්ත්‍රියගේ හිසේ ගලවන ආලේපනයට විෂ සහිත ද්‍රව්‍යයක් මිශ්‍ර කරා, මේ විෂ නිසා මැයගේ කොණ්ඩය සම්පුර්ණයෙන් ගියා. අවලස්සන වුණා ලැජ්ජාව නිසා ගමෙන් පිටත් වෙලා වෙන ගමක තමන්ට පුළුවන් විදියට ජීවිකාව කරගත්තා.
මැය ජීවිකාව ලෙස කරේ තල තෙල් මිශ්‍ර කරලා ආහාර හදල විකුණලා ජීවත් වුණා, මීට අමතරව ඇය සුරා සලක් ද පවත්වාගෙන ගියා
දවසක් සුරා පානය කරන්න පැමිණි පිරිමි පිරිසක් ඇවිත් බොහෝ සුරා පානය කරලා තැන තැන වැටිලා වෙරි මතින් නිදාගෙන හිටියා, මේ වෙලාවේ මේ කාන්තාව එතන සිටින පිරිසේ වටිනාම ඇඳුම ඇඳගෙන හිටපු පුරුෂයාගේ ඇඳුම් හොරකම් කරගෙන ගියා..
ධර්ම දේශණාව ශ්‍රවණය කරන්න..
මේ ආත්මයේ ඔබ දුප්පත් නම් කරන්න ඕන දානය දෙන එක.
මේ ආත්මයේ ඔබ රෝගී නම් හිතන්න මේ කර්මයක් ඵල දුන්නා කියල, කෙනෙක් හිතනවා කමක් නැහැ මේ කර්මය මේ ආත්මයේ ගෙවල ඉවර වෙයි කියල හිත හදාගන්න එක. නමුත් එහෙම කියල නිකන් ඉන්න හොඳ නැහැ, ලබන ආත්මයෙත් ඒ වගේ දේවල් සිදු නොකරන්න පුළුවන් තරම් පින් කරන්න ඕන. ගිලනුන් හට උපස්ථාන කරන්න ඕන, බෙහෙත් දානය දෙන්න ඔය වගේ දේවල් සිදු කරගන්න ඕන.
මේ විදියට කටයුතු කරොත් තමන්ට මේ සංසාරයේ තිබෙන විපත් වලින් ගැලවෙන්න පුළුවන්.
මේ කාන්තාව ස්වාමීන් වහන්සේ නමට දානය දීලා මෙහෙම මෙසේ ප්‍රාර්ථනාවක් කරා.. මට ඉතාමත් උසස් ජීවිතයක් ලැබේවා ඉතාමත් ලස්සන කේශ කලාපයක් මට ලැබේවා කියල.
මේ ස්ත්‍රීය මැරිලා ගිහින් මුහුදේ දිව්‍ය විමානයක දෙවඟනක් විදියට පහල වුණා, නමුත් ඇය කරපු අකුසල කර්මයත් ඇය පසුපසීන් පැමිණ තිබුණා
ඇඳුම් හොරකම් කරපු නිසා ඇය ඉපදුණේ ඇඳුම් නැතුව නිර්වස්ත්‍රව
දවසක් මුහුදේ ගමන් කරපු නාවිකයන් පිරිසක් මේ දේවතාවිය දැකල කතා කරා. නැවේ කපිතාන් ඇසුවා මගේ මුණ විතරක් පෙන්වන්නේ අපිට මුළු ශරීරයම කියල. එතකොට මේ දිව්‍ය ස්ත්‍රිය පැවසුවා මම නිර්වස්ත්‍ර වෙලා පහල වෙලා ඉන්නේ,
කපිතාන් තමන්ගේ ඉතාම වටිනා වස්ත්‍රයක් දුන්නම පැවසුවා මට මේ ඇඳුම ගන්න බැහැ, නමුත් වස්ත්‍ර ලබන්න ක්‍රමයක් තිබෙනවා. ඒ තමයි මේ නැවේ ඉන්නවා තෙරුවන් සරණ ගිය පන්සිල් රකින උපාසක කෙනෙක් එයට වස්ත්‍ර පූජා කරලා මට ඒ පින අනුමෝදම් කරන්න කියල
ධර්ම දේශණාව ශ්‍රවණය කරන්න.
