ເພງ: ລູກຢາກຮຽນຕໍ່
ຮ້ອງໂດຍ: ວຽງ ແສງທະວີ
ແຕ່ງໂດຍ: ສ.ພູທອນ
---------------------
ເພງນີ້ແຕ່ງຂື້ນ ເພື່ອນຳເຂົາແຂ່ງຂັນໂຄງການ: #ສະບາຍກາຍສະບາຍໃຈ- ການແຂ່ງຂັນແຕ່ງເພງ
ນີ້ເພງເປັນພຽງຮ້ອງໃຫ້ທຳນອງຕົວຢ່າງ ຍັງລໍລຸ້ນຢູ່ຈະຜ່ານຄະນະກຳມະການບໍ່ ເພື່ອນລອງໃຫ້ຄຳເຫັນນຳກັນເບິ່ງ ຈະຜ່ານຈັກເປີເຊັນ ຈະໄດ້ນຳໄປປັບປຸງ ຄັ້ງຕໍ່ໄປ.
==========
#ລູກຢາກຮຽນຕໍ່, #ແຕ່ງແຂ່ງຂັນ, #ການສຶກສາ
ເນື້ອໃນເພງ: ລູກຢາກຮຽນຕໍ່
1.ຈົບພຽງປະຖົມ ຕໍ່ມັດທະຍົມ ບໍ່ມີປັນຍາ
ພໍ່ແມ່ ຊາວໄຮ່ຊາວນາ ເພີ່ນບອກວ່າ ບໍ່ໃຫ້ຮຽນຕໍ່
ຂາດຜູ້ຊ່ວຍແຮງ ຄອບຄົວລໍາບາກ ເງິນຄຳບໍ່ພໍ
ເຫັນໝູ່ ໄດ້ຮຽນຊັ້ນມໍ ຕົວເອງນີ້ນໍ ຈູງຄວາຍໄປນາ
2.ໝູ່ພະນັກງານ ມາຢາມບ້ານ ມີຂອງຕ້ອນແມ່
ເງິນຄໍາ ສີ້ນໄໝແຜ່ນແຜ ເບິ່ງໜ້າອີ່ແມ່ ເຮົາມີນໍ້າຕາ
ເຂົາຮຽນບໍ່ເກັ່ງ ເສັງໄດ້ທີ ບໍ່ສູ້ລູກຊໍ້ານາ
ດຽວນີ້ ມີໜ້າມີຕາ ເຮົາລູກຊາວນາ ຍັງເປັນຊາວນາ
H.ຢາກຮຽນ ຢາກຮຽນ ລູກເຄີຍຂໍແມ່
ຢາກຮຽນແທ້ໆ ເພາະຫວັງຊ່ວຍແກ້ ອາຊີບຊາວນາ
ລູກໄດ້ງານດີ ມີເງີນເດືອນ ຈະມອບໃຫ້ມານດາ
ຊາດລາວພວມພັດທະນາ ຂາດການສຶກສາ ກໍ່ເຮັດຫຍັງບໍ່ໄດ້
3.ຈົບພຽງປະຖົມ ຂໍມາຈົ່ມ ເປັນອຸທາຫອນ
ພໍ່ແມ່ ທຸກຄົນສັງວອນ ຕ້ອງບໍ່ຕັດຮອນ ອານາຄົດສົດໃສ
ນັກຮຽນວັນນີ້ ຄືຜູ້ນຳພາ ຊາດລາວຕໍ່ໄປ
ບໍ່ວ່າ ລູກຍິງຫຼືຊາຍ ສົ່ງເສີມເທົ່າທຽມ ດ້ານການສຶກສາ
(ຊໍ້າH,3 ຈົບ)
===========
ຝາກກົດ ຕິດຕາມ, subscribe ເປັນກຳລັງໃຈໃຫ້ ສ.ພູທອນ ແລະ Vieng Channel ແດ່ເດີ!
30 июл 2020
