සර්පයෙකු දෂ්ඨ කළවිට ඔබ කළයුතු දේ පිළිබදව ඔබව දැනුවත් කිරීම තමයි මේ වීඩියෝ එකේ අරමුණ. පළමුවෙන්ම බලමු ඒ වගේ වෙලාවක ඔබ කළයුතුම දේවල් දේවල් ගැන
* කලබල නොවී දෂ්ඨ කිරීමට ලක් වූ පුද්ගලයාව එම සර්පයා සිටින ස්ථානයෙන් ඉවත් කරන්න.
* හැකියාවක් තිබේ නම් සර්පයාගේ ඡායාරූපයක් ලබා ගන්න. සර්පයා මියගොසින් නම් එය ප්‍රවේශමෙන් රෝහලට යන විට රැගෙන යන්න.
* ගලා යන වතුරෙන් සර්පයා දෂ්ඨ කළ ස්ථානය හොදින් සෝදා ගන්න.
* දෂ්ඨ කළ ස්ථානය හෘදයට පහළින් වන සේ තබා ගන්න.
මේ මගින් විෂ හෘදය දෙසට යාම අඩු වේ.
* දෂ්ඨ කළ ස්ථානය පිරිසිදු රෙදි කැබැල්ලකින් තද නොවන ලෙස වෙළාගන්න.
* හැකිතාක් දුරට දෂ්ඨ කළ ස්ථානය නොසෙළවෙන සේ තබාගන්න. දෂ්ඨ කර ඇත්තේ පාදයේ නම් පතුරු කැබල්ලක් තබා නොසෙල්වෙන ලෙසට බදින්න.
* දෂ්ඨ කළ ස්ථානයේ ඇති මුදු වළලු ආදිය ඉවත් කරන්න. ඉදීමීමත් සමගම රුධිර ගමනට බාධා වී එම කොටස් මියයාම වළක්වා ගැනීමට මෙය උපකාරී වේ.
* පුළුවන් හැකි විගස මහ රෝහලක් වෙතටම යන්න. මෙහිදී මහ රෝහලක් වෙතම යන්න කියන්නේ, ප්‍රාදේශීය රෝහලක ප්‍රතිවිෂ නොතිබීමට පුළුවන් නිසාත්, එම ස්ථානයෙන් මාරු කර යැවීමට ගත වන කාලයත් වටිනා නිසයි.
සර්පයෙකු දෂ්ඨ කළ අවස්ථාවකදී ඔබ නොකළ යුතු දේ මීළගට බලමු.
* විෂ උරන්න එපා
* තද රෙදි කැබැල්ලකින් තුවාලයට ඉහළින් බදින්න එපා
* ආයුර්වේද, ගල් තැබීම හා ගොඩවෙදකම් කරන්න කාලය වැය නොකර ඉක්මණින් රෝහලට එන්න. මේ නිසා කාලය නස්ති වීමෙන් ජීවිතයට හානි විය හැකියි.
* වේදානානාශනයට පැරසිටමෝල් පමණක් භාවිතා කරන්න. වෙනත් බෙහෙත් පානය කරන්න එපා.
* පළතුරු යුෂ, කුරුම්බා ආදිය පානය කරන්න එපා. මේවායේ අඩංගු පොටෑසියම් නිසා වකුගඩු ආබාධ ඇති විය හැකියි.
වැදගත්ම දේ තමයි අනවශ්‍ය වැඩ වලට කාලය අපතේ යවන්නේ නැතුව ඉක්මණින්ම රෝහලකට යන එක. ඔබ ඉක්මන් වන තරමට දෂ්ඨ කිරීමට ලක් වූ තැනැත්තාගේ ජීවිතය බේර ගැනීම පහසු වනු ඇත.
- ඉෂාර ජයරත්න-
(Information credit - Gayathri Dharmasena)
#Snake_Bite #First_Aid #Sinhala
*මෙම වීඩියෝව මගින් බටහිර වෛද්‍ය විද්‍යාව සදහා නිර්දේශ ඉදිරිපත් කරන අතර එමගින් අනෙකුත් වෙද ක්‍රම සදහා හානියක් වී තිබේ නම් සමාව ඉල්ලා සිටිමි.
* These are the instructions for western medical treatment options. Through this I don't expect to criticize the other treatments such as Ayurvedic, Indigenous medicine etc. If so thing has happened I'm sincerely sorry.
22 июн 2020