පසුව පින් අනුමෝදන් කිරීමෙන් අනතුරුව මේ දේව ස්ත්‍රීයට වස්ත්‍ර ලැබුණා, පසුව පිරිස ඉදිරියේ පෙනී සිටලා මෙසේ ඔවුන් සමඟ කතා බහ කරා..
පසුව මේ දේවතාවිය කිව්වා මට තව මාස කිහිපයකින් මේ දිව්‍ය ආත්මය ඉවර වෙලා යන්න තිබෙන්නේ නිරයට කියල පැවසුවා
මළ ගිය ඥාතීන්ට පින් දුන්නට හැමෝටම පින් අනුමෝදන් වෙන්න බැහැ, පින් ගන්න පුළුවන් පරදත්ථූප කියන ප්‍රේත කොටසට පමණයි.
මළ ගිය ඥාතීන්ට දෙන්න පුළුවන් එකම දේ තමයි පින් අනුමෝදන් කරනවා.
මේ කතාව අසාගෙන සිටි මේ උපාසක තුමා කිව්වා, පින්වත් දිව්‍ය ස්ත්‍රීය මම නුඹව නිරයට යන එකෙන් වළකන්න ක්‍රමයක් කියන්නම් එසේ කරන්න.
පසුව උපාසකතුමා කිව්වා දැන් ඔබට වස්ත්‍ර ආහාර ලැබිල තිබෙන්නේ, ඒ ලැබුණ දෙයින් පින් කරන්න කියල කිව්වා. පසුව මේ දිව්‍ය ස්ත්‍රීය ඉතාමත් විශේෂ වස්ත්‍රයක් නිර්මාණය කරලා එය තමන් පූජා කරා වගේ බුදුරජාණන් වහන්සේට පූජා කරන්න කියල. පසුව මේ උපාසකතුමාට මේ දිව්‍ය ස්ත්‍රීය වන්දනා කරලා කිව්වා මම මේ වැඳපු විදියටම බුදුරජාණන් වහන්සේට වැඳලා, මම වැන්දා කියල කියන්න..
උපාසකතුමා බුදුරජාණන් වහන්සේ බැහැ දැකල අර විශේෂ වස්ත්‍රය පූජා කරලා වන්දනා කරලා කියපු විදියට පසුව ඒ පින ඒ දිව්‍ය ස්ත්‍රීයට අනුමෝදන් කරා, දිව්‍ය ස්ත්‍රීය එය අනුමෝදන් වෙලා ඉන්න දිව්‍ය ආත්මයෙන් මිදිලා තවුතිසාවේ මහේශාක්‍ය දෙවි කෙනෙක් විදියට පහල වුණා
ධර්ම දේශණාව ශ්‍රවණය කරන්න.
කෙනෙක් තමන්ගේ හිත පිළබඳ දකින්න ගත්ත දවසේ ඉඳල ඒ පුද්ගලයාට පුළුවන් බොහෝ අකුසල වලින් වළකින්න.
යමක් කරන්න කලින් නුවණින් මෙනෙහි කරන්න බලන්න මම මේ දේ ඇත්තටම කල යුතුද යන වග
පිං කරගන්න ගමන් අපි පවුත් සිදු කරනවා නම් ඒ දෙකම එකට පල දෙන බව හොඳින් මතක තබාගන්න
ධර්ම දේශණාව ශ්‍රවණය කරන්න..
#mataramahindathero #matara_mahinda_hamudurwo #dharma_dakshina #nethfmdharmadakshina #bana #budu_bana #bana_deshana #venmatara mahindathero #banadeshana #dharmadeshana #dharma_deshana #bana_deshana #mataramahindahimi #dharmadeshanasinhala #darmadeshanasinhala #ranmallasantha

Развлечения