ໂພນສັກແດນງາມ[โพนสักแดนงาม] 

ຮ້ອງໂດຍ: ສ.ພູທອນ
ແຕ່ງໂດຍ: ສ.ພູທອນ
ຮຽບຮຽງ: ສູນທອນ ຕາວັນຄຳ
ດົນຕີ ແລະ ຫ້ອງອັດ: ອາຈານ ຈ່ອຍ Black Eye ແລະ ອາຈານ ໂຊນີ
------------------------------------------------------
ໂພນສັກແດນງາມ
1.ໂພນສັກແດນນີ້ ເຄີຍໄດ້ມີ ຊື່ສຽງລືຊາ
ເປັນແດນທີ່ສວຍງາມຕາ ແຕ່ກ່ອນຊື່ວ່າ ບ້ານນາຜາຮອບ
ມີຫຼາຍສາຍພູ ໄມ້ສັກຢູ່ ລຽນລາຍອ້ອມຮອບ
ຕັ້ງຢູ່ສາຍແດນທາງຂອບ ເມືອງພຽງປາກລາຍ ໄຊຍະບູລີ
2.ໂພນສັກແຫ່ງນີ້ ເໜືອນດັ່ງມີ ມົນຂັງຝັງໄວ້
ປະຊາຊົນມີຄວາມສຸກຫຼາຍ ຕາງກໍພູມໃຈ ສ້າງສາມັກຄີ
ພັດທະນາໂຮງຮຽນ ທັງວັດວາ ສະອາດງາມດີ
ກະສິກຳໝາກພຸກສາລີ ໝາກໂມກໍມີ ກາຍເປັນສິນຄ້າ
H.ພູປໍ ສູງເດັ່ນ ຄູ່ສາຍພູໂຕ່ງ
ຍາມແລງຄໍ່າລົງ ອາບນໍ້າຍາມ ຊື່ນເຢັນກາຍາ
ນໍ້າຫອຍນໍ້າຫາງ ນໍ້າມຶດນໍ້າມາກ ຫຼາກຫຼາຍປູປ່າ
ໂພນສັກໄດ້ພັດທະນາ ສົມນາມວ່າ ບ້ານວັດທະນະທຳ
3.ໂພນສັກແດນນີ້ ໃຜໄດ້ມາ ເຫັນແລ້ວຕິດໃຈ
ຫອຍເຫຼັກຈານເຫລົ້າຂາວແຊບຫຼາຍ ຍາມຈາກໄກ ຄິດຮອດອຳລໍ່າ
ໃນຍາມເຊົ້າຕູ່ ເທິງເນີນພູ ປານແສງທອງຄໍາ
ໂພນສັກສວຍງາມເລີດລໍ້າ ມີຄວາມງາມ ສະເໜ່ຝັງໃຈ
-------------
ເປັນບົດເພງທຳອິດ ຕັ້ງໃຈເຮັດຂຶ້ນເພື່ອເປັນເອກະລັກ ແກ່ບ້ານເກີດຕົນ ເພື່ອຍາມມີກິດຈະກຳຢູ່ພາຍໃນບ້ານຈະໄດ້ມີບົດເພງໄວ້ເປີດຟັງ ຍາມຢູ່ຫ່າງໄກບ້ານ ກໍໄດ້ມີເພງບ້ານຕົນເອງຟັງ...ພາຍຫຼັງສ້າງເພງທຳອີດ ເພື່ອບ້ານເກີດແລ້ວ ກໍຈະຄ່ອຍສ້າງສັນຜົນງານໃໝ່ມາໃຫ້ໝູ່ເພື່ອນທີ່ກົດຕິດຕາມໄດ້ຮັບຟັງນຳກັນ. ເພງນີ້ ປະກອບສ່ວນສົມທົບສະໜັບສະໜູນໂດຍ: ທ່ານ ບົວສີ ວິໄລພອນ ຂອບໃຈຫຼາຍໆ ຍັງຈະສ້າງເປັນວີດີໂອອີກຢູ່ ໃຜຈະປະກອບສ່ວນຮ່ວມກັນ ກໍຕິດຕໍ່ມາໄດ້ເດີ.
#ໂພນສັກແດນງາມ, #StayAtHome, #ເມືອງພຽງ

Видеоклипы